تجاري انذارين تخصصي ..

[فجوره البطه]

قوه
بنات سؤال
اول خل اقولكم انا تخصصي محاسبه
وعندي انذارين تخصصي ومعدل التخصصي 1.55
ومعدل التراكمي 2.50

هل فصل انا ماخذه 5 مواد

4 مواد اتوقع ان شاء الله كلهم فوق الـ -C

وماده وحده مالت التخصص محاسبه (محاسبه تكاليف ) اتوقع بيب فيها F

ومتأكده لا تقولون شدي حيلج فيها وحاولي
لاني متاكده مارح ايب فيها زين فودي ايب فيها F
علشان اعيدها بالصيفي ابي اخذها بروحها اتفرغ لها بروحها
لانها مو راضيه تدش مخي ...

الحين السؤال يقول
اذا يبت فيها F هل راح ينزل معدلي التخصصي ؟ هل رح يعطوني انذار ثالث ؟

وهم سؤالي ثاني :-

حدي معدلي التخصصي جم اقل شي يكون ؟ يعني جم على الحفه يعني اذا نزل عن الرقم المحدد يطلعوني برا التجاري فجم هل رقم ؟؟

وجم انذار يعطوني اياه وبعدين يطردوني من التجاري ؟؟

يعني ثلاث انذارات والرابع طرد ولا انذارين والثالث طرد ؟؟؟

ابي اعرف اجوبه هل اسئله ..؟

بشد حيلي بس لانه هل سنه ونص معتفسه الايام
وان شاء الله بحاول اشد حيلي فمابي اتقولون شدي حيلج ودرسي :eh_s(2):
لاني ادري حاسه اني خربتها بالدراسه ف ان شاء الله بشد حيلي !!

 

[بنتmbc1]

تعتبرين مفصوله بعد الانذار الثالث اذا مارفعتي معدلج العام االلي اهو عباره عن التراكمي مع التخصصي ومواد التخصص تاثر ع المعدل التخصصي ومعدل التراكمي فانتبهي
وبعد الانذار الثالث يعطونج اعادة قيد وفق لحسبه معينه عن طريق الحاسب الالي
راجعي مكتب التوجيه والارشاد بيفيدونج اكثر

 

[اميره بعيونه88]

الله ماادري شقول لج تخصص المحاسبه يبيلها ناس تخصصها علمي اذا انتي مالج بالرياضيات نصيحتي حولي لتخصص اداره كلها حفظ


وبخصوص الانذارات باقي لج انذار ثالث وفرصه اخيره واذا تدخلو بنات الاتحاد يخذون لج استراحم

 

[gala q8]

إذا اخذتي f ما ينزل المعدل .. بس الـ d ينزل ..

الانذاار الثالث مثل ما قالوا البنات ..

محاسبه تكالف اصعب ماده بالمحاسبه .. =(

اعتقد المعدل لازم يكون من 2.00 و فوووق ..

إذا عندج الحين انذارين و ناطره الثالث < إن شاء الله لا .. فما ادري شنو الحل التوجيه والارشاااد افضل ..

بس إذا بتاخذين هالمره انذار ثاني فأحسن شي تاخذين مواد سسسسهله مثل نصوص متقدم + طباعه عربي + مقدمه في الحاسب الآلي ... عشااااااااان يرفع من معدلج .. لان هالمواد تضمنين الـ a , b