تجاربكم مع زيت-- دابر امــلا--

[danoy]

قوه بنات

شلووونكم







سمعت واايد عن زيت دابر املا والاغلب يمدحونه

ياليت الي ستعملته تحط تجربتها و شنو نتيجته


يالله بنات لا تمشون الي لما تكتبون شي

 

[blue rain]

انا قاعده استعمل دابر املا الياسمين وحسيت شعري تلحلح وقام يطول وانا خلطته بزيت الخروع انا استعمل دابر الاصفر الياسمين الجديد عشان شعري مصبوغ وريحته اخف شوي من الاصلي ومشكوووووووووووره على مو ضوعج

 

[danoy]

يعطيج العافيه

انا توني شاريه الاصلي بس ليلحين ما ستعملته مادري جم مره استخدمه


نبات وين تجاربكم؟

 

[extra suger]

انا ما احبه ولا ارتحت له معنا وايد بنات ارتاحوله

 

[danoy]

ليش ما تحبينه استعملتي ؟
مشكوووره

 

[Nokia N95]

انا قاعده استخدمه الحين

لاني من فترة استخدمته يمكن لمدة 3 شهور وفعلا طال شعري

وبس تزوجت تركت دابر املا ....
والحين ودي شعري يطول .... فقاعده استخدمه

 

[yam yam]

انا سامعة ناس واااايد يمدحونة
وكنت احطة بين فترة وفترة
بس ما حسيت بشي لان ما داومت علية

 

[om7amad]

الصراحه انا استخدمته يوم كنت صغيره امي تحطه لي وصار شعري روعه وليلحين عندي صور تشهد على حلات شعري كان طويل وناعم وصفه وحده يعني مافي شعر منتف او طاير , وبعدين تركته

والحين راجعتله وتوني بس مرتين استخدمته من رجعت له وانشاءالله اكتبلكم النتايج

وبالنسبه للأستخدام على كيفكم كل وحده وطريقتها تبين نفس الهنود كل يوم :dddds: او مرتين او 3 مرات بالاسبوع على كيفكم


​

 

[sallyq8]

ما أحبه
ولا أستحمل ريحته كلش وكانت قبل اختي تستعمله فبس تحطه أروح أحبس نفسي بغرفتي لين تسبح ويبخرون البيت بعد ههههههههه

بعدين حسب علمي وايد وايد دسم أو دهني وما ينغسل أو يروح بسرعه وهذا يعني إني أحط شامبو 3 أو 4 مرات على ما يروح من الشعر !! أفضل الزيوت الطبيعية أو الكريمات بعد الصبغات ولأني مع الأسف ما أحط زيت إلا وييييييييين ووين لأنه يضايق ويعور جبدي حتى لو ريحته مقبولة مثل السمسم وغيره

 

[danoy]

يعطيكم العافيه

 

[ام عيالها الغاليين]

أنا وأختي لما كنا بالثانوية (نص الثمانينات)كنا نستخدمه وأغلب الأحيان ننام فيه شعرنا كان يهبل وماعليه قصور
الحين بناتنا كلهم يستخدمونه يهبل والله أنصحج فيه

 

[-Dee-]

انا توني بادية استخدمه .. بس مرتين حطيته .. ليلحين ماكو مفعول

 

[danoy]

بخاطري ترد لمعت شعري ان شاء الله ببدي في بس عادري اخلطه مع زيوت ثانيه؟

 

[Abeero.o]

حاليا صار لي شهر استخدمه

والله خلى شعري نااااااعم وفيه لمعه موطبيعيه

 

[danoy]

ما شاء الله شجعتيني شكلي بقوم ادهنه الحييييين ;p

 

[فديت عيوني]

دآبر يطول آلشعر

بس مآيكثفه

 

[موناليزا]

بنات أنا شفت بعيني نتيجته على خدامتي الأندونيسية اوول ماجبتها من المكتب كان شعرها خفيف وايد وقامت الخدامة القديمة اللي عندي تنصحها بزيت دابر والحين لو تشوفوا شعرها ماشاء الله أنا لما شفت النتيجة ركاض شريته والحين بديت استخدمه وتدرون الواحد مو فاضي يطالع او يراقب بس فجأة طالعتها ولا أشوف شعرها وايد متحسن وقاعد يطول بسرعة وقبل راسها ماأدري من شنو كله فراغات ماكو شعر وايد ولما شفت شعرها شلون تغير وصار فيه كثافة سألتها وقالتلي أنها قاعده تستخدم دابر

 

[كلي فخر]

استخدمه مره بالاسبوع وشعري احسه تحسن

بس الريحة تعور الراس بس في سبيل الجمال تحملو الريحة وانا استعمل الزيت الاصلي بو ريحه

 

[اللوحة الناقصة]

انا صارلي يمكن خمس شهور استخدمه ،،، مرتين بالاسبوع

بس الصراحة فرق علي شعري طال عن قبل وايد مع ان نمو شعري بطئ جدا

وصار انعم لدرجة ان التقصف الي في اطرافه اختفى مع اني كنت ناوية اقصها بس لما شفت النتيجة خليته

الصراحة انصحكم فيه كلكم بنات وترى في النوع الي على لوز والي على ياسمين وايد روايحهم اهون من العادي القديم


:bye22:​

 

[NaNa-sa]

مدري بنات امس اولمره استخدمته الين اليوم احس فروتي تعورني مدريمنه ولا من الشامبو


لاني غيرت الشامبو بنفس الوقت من كلير الى فركتوز



بس حسيت ملمس شعري ناعم بس شكله من بعيد طاير ومكشكش