تجربتكم يا حلوين احلى صبغه واحلى لون وين سويتيه

[shoshowoo]

شلونكم حبوبات شفت ان موضوع المكياج مثبت والتسريحات وهم تنظيف البشره فقلت نسوي لنا مرجع حق الصبغات والنيولوك وطبعا الموضه الدارجه


انا ببتدي انا ماصبغت الا بصالونين العام صبغت بسلفانه بيوتي بالجابريه كنت مسويه اشقر وخصل طبعا كااااااان صج حلو صبغته عند سهى وخليته 3 شهور وسويته هم عندهم كستنائي طلع غامج بس حلو

ومن يومها ماصبغت الا الاربعا قبل يومين كنت محتاره بين لبلوبيل والملكه ستايل بس رحت الملكه ستايل قلت اقرب لي
وسويته بني بس بس طلع فاتح مو الي ابيه عاد السبت الي اهو باجر بروح اغمجه شوي وان شالله يطلع حلو

اختي دايما تصبغ عندهم بس شقار مو اللوان وواااايد يطلع حلو



اتمنى فدتكم ويريت الكل يشارك ويكتب تجربته


حبوبات الي دش تدعيلي الله يسخرلي ريلي ويسهل ولادتي فديتكم

 

[shoshowoo]

ايي بضيف شغله لاحضت ان اللوك الدارج اهو اللون الواحد وبدجات البني وعموما البني يلوق على كل اللوان البشره

 

[shoshowoo]

اشدعوه حبوبات ولا وحده رفعت الموضوع او صبغت ؟؟

 

[Angel_store]

اب اب اب

 

[shoshowoo]

Up up

 

[توتا الكتكوته]

اهني انسي ابو النحاسه واذا بيعلمونج يعلمونج كل شي غلط يخافون تصكين عليهم يمكن ،،، تبين الموضه الصح

دشي مواقع اجنبية واستفيدي منها اللي اهني يا الاصفر الموت المصدي ولا البرتقالي استغفرالله وين والصبغ وين

 

[Asoora~]

توتا الله يهداج هدي اعصابج بالعكس والله استفدت من البنات حييل وما لاحظت فيه احد يعلمني غلط
الله يهديج بس


بالنسبه للموضوع انا اول صبغه لي كانت بني ومخصل ثلجي طبعا من زمان كانت وقتها موضه لوول وكان ضااااااااااااااااابط
عند وحده مصريه خذيت رقمها من المنتدى والله مادري شسمها ومن زماااااااااااااااااان فا ضاع الرقم

بعدها صبغت اشقر كامل قالب على زيتي .. فضيييييييييييع حده ضابط عند لبنانيه اسمها هناء .. والحين انا صابغه عندها اشقر رمادي حده عاااجبني بس ترا تسحب لون حتى لو لون شعرج فاتح يعني الله يعينج اذا شعرج خفيف لا تخلينها تسحب لانه بيطيح

عاد الحين نزلت الصبغه وبشتري من الجمعيه اشقر رمادي فاتح جدا وبحطه فووقها والله يسستر من النتيجه

وهناء اسعارها معقوله وتطلع بيوت يعني بين 45 الى 50 دينار
وهاذا رقمها 99400923

دعواتكم

 

[عــاشــقــه]

أحلى شيء بالنسبه لي درجات البني والشوكلت أحسها حيل دارجه

بس للحين مالقيت الصالون يضبط اللون إلي أبيه

 

[&موناليزا&]

عزيزتي رفع لعيوووووووونج

 

[shoshowoo]

ماقصرتو حبوبات وان شالله باجي البنات ينفعونا بتاجربهم
ويكون الموضوع مرجع لنا

 

[ماحب اتدلع]

توني صابغة نفس هاللون احسة دارج بهالوقت

صبغتة بالبيت صبغ ويلا لونين اشقر بلاتيني واشقر رمادي فاتح

 

[shoshowoo]

صباح الخير حبوبات امس بنت خالتي امدحت بنت السلطان حق درجات الاشقر بس يسحبون لون طبعا

انا ماشفت احد صابغ بس اهي رفيجاتها يصبغون هناك للمصداقيه والامانه


اتمنى بنات الي تحط تجربه او مكان تتكلم فيه بامانه ومصداقيه

 

[shoshowoo]

ماحب اتدلع هذا لون شعري الحين بالضبط اليوم العصر راح اروح اغمجه شوي بس انا سويته صالون ماعرف اصبغ بروحي

واهو اللون صج حلوووووو بس انا بخاطري لون ثاني

وماشالله عليج تعرفين تخلطين الالون وتيبين الدرجه الي تبينها

 

[دلع86]

جربت ليلي هارموني زين حلو صبغهم
وجربت الملكه ستايل وايد حلو
ورحت بعد هير ستيشن هذا صج واااو والله عجبني شغلها اهي مغربيه

 

[ماحب اتدلع]

ماحب اتدلع هذا لون شعري الحين بالضبط اليوم العصر راح اروح اغمجه شوي بس انا سويته صالون ماعرف اصبغ بروحي

واهو اللون صج حلوووووو بس انا بخاطري لون ثاني

وماشالله عليج تعرفين تخلطين الالون وتيبين الدرجه الي تبينها

انتي تبين تغمجينة وانا ابي افتحة هههههههاااي ريلي يحبة فاتح بس طنشتة ومافتحت لونة :ggdw: احس حالي سيلانية كاشخة اذا فاتح وايد يلا مرة ثانية اسوية افتح :nocommint:
انتي اذا تبين تغمجينة شوفي درجة غامجة بني بندقي او بني شوكولاة احسن لج من الصالونات الي يخربون الشعر ويكون ويلا كولستون صبغاتة عجيييبة :dfgl:

 

[shoshowoo]

دلع انا امدحولي هير ستيشن بس اخاف احب اشوف بعيني بس شفت تسريحاتهم وايد ذربه وحلوه ماشالله

ماحب اتدلع امس رحت غمجته شي بسيط طلع روعه وااااايد عجبني وقصيت القذله المشرشره

حسافه ماعرف انزل صوره وانا شابكه من الايفون عندي جم صوره حلوييييين
وعندي صوره نفس اللون الي صابغته

اتعلم وانزلهم *

 

[shoshowoo]

بنات يريت الي عندها اي تجربه تكتها هني عشان البنات يستفيدون

وتكون بامانه

 

[amtar]

انا باجر بروح اصبغ شعري عند سلفيا بيوتي اللي بالجابريه
لانه مدحووولي اياه وقالو انه متخصص بالاشقر

كنت مسوي قبل 6 اشهر عند صالون بليلى جاليري فوق حلووو الصراحه
كستنائي وخصل فاتحه
واايد حلوووو حيل حيل حلوو
بس لاااازم حمام زيت والا ما يتمشط

قلت اجرب اشقر مع انه الصبغه ما نزلت على النص واقل بعد
ولا ابي اسوي سحب لون لانه بيموووووت حده
وبسوي نفس هاللون


مع خصل

 

[shoshowoo]

Amtar روحي وانتي مطمنه سلفانا بيوتي جربت الاشقر عندهم يهبل وماحرقو شعري عندج سلفانا او اختها سها اثنينهم شطار انا صبغت عن سهى بس سلفانه ترا اشطر وخبرتها اكثر

وان شالله توصلين حق اللون الي تبينه ويطلع حلو

ومشكووووره عالمشاركه