تجربتك مع عمليات تطويل القامة

[the sadeness]

السلام عليكم
حابة اعرف اذا في وحدة عملت هالعملية ؟؟وعند مييين؟؟
لإني مفكررة أسويها
أرجوووكم ساعدوني
طولي مسبب لي حالة نفسية
:eh_s(2):
​

 

[اميره بكلمتي]

اب اب

ان شاء الله البنات يفيدونج

 

[baby qa6wa]

لوووول اول مره اسمع بهالعمليه

 

[بدوردا الأموره]

ليه انتي كم طولج

هذي العمليه بلدها الاصلي الصين و طريقتها رخيصه مره بحيث يركبون وصله بلاستيكيه بعد ما يكسرون الساق

وماتطول الا حوالي 9 سم يعني من جدك انتي بتكسرين سيقانك على ولا شي

في جهاز للتطويل تنسدحين عليه يوميا ساعه ويقولون انه يحفز الساق على النمو واذا استمريتي يمكن يطولك خمس سم

بس هذا أهون من العمليه

و يازين القناعه

 

[MISS_LIZLIZ]

شوفي انا مرة كنت مشتركة ضمن برنامج صحي كل شي جديد يتعلق بالصحة و نصائحه يذكره
كثيرر استفدت منه للنصائح العامة

افتكر مرة قرأت خبر منهم انه يوجد عملية تطول اظن 18 سم

و جهازها داخلي يتم تركيبه في العظم يعني فتره و يشيلونه و ما يبين للناس

و بعد 6 اشهر يشيلونه منك و تكونين طولتي 18 سم او 20 سم

لكن افتكر كثيرر مكلفة اقل سعر لها اذا مو غلطانة في حدود الـ 500 الف ريال

 

[the sadeness]

سمعت في دكتور في مصر يسويها وطلع على قناة bbc
وكمان عندنا في السعودية دكتور محمد الصياد برضو يعملها
بس ابغى احد جربها؟؟؟؟؟

 

[the sadeness]

مااقول غير الحمدلله على كل شي
انا طولي
152
لكن طولي مسبب لي حاله نفسية ونقص في الثقة

 

[ReDLOve]

اي والله انا بعد افكر ابهالعملية بخاااطري اوصل 163

ياليت تفيديونا اكثر

 

[يآلبى ضحكتي:$$]

آنآ طولي150


بس حمدلله ترى زين عآد مو قزمه مع آلكعب يصير آوك​

 

[حياتي تكنولوجيا]

وانا طولي 152 بسبب الغده الدرقيه والحمدلله على كل حال بس اهم شي الوزن لاااااااااا يزيد ومع الكعب والبدله الطويله نضام السمجه او الذيل يكون الشكل العام اوك
والحمدلله على كل حال بس نصيحتي لج لا تسوين العمليه وغيري شوي بموديلاتج وتكونين ان شاءالله احلى وحده​

 

[Kattie]

ترا هالعمليه خطره وتذبح من الالام و نادر يسونها
تخيلي يكسر عظمتج ويحط فيها صييخ!! وكل يوم تدووسين عليه!
ووايد حالات تفشل من هالعمليه وعمليه تعذيب صراحه لانه راح تموتين لما تمشين تدوسين عليها تخيلي!!!
راح تعذبين والله مايسوى ترا الكلام اسهل من الفعل
انصحج ارضي بطولج غيرج اقزام حتى متر ماوصلو ومافكرووو يسونها
وشتبين بالطول مو حلو الطول على البنيه و الشباب يحبون البنيه القصيره من 150 لي 160
هالطول يذبح الشباب جنج كتكوته والله يعافي الكعب
فكري عدل ولاتتهورين باجر ماتدرين شصير هاذا عظم واذا في شي كسر عظم عواره يذبح
انا رفيجتي كسرت عظمه خشمها عشان بتسوي تجميل عظمه يديده كله تصيح ماتت من الألم
شلوون الريل فكري عدل حبيبتي وتعوذي من البليس

 

[حكاية شهرزاد]

تحملي منها نصيحه لوجه الله ..

شوفي ياعمري ,, دوم القصيرة اذا جات حلوة تجي بوجه مايصير على الطويله ..

من جذيه الطوال اللي اجسامهم صح وحلوة نادر مايجون بوجه وايد حلو ..

ومثال على هذا ملكات جمال لبنان الجدد , اللي قليل فيهم جميلات مع انه طولهم فارع ..

بقولج .. ليش ماتصيرين قصيرة وحلوة ..

تدرين متى القصر يصير عيب .. اذا صار على متن .. اذا صار على دفاشه ,, اذا صار بكثرة الديزاينات ..

ابتعدي عن هالعمليات الخطرة ,, اللي حتى نادرة ,, هذول دكاترة بيجربون فيج ,وبالاخير اذا صار غلط محد يتحمل الخسارة كثرج ..

عليج بهدف انج تنزلين وزن ..

عليج انج تشوفين انه جميلات الجميلات اللي ماصارو بزمانهم مثل .. (( سعاد حسني , شيريهان .. نيلي,, نادية لطفي ,, زبيدة ثروت ,, ناهد شريف ,, وغيرهم ))

كلهم طولهم بالخمسين ,, والتقريبي 150 - 154..

وشوفي حلاوتهم ..

ومن الجدد ,, عندج نانسي ,, عندج ميريام فارس ,, عندج راغده شلهوب ,, عندج مذيعات وايد من لبنان روعه بجمالهم ..

وجهم ماله مثيل ..

دوري لج فكرة شلون تخلين القصر يكون حلى لج ..

ضعفي ,, عدلي بشرتج ,, عدلي شعرج ,, لاتسوين ويه عود لج .. لانه اهني بيصير يبين انج قصيرة ..والقصد انج لاتحطين مكياج وايد ولا تكبرين شفايف تحدين من خشمج ..
لاتلبسين شي يكون مو لج .. يعني المكسي فرنسي ,, البرمودات ,,

لبسي ياقصير ,, يا طويل ,, لاتلبسين وسط لانه اهني بيبن ريلج صغيرة ..

وعليج بالكعب .. واذا بتلبسين قصير لبسي نعال واطي ..

ومع الرموش الحلوة ,, والشعر الناعم ,, او الكيرلي القصير ,, والحركات الناعمه اللوكات المتطورة ,, بتصيرين احلى قصيرة ..

ولا تنسين الستر ,, ويقولون ترى حظ القصيرة حلو ,, وكل قصير فتنة ,, ولاتنسين الدراسات اثبتت انه القصيرة مرغوبة عند الرجل حتى بالجنس اكثر بكثير من الطويلة ..
والقصير ذكي دوم .. يقولونها .. يا فتنة ..

انا طويلة ومايهمني طولي ,, ولا قصر احد ,لانه كله . من الله ..

 

[the sadeness]

ااااااااااااااااااااااااااااااااااااااااااااااااااااااااااااب

 

[دمعة طفله]

يا معوده عندي وعندج خير
بس العمليه خطيره
الله يخلي الكعب شحلاته من تلبسه البنت يعطيها انوثه
اهتمي بتقاسيم جسمج وبتصيرين حلوه

 

[Cinderella Ab]

السلام عليكم
حمدي ربج و تعوذي من بليس ترا و الله الطول ذرابه و نعومه

بصراحه انا انا طولي 170اتمنا اقصر مع ان ما شاء الله جسمي مثالي و شقره و الكل اقولي بالعكس الطول محليج بس وايد اتمنا طولي يكون 165 جان زين في شي اقصر!

الله يهدي سرج و الله يجمل الجميع ان شاء الله ...

 

[shmooo5]

حرام عليج .. طولج ينقاله طبيعي ومو قصيرة عشان تسوين العملية ،
هالعمليات للي لاسمح الله قصار يعني بحدود١٣٠ مولج ..

 

[Bnt Salwa]

احمدي ربج انا طولي ١٥٠ و كل من شافني عطاني اصغر من عمري مع اني متزوجه و عندي بنت بس الحمد لله مهتمه حيل بجسمي لانه اذا متنت راح يصير شكلي مدور و كل من يقولي شكلج بالثنويه بعدين اذا كانت المره قصيره الرجال يحس برجولته اكثر و يحسج كيوت و كتكوته بس اهم شي تختارين اللبس عدل بحيث ما يبين قصرج و الله يسلم الكعب

 

[كويتيه فرنسيه]

والله مااعتقد هالعمليه موجوده بالكويت
انا بعد ودي اطول

 

[هدهودة]

[FONT=&quot]اختي قرأت سؤالك عن تجربة مع عملية تطويل القامة[/FONT][FONT=&quot] وقرأت ايضاً تعليقات الآخوات، وفي الحقيقة الواحدة لا تكتب إلاّ اللي تعرفه حقيقة ... اختي اريد أشاركك بشيء عملي وحقيقي واعطيك عنوان الشاب اللي صار أطول 8 سم وانت تكتبين له وتسأليه على النت عن العملية وهل صحيح كلام الاخوات اللي يخوفونك وهو من العراق ولا مانع عنده يكتب عن تجربته الشخصية وكام سم صار أطول، وعنوانه هو : [/FONT][email protected][FONT=&quot] ، ويمكن سؤاله بشكل مباشر، لكن أنا اللي اعرفه عن طبيب جراح في سورية ، مدينة حلب هو اللي يعمل هيك عمليات، و اعرف مريضة له سابقة كانت رجل أقصر من رجل عمل لها العملية وصارت الاثنتين بطول بعض وهي كتير ممنونة وكان هذه العملية عملتها من اكثر من عشرين سنة، واعطيك عنوانه إذا ترغبي تسأليه مباشر : [/FONT][email protected][FONT=&quot] واللي اعرفه عن الكلفة ليست 500 الف ريال وإنما أقل من 50الف ريال، على كل حال النت سهلة والسؤال بدون كلفة، وتعرفين الصح من اللي عملها بسؤاله المباشر واتمنى لك دوام الصحة والعافية[/FONT]

 

[فدوووو]

سممعت ان في عمليه تتطول بس مافيها تكسير رجوول

مااتذكر متى قريتها بس قريتها بالمنتدى هذا اتوقع

بس ياليت في شي يطووووووووول

احب الطووول احس الطول هيبه ورزة