تجاربكم مع الـ Roaccutane

[zeen_el_q8]

السلام عليكم و رحمة الله و بركاته

شلونكم خواتي ؟؟

حبيت اسألكم عن تجاربكم مع حبوب الـ Roaccutane

و اللي مايعرف هالحبوب .. اهي حبوب يوصفونها اطباء الجلدية للي يعانون من حب الشباب

انا بشرتي وصلت لمرحلة ميؤوس منها بسبب الحبوب و الدكتور وصفلي هالحبوب و توني بادية فيهم

بس حبيت اعرف تجاربكم معاها اللي سبق لهم و خذوا كورسات بهالحبوب

لاني سمعت انها وايد خطرة مع ان دكتوري طمني !!

بس بصراحة بديت اخاف .. مع ان كل اللي اعرفهم و استعملوها نتايجها كانت حلوة عليهم

ياريت اشوف تجاربكم


تحياتي

 

[مسك]

انا جربتها ونتايجها ممتازه

استمري على العلاج اهم شي وان شاء الله بتشوفين نتيجه حلوه

لا تخافين مدام تراجعين مع طبيب وتابعين معاه


يعطيج العافيه

 

[sanyoreta]

يعطيج العافيه
علي المعلومه

 

[9a7ya lohom]

a7sann 3elaj 7ag el 7boob

 

[حبيب قلبي]

ماعليج الا العافية نتيجتها وايد وايد حلوة بس استمرى على الكورس الى عطاج اياه الدكتور ولا تحاتين انا كنت استعملهم والدكتورة كانت تسويلي تحليل دم كل شهر ومن خلاله تطمن اذا اثر عليي سلبي ولا لأ ولله الحمد الحين خلصت الكورس من زمان وويهي صفا من الحبوب بس لاتنسين تشربين ماي وايد وتستعملين مرطب للشفايف لانه ينشف وايد وسلامتج

 

[أم منصور]

نتايجها للبشرة روعة الكورس 6 شهور التزمي فيه


لكن كل شهر لازم تسوين تحليل للأنزيمات وغيره


ومضارها ممكن تسبب هشاشة عظام أو لخبطة الهرمونات


ولازم ما تحملين الا بعد 6 شهور خطرة عالبيبي


وسلامات :ggdw:

 

[miss_math]

انا جربتها وايد حلووة
بس التزمي فيها يعني لا تتركينها قبل ما يقولج الدكتور
انا خذيتها تقريبا ست شهور صج تنشف الوجه والجسم لكن هذا السبب اللي يخليها فعالة بمعنى انها تنشف الدهون بجسمج والحمدلله شفت تغير واضح بعد شهر وكل وحده على حسب حالتها واما خطوتها فهي تسبب تشوه للجنين اذا كنتي حامل او حملتي وانتي تاخينها والافضل انج تحملين بعد 3 اشهر على الاقل من قطع العلاج
وبعد تؤثر على انزيمات الكبد علشان جذي الدكتور لازم يسويلج تحليل دم قبل ما تاخذينها


واي سؤال انا بالخدمة

 

[zeen_el_q8]

مسك

الله يعافيج و مشكورة وايد عالمرووور عزيزتي

-=-=-=-

m!ss sanyoreta

حياج الله عزيزتي

-=-=-=-

9a7ya lohom

هلا اختي
اييي هذا كلام دكتوري

-=-=-=-

حبيب قلبي

الله يعافيج عزيزتي
اي قالي الدكتور و عطاني مرطب شفايف طبي و كريمات
و لو اني اشوف كورس 6 شهور وااايد .. بس الله كريم و ان شاء الله بكمل الكورس دام ماوراي شي

مشكورة عزيزتي عالمروور

-=-=-=-

أم منصور

انا اللي مساعدني اني مو متزوجة من الاساس و الدكتور نصحني استخدم الحبوب لانه يقول هذي فرصتج و الله كريم

بس الدكتور قالي اني لو بغيت اتزوج اقدر ارجع لحياتي الطبيعية بعد 6 اسابيع و افضل شهرين

مشكورة اختي عالمرور

-=-=-=-

miss_math

هلا اختي

سوالي كل التحاليل و الوضع اوكي و قالي انه راح يطلب مني تحاليل خلال فترة العلاج

انا قالي مبدياً راح آخذهم 6 شهور و بدى معاي بحبتين 20mg باليوم

و قالي انها فرصتي دامي مو متزوجة علشان انتهي من هالمشكلة نهائياً و الله كريم

و حبيت اسئلج .. كانوا معطينج كريمات مع الحبوب ؟؟ لأن دكتوري عطاني كريم الظهر و كريم بالليل بس بصراحة مااستعملتهم لاني مااحب الكريمات و تضايقني وايد

و بخصوص الحف .. الشيرة و الشمع .. يصير ولا لأ ؟؟ .. لاني نسيت اسأله عن هالشي و بالنشرة اللي مع الدوا مكتوب ما يصير .. بس احس وايد 6 شهور بدون حف

و اذا يصير نستخدم الآلة بدل الشيرة ؟؟

مشكورة عزيزتي عالمرور

 

[miss_math]

هلا حبيبتي
شوفي الكريمات كانت الدكتورة معطتني كريمات وكنت احطهم لان البشرة تنشف واهم يرطبونها غير جذي اكييد مهمين للبشرة ولازم قبل لا طلعييين الصبح تحطيين الكريم بعدين حطي فوقه حماية من الشمس لان البشرة تصير وايد تتحسس من الشمس
اما سؤالج الثاني عن الشيرة للجسم عادي كنت اشيل شيرة لان ما كان بجسمي حبوب فمن جذي ما في خوف
اما الحف لا تحفين ويهج بس انا كنت احف شواربي عادي
وبس سلامتج

 

[zeen_el_q8]

مشكووووووووووورة وااااااااااااااااااااااااااااااااااااااااااااااااااااااااااااااااااااايد اختي

ماقصرتيييييييييييييييييي والله :tek:

 

[miss_math]

الله يسلمج حبيبتي اشدعووه ما سويت شيء

 

[سندريلا]

انا جربته من خمس سنين الصراحه خوش اختراع ينشف الحبوب ويروح اثارها لانا يقشر بس لازم بطل الماي على طول بايدج وكريم مرطب وبيبانثين لانا احس من زبده الكاكاو حق التقشير اللي يكون دار مداري الفم