تجارب مفيدة جدا لطفل الداون

[مرمر]

السلام عليكم

شلونكم امهات انا راح ابداء بتاجاربي مع بنتي الله يحفظها وبشهادة حتي دكاترة امريكا انها متفوقة جدا وذكية
انا ما راح انقل لكم كلام مكتوب او قص ولصق تري حتي اطفالنا مو لازم يكونون حقل تجارب ونسوي التمارين لازم نعلمهم باللعب ةالحب ونقويهم


لما ولدت بنتي لاحظت ان عينها دائما تطالع فوق ومافي تركيز بالمرة حتي لما تسمع صوت تلتفت شوي وترد مرة ثانية تطالع
طبعا اللاب توب كان صديقي غير الكتب غير خبرتي كون عندي اطفال سابقين عرفت ماتركز علي اي شي مدة وحسيت اذا خليتها راح تخمل حتي الخلايا الباقية

الحل

وهي بالاربعين حطي الوان ولزقات الوانها فاقعه ممكن تستعينين بالحمر الله مكثرهم لشد انتباهه الطفل واذا مل الطفل غسلي وحطي العاب اللي فيهم صوت عالي مع اليتات تشب للاعبي طفلج مرة بوجهج ومرة باللعب مع الصوت والاضاءة راح تلاحظين ان قام يركز اكثر بس لاتسوينها مرة او مرتين وتقولين خلاص ولا تحسين انج مجبرة استمتعي باللعب مع ضناج ولاتفكرين انه تمرين

انا ابي من الامهات خاصة الجدد يمشون مع تماريني ويقولون ملاحظاتهم قبل وبعد التمرين

 

[مرمر]

التجربة الثانية

الياهل مايعرف يتحكم باصابع يديه
تدون ليش لسببين
1- الرخاوة بالاطراف
2-مايعرف انه هو اللي يتحكم

الحل ييبي ككاو نوتيلا السائل الكبير وخليه حقه بروحه لانه راح يلعب حطي باصبيعه بالكاكاو وخل يذوق اول اصبع راح تشوفين انه عجبه الطعم ويبي الاصبع الثاني بياكل وراح يحرك ايديه واصابيعه وكرري مرة ثانية بس مو وايد لاينغث وما ياكل

خليها مرتين باليوم

 

[مرمر]

يالله ياامهات خصوصا اللي مواليدهم صغار نبي تجربون وقولوا لي شنو حسيت من هالتمارين والتجارب

خلونا نفيد بعض

 

[راضيه بقضاء الله]

مشكوووووووووره ياقلبي على الافاده

 

[داون سندروم]

كلامك مضبوط التكرار والأستمراريه هى اسهل وسيله لنتاج مفرحة
أاهم شي عزيزيتي الأم تبدين معاه علاج طبيعي مبكر علشان ما يتاخر بالجلوس والمشي
ومساج تدليك الفم علشان تختفى حركة خروج اللسان اذا كانت موجوده وايضا علشان لنطق بعدين يصير سهل
ودايما كلميه ترا لغة لأستقباليه مهمه يعني يفهم كل شي تقولينه له وتكلمينه بكل شي
يلا تعال ابدل ملابسك اممسك الملعقه يلا ناكل همم
لا تعتبرينه مو فاهم ترا فاهم كل شي

 

[داون سندروم]

وعلاج بالعمل مهم جدا جدا تمارين لأصابع واليدين لأن الداون مشكلته فى الأنامل
ما يعرف يلتغط الأشياء الصغيرة حيل ولذالك مهم تبتدين مبكر علاج بالعمل
تحياتي

 

[داون سندروم]

على فكرة النتايج مو بعد يوم ويومين لالالا يطولون كل ما كان فيه استمرارية وتكرار
وإاعادة تشوفين النتتائج مفرحة اذا تفرغت بنزل لكم مهارات للذهني ورعاية الذات
تحياتي لكم أمهات نبي ردودكم ومشاركاتكم

 

[داون سندروم]

بشري أمهات شوفو شنو لقيت لكم بمنتدي التحدي



يجري الأن بالمركز الكويتي لمتلازمة الداون الأعداد

لندوة تقام لتبادل خبرات الأمهات خلال الأيام القليلة القادمة
للتدخل المبكر وبرامجة وطرق التنشيط الذهني وايضا الجسمي
وايضا مميزات الداون وعيوبهم والتعريف بوسائل تنميه مهاراتهم بجميع المجالات الخمسة
وهى مهارت الذهنية والحركية ورعاية الذات والأتصالي والمخالطة الأجتماعية
(وهى مقامة خصيصا لأمهات الجدد) بعد الندوة يترك المجال لأسئلة واستفسارات الأمهات
وسيكون من ضمن المحاضرين أمهات ناشطات
وأخصائي اللتخاطب استاذ طة وأخصاية علاج طبيعي فينيتا وهما ضمن الكادر العامل فى المركز
وذالك بالتعاون مع التدخل المبكر للطفل (السرة) وأصحاب حضانات مثل حضانة (البسمة باالزهراء )وايضا أصحاب مركز
معروفة بالكويت لتعريف اللأم الجديدة بهذا المجال بجميع تخصصاته وهى الندوة الأولي فى الكويت اللتي تكون جامعة الكثيرمن المختصين
وسوف يعلن بموعدها فى حينها

 

[مرمر]

شلونكم

نبدي بشغلة جديدة
كلمي طفلج وسولفي معاه وايد بس ضروروي يكون مركز عليج علشان تشوف حركة الحلج حتي لو ضطريتي تثبتين راسه علشان يشوفج فترة وبعدين لاعبيه وردي سولفي معاه
التركيز
التركيز

وهذي بعد ما تكونين ساعدتية انه يركز معاج

 

[مرمر]

علي فكرة كل تسوينه سميه
يعني ياكل قولي له مم جوعان تبي مم
تشربينه قولي ماي
حطي قلاص عصير وقلاص ماي ذوقيه الماي وقولي ماي وبعدين ذوقيه العصير وقولي عصير وحطي القلاصين جدامه وساليه شنو تبي ماي ورفعي العصير والكوب طبعا شفاف
ولا عصير خلية يختار ويذوق لين يعرف يميز ويقدر يوصلج معلومة انا ابي عصير او ابي ماي وخلية ينفي الالفاظ الاسهل له بس كل مابقي يشرب قولي ماي او عصير حسب رغبته

 

[الصابرة المحتسبة]

رفع

 

[مرمر]

رفع الله مقدارج

 

[مرمر]

في مثل عندنا يقول التكرار يعلم الشطار
كرري الكلمة مرة وعشرة والله يلقط بس خليه يعرف معني هالكلمة

 

[الصابرة المحتسبة]

رفع

 

[ام اميره]

مشكوره حبيبتي مرمر والله يعطيج الف عافيه

 

[gakgak]

كلامك مضبوط التكرار والأستمراريه هى اسهل وسيله لنتاج مفرحة
أاهم شي عزيزيتي الأم تبدين معاه علاج طبيعي مبكر علشان ما يتاخر بالجلوس والمشي
ومساج تدليك الفم علشان تختفى حركة خروج اللسان اذا كانت موجوده وايضا علشان لنطق بعدين يصير سهل
ودايما كلميه ترا لغة لأستقباليه مهمه يعني يفهم كل شي تقولينه له وتكلمينه بكل شي
يلا تعال ابدل ملابسك اممسك الملعقه يلا ناكل همم
لا تعتبرينه مو فاهم ترا فاهم كل شي

ما هو مساج تدليك الفم؟؟؟؟؟

 

[ام ناييف]

بصراحه احس انه اوفر هالحركات
بهالطريقه تحسسونه انه فيه نقص
عاملوهم طبيعي
اكيد انت عندكم اطفال قبل
اكيد كنتم تسون لهم مساج وتدليك يومي لهم
اكيد كنتم تحركون ايدينكم بكل التجاهات علشان تشوفون حركة العين
اكيد كنتم تصفقون لهم بكل انتجاه وتشوفون انتباهم للسمعوتحركهم باتجاه السمع
اكيد كنتم تكلمونهم وتسولفون وتغنون لهم
اكيد كنتم تجيبون لهم الالعاب وخاصه اللي بصوت لهم وهو بالاشهر الاولى

هذي كلها اشياء عاديه ومهمه تسوونها لعيالكم الطبيعيين
لا تبالغون بالاهتمام تصرفوا طبيعي معاهم

انا شايفه ولد داون الحين رجال الله يخليه لعين ترجيه
يلبس الدشداشه والغتره ويقعد بالدوانيه مع الرجاجيل ويصلي بالمسجد جماعه
مع ان امه وابوه ناس كبار بالسن وبدو لا يقرون ولا يكتبون
وربوه عادي ولا سووا له برامج ولا تمارين بس اهتموا بفرض احترامه على الجميع
وخاصه اخوانه يهتمون فيه حيل واذا احد غلط على اخوهم بخصوص اعاقته نتفوه وطردره من المجلس

وهذا هو المهم
اهتموا بصحتهم (القلب - الغده- ارتخاء العضلات - اللوكيميا)
اما التربيه حاله حال اخوانه

والا اشرايكم

 

[الصابرة المحتسبة]

رفع

 

[HearT ChocolaTe]

لا يوقف ... وثقي كل تجارب مرمر بهالموضوع

 

[حلم الطفولة]

رفع