تجاربكم مع عملية التصاق اللسان او عقدة اللسان للرضع !!

[عاشقة الككاو]

السلام عليكم


طفلي عمرة 6 شهور والدكتور قال انه لسانة ملتصق ( ربط اللسان ) ويحتاج عملية جراحيه ف مستشفى ابن سينا للجراحه علشان ممكن تعيق عندة الاحرف والكلام فقالي كيفج ممكن تنطرين سنة ، في احد سامع عن هالشي او مسوي هالعملية ؟؟؟؟




طمنوني الله يطمنكم خواتي
عيوني ورمت من البجي والله

الحمدلله

 

[Ranoon]

هلا فيج عاشقه ككاو
شلون وليدج
يا حلووو تجمعنا ،،،


اول مرة اسمع فيه !! وشلون كشف انه فيه التصاق


سوي بحث في العم جوجل

 

[عاشقة الككاو]

هلا غلا حبيبتي

شلونج وشلون وليدج الله يحفظة

والله الدكتور قالي وشيكت بالخاص هم قالي

لانه حبيبي نوموة بالفروانية صار معاه ترجيع وسهال حطولة مغذي ودوا للارتجاع تم يومين والسستر الي لاحضت لسانة ونادت الدكتور يشيك ..


الله يشفية ويلطف بحاله يارب


انت طمنيني عليج

 

[miss-jmjm]

الله يشافيه ويطمن قلبج باذن الله والله ماعندي معلومه بس ماحبيت امر جذي

 

[عاشقة الككاو]

اللهم امين ياربي

الله يجزاج خير اختي مشكورة

 

[عاشقة الككاو]

وينكم بنات !!










ع الاقل دعوة طيبة

 

[Aloe Vera]

ماعندي فكرة
الله يطمن قلبج و يشافيه
سوي سيرج بقوقل

 

[amonitta]

ولد اختي لسانه نص مريوط

لما بتطلع نن للمستشفى قالولها لازم جراحه

عقب راحت مستشفى ثاني قالها الدكتور انه اذا يشرب حليب عادي وتلاحظين انه لسانه يمده ويطلع فا عادي مو الا تسوين العمليه ماراح تأثر على النطق او الامل

بس هم تأكدي

انا اول مره اسمع فه المرض من اختي

والله يشافيهم :eh_s(7):

 

[عاشقة الككاو]

اي اهو نص مربوط في من تحت لسانة هذا الخط الرفيع مثل عقدة لحمية ماسكة هذا الخيط بس اشوفة عادي بسم الله علية يرضع بس ما يمدة برى وما يقدر يرفعه فوق اعلى الفم ..
ووايد قريت عنه والحمدلله يعتبر شي شائع بين الذكور اكثر من البنات وفية ناس تكبر وما تاثر عليها هالشغلة وفية ناس حرف اللام والراء يصير نطقهم صعب فيها فيصير الطفل يتأثر نفسيا ويمكن تصير معاه مشاكل ثانية ف النطق والكلام حتى ف الاكل يعرف يمضغ عدل وجذي يعني كلة على حسب وفية دكتور قالي ممكن على عمر سنة يسويها عشان نتاكد انه ماثرة علية ولا عادي
واهي عموما تعتبر سهلة

الله يسهل ويقدم الي فيه الخير

 

[عاشقة الككاو]

مشكورة الوفيرا
وامونيتا
ع الرد والدعاء
حبيباتي

 

[عاشقة الككاو]

اببببببببب

 

[عاشقة الككاو]

استغفر الله واتوب اليه

 

[زين ودلال]

الله يطمن قلبج ويشافيه

 

[طيبة83]

02 - Don't Cut My Baby! - YouTube

شوفي هل فديو

 

[طيبة83]

عادي ترا انا لساني مربوط

والحمدلله ما عندي اي مشاكل في النطق او اللفظ واقدر احرك لساني عادي

بس ايام الابتدائي كنت اخرع البنات اودي لساني بلهاتي والبنات يخافون من الخيط

هذي صورة من النت للسان المربوط

 

[عاشقة الككاو]

زين ودلال
اللهم امين
الله يجزاج الخير




طيبة

يعني عادي ماعندج اي عرقلة او صعوبة بحرف الراء واللام ؟
وما حاولتي تسوين العملية كلش يقولون بسيطة جدا


والله يطمن قلبج حبيبتي مشكورة حيل ريحتيني

 

[طيبة83]

لا والله الحمدلله كلش ما سبب لي مشاكل وانطقق حروفي عدل

ولمن كنت صغيره ما سبب لي مشاكل بعد عشان جذي امي مافكرت تسوي لي العمليه

انتي لا تسرعين وسالي كذا دكتور

 

[عاشقة الككاو]

الف حمدلله يارب
وانا الدكتور هم قالي في ناس بطلت تسويها لانه شي عادي وان شالله مافية اعاقة بالنطق والاكل


الله يحفظج ويوفقج يالغالية

 

[Queen of Sadnes]

ولد اختي انولد وفيه خيط صغير من تحت والحمد لله سووله عمليه وعمره شهرين تقريبا والعمليه بنفس اليوم والحمد لله مافيه الا العافيه عمره تسع شهور الله يخليه ويخليلج ولدج يارب

 

[عاشقة الككاو]

الحمدلله الله يخلية لكم يارب


انا الدكتور قالي انه مو شرط تسوونها لها وكيفكم اذا بتسوونها بعدين هم يصير حسب اذا صار معاه صعوبة ف الاحرف او لا
ان شالله مافية الا العافيه يارب