تجاربكم مع الاثاث الابيض لغرفه النوم ؟ تنصحوني في ولا يتوصخ

[SuGar-kuw]

السلام عليكم بنات قاعدين ناثث بيتنا وانا حابه اخلي لون الكبتات ابيض ناصع والوالده تقولي يتوصخ ؟ وانا ميته عليه ف اللي مجربه صج يتوصخ ولا يقعد جم سنه تالي يبهت لونه ! وطريقه تنظيفكم له مادري عطوني تجاربكم

 

[lمنال]

انصحكي أبتعدي عن الأبيض ترى يفشلك يبان فية الوسخ على طول

 

[قطوة@@]

انا غرفتي اليديده بيضه للحين ما وصلت راح ابين مع استخدامها و الابيض مو نفس الالوان الغامجه اللي ابين الغبار فيهم بسرعه

و ان نوعيتي احافظ مو مهمله و احتمال احط فوق التسريحه الزجاجه اخاف عطور تطيح عليها

 

[Pinky -cat]

حبوبه اللون مع الوقت ممكن يقلب على اصفر ويبين عليه انه باهت فا ما انصحج الصراحة اولها حلو بس بعدين لا

 

[هيللو كيتي]

لا حلووو كل الالوان يبين فيها الوسخ فلازم تنظيف مستمر واول باول

 

[bnt_kwt]

انا اثاثي ابيض واشحلاته صار له عندي سنه ونص تقريبا
لا قلب لونه ولا بين في الوصخ

 

[ورود خذلتها العاصفه]

انا كبت عيالي ابيض

ماتغير لونه
والاهم التنظيف على طول يعني كل اربع ايام يتمسح بشوي ديتول اخضر وماي بس

 

[فاقده ابوهاااا]

انا غرفة نومي كلها بيضه خذيتها من ميداس جلد واول مره ارتاح بغرفتي بهالطريقه صارت قعدتي ونومتي بهالغرفه صارت شرحه ومريحه ودامج تحبين النظافه ما راح تتوصخ بالعكس بس اختاري صح وشغل مضبوط ويكد معاج
اذا فضيت راح ادزلج صور غرفتي عالخاص

 

[بيت التوت]

انا كانت غرفة نومي لوها ابيض اقعدت عندي خمس اسنين لونها ماتغير
ولا يبين فيها لتراب بس كانت ابيض بلمعه مو طفي

الابيض حلو

 

[بيت التوت]

لوها = لونها
طفي = مطفي
بس كيبوردي يعلق

 

[أدريانا.]

آبتعدي عن الابيض

ولمسآعدةة

http://www.q8yat.com/t1019226.html

تفضلي بزيآرةة الموضوع

واكيد بسآعدك

 

[q8y-moon]

الابيض يهبل وشرررح بس بسرعه بيتوصخ حرام انا بخاطري بس متحسفه

 

[Fstani]

أنصحج فيه راقي ومافيها شي نظفيها من وقت لي وقت ماراح تتوصخ =)




،
،

 

[om.googi]

اختي لا تحاتين سويه أبيض بس طلبية يلد يعني مو خشب أبيض ,,

تنظيفه سهل ولو شنو ما يصير عليه من ألوان عندج منظف الجلود بسرعة يروح ,,

أنصحج بتفصال من الفروانية ,, انا مسويته اهناك ورخيص ما يطلع عليج أكثر من 80دك.

موفجة ​

 

[al-musk]

الحين طايحين بالابيض حيل حلووو
انا رحت ميداس قبل جم يوم يهبلووون طبعا ابيض فيه لمعه ومعاه جلد

 

[nadoo]

انا كبت بناتي ابيض بس كاسر الون الزهر وما ختلف وتغير لونه