تجارب فرقا من تحب :")

[بعدك حيرني]

السلاام عليكم..

شخباركوون بناات..

بنااات من اللي فييكم دشت تجربه مع رفيقتها الروح بالروح وتفرقوو باي سبب كان

شلوون حسيتي يومس.. شلون عشتي بدونها.. شلون وكانت تاكل معس وتنام معس

حتى وهي مو معس ف البيت.. شلون تحملتي هالفقااد اللي حسيتي فييه.. شلون

قدرتي تصبرين ع هالجرح اللي منهاا وخاصه كانت اعز انساانه..شلون قدرتي

تنسينهااا.. متى قدرتي تتعايشين مع الوضع كم خذيتي من الوقت..كم من الفتره قدرتي تعيشينها بدونها والكرامه ما سمحت لس اتردين لها..واااخر شي رديتوو

لبعض ولا للحين ع البعااد مجبوريين..

صفي لي فتره صدمه حياتس بفراق اعز واحب انسانه لقلبس..


الاغلبيه مر بهالتجربه وان شاء الله انتفع منها وتعلم منها..:eh_s(2):..

 

[بعدك حيرني]

هع ااب هع..

 

[جوانا2010]

ااااااااااه والله انك جبتيها على الجرح.....
انا اختلفت مع صديقة عمري وبنت عمتي بنفس الوقت والله كنا صحبات من يومنا صغار المهم جلست حول السنه والنص مااكلمها .....
وصراحه في اول ثلاث شهور مره فقدتها مع انها بمدينه ثانيه بس كنا دايم نكلم بعض....
وكنت مارتاح بسوالفي الا معاها وهي نفس الشي.......
وكان نفسي ارجع واكلمها بس قلت ...لا...وين كرامتي والشيطان كبر السالفه براسي...
وقلت ليش اش معنى هي ماحاولت؟؟؟؟؟
وكنت هذيك الايام توني حامل اكثر الايام تعبانه ومو رايقه لااحد.......
بس توقعتها تكلمني اوترسل لما ولدت بس ماكلفت على نفسها......
عشان كذا قلت خليها والله ماارجع........
بس والله من جد فقدتها واشتقت لها مررررررررره........
وكل مااقرا رسايلها او اشوف شي ذكرني فيها ابكي.....
واقول ليش صرنا كذا خساااره والله هذي نهاية صداقتنا.......
ورجعت ارسلت لها بعد السنه والنص وطلبتها تسامحني وننسى اللي راح.....
ردت برسايل وسامحتني بس قالت مستحيل نرجع زي اول......
والحين لنا حول السنتين وعليها مابيننا الا رسايل عاديه زيها زي اي زميله.....
والله انا حاولت ادق كم مره بس ماردت ........وهي ماحاولت تدق ولامره...
بس والله العظيم ان للحين مكانها خالي ومحد اخذ مكانها بقلبي....
واني مااذكرها الا بالخير ومااتمنالها الاكل خير....
وكل ماذكرتها ادعيلها ان الله يوفقها بحياتها....
ومستحيل انسى ايامنا الحلوه سواء وتبقى هي اغلى صديقه بحيااااتي...

 

[3war glb]

اي والله يا جوانا يابتها عالجرح ,,,, ,,,, انا الله يسلمج عندي بنت خالتي حييييييييييييييييييييييييل حييييييييل وياها وانا عمري 17 واهيا 20 وحييل وياها كل شي كل شي اقولهاا والله وياما قالولي دير بالج منها بس انا على نياتي وقلبي طيب عبالي كل الناس مثلي وجذي وانا وياهااا 17 سنه مو شويه واعتبرتها اختي الي ما يابتها امي والله والكل يدري انا وياها حيييل ويا بعض فجأه اكتشفت نها تغاار مني مع العلم انها مو ناااقصه شي والله وانا مافيني شي زوود حالي حال اي بنت بس يوم من الايااام ...!!!!!!
انصدمت انها متكلمه عنييي عند امي واهلنا وبنااات خالتي انه انا اكلم شباب ومن هالحجي والكل يدري انا شنو اخلاقي وجذي بس مادري ليش حاولت تشوه سمعتي وانا والله عمري ما غلطت بحقها عمري والي يتكلم عنها اقص السااانه بس صج انصدمت ليش شسوت جذي لي يومكج مادري ليش بس قطعت علاقتي وياها نهائيا والله كرييم والله يردلي حقي .... سوري ادري قرقرت واايد بس من الي فيني :$

 

[قانون كـيفي]

تعبت 6 اشهر وبعدين الحمدلله بدأ حالي يتحسن تدريجياً

 

[نور مغليها]

لاء ما جربتها ...
اسم الله عاد كلش ولا رفيجتي سووس

 

[شذى2007]

مع الايام بتنسينها تقى الذكرى

 

[سامرينا]

دوام الحال من المحال

وكل منا اكيد تعرض لموقف وصدمات من هالاشيا

واللي صج اكد لي شي من هالرفجه مافي احد يحبج ويخاف عليج كثر اهلج

والصداقه مو دايمه و القلوب مو مثل اول و كل شي فيه مصلحه مصلحه مصلحه

تعطين من كل قلبج واخر شي تنصدمين مع انه في مواقف حيل حلوه وذكريات احلا

بس الشين يعم والشر يخص وما نتذكر الا اخيس المواقف


if you have been hurt by someone never give him a chance to hurt you again

 

[عالمي انا غير]

بصراحه هشئ اثر ع نفسيتي حيل خلاني مااثق بأي وحده هل البنت كنت اعرفها من ايام المتوسطه ولما كبرنا وتفرقنا بالدراسه ظلينا نكلم بعض بس فجأءه كل شئ تغير حاولت ارد المياه لمجاريها بس للاسف البنت تسوي روحها مشغوله كذا مره اهلها يقولولي نايمه حتى عطيت لاختها الصغيرة رقمي عشان تدق مادقت عرفت انها باعتني وبعدت صدقوني دنيا غريبه وتحز بخاطر حيل كنا نحلم ونتمى مع بعض وفجأءه الايام فرقتنا وغيرتنا ع بعض انا حيل انجرحت من صداقتي وصرت ابعد عن الكل ماابي اتعود ع احد بعدين تتركني وكل ماوحدت تشتغل او تتزوج تفارقني

 

[بعدك حيرني]

سبحاان الله كل وحده حس بمعنااه الثانيه بس ليش الصديقه ما تبي اترد نفس اول ليش تتغير شنو تهون عليها الصداقه كذا

الصرااحه داايم استغرب كذا وكنت اقول مستحيل يفرقنا احد ف يوم وليله تفرقناا الحين تاكدت ان مافي شي مستحيل ف هالحياه

بس محد يموت من فرقا حد والحياه تعلمنا من تجاربنا والحمدالله ع كل حاال ...


مررسي بناات ع تجااربكم وان شا الله ما تنعااد وتصبرركم ع الفرقاا مالنا الا الصبر فديتكم ..^^