تجاربكم لـ ليزر الوجه يا بنات ^_^

[بنفسج ..~]

السلام عليكم ورحمة الله

شلونكم بنات شخباركم ؟؟ :eh_s(7):

طبعاً انا ناويه أسوي ليزر للأندر أرم والبكيني والوجه بعد كونهم هم المناطق اللي ملوعه جبدي بعد الحف
من الحبوب و الحساسية ..

البكيني والاندر أرم ناويه عليهم ما بأذني ماي من المدح وقلة الخطورة فيها لكن الوجه الله يخلف علينا :eh_s(2):

بحثت كثير عن ليزر الوجه وكثير ما ينصحون بس بنفس الوقت ما يحطون تجربة شخصية
فمحتارة وخايفة , خايفة بجي أزين وجهي بالاخر يحترق ولا يصير بوجهي شيء :eh_s(4):

فيا بنات يا ليت اللي مسويه ليزر لوجهها تطمنا وتقول لنا تجربتها وبأي عيادة



انا شعر وجهي وبري بس مشكلته كثير وعمري ما حفيته غير مره قبل 7 سنين وتوبت من الحبوب
فصرت بس أشقره فطالعه كأني أسد بالشمس خخخخخخخ
​

 

[احلى جورية]

انا اسوي ليزر لوجهي بالعكس مافيه شي يخوف وانا قبل بشرتي عذااب كلها حبوب من كثر الحف وخطوط من الخيط اذا طحت ع صالونه دفشه هههههه
والحين ما شاء الله بشرتي ابد مافيها شي
بس المشكله ان الجلسات تطول .. سويت 7 جسات والظاهر لي الحين باقيلي شكثر وخواتي فوق العشر جلسات وهذي حالتنا كل شهرين رايحين نطق ليزر
ما ادري من ردا المستشفى ولا شالمشكله
انا اسوي الليزر بمستشفى طيبه : )

 

[سماء الاحساء]

عليكم السلام ياهلا وغلا بيج أختي الحمدلله بخير ان شالله تكوني بخير انا عملت ليزر بوجهي من ثمان سنوات وماصارفيني شئ الحمدلله والبعض يخوفون الوحده بتجربتهم مؤ شرط احيانا الهرمونات والجسم تختلف من وحده الثانيه الدكتورة لما تشوف شعرت وجهج ودقتها والكثافة تحدد كم جلسه لج وأي أسطوانة ليزر تستخدم وحراره عاليه ام منخفضه وموفقه ان شالله

 

[بنفسج ..~]

أحلى جورية وسماء الإحساء

يعطيكم العافية والله طمنتوني بس أبي تجارب اكثر عشان اتطمن اكثر


للرفع

 

[Mshklty.Ahwah]

ليزر الويه نهائي مافيه خطورة بس عيبه ان الويه اكثر منطقه تطول بالاخص اذا كان شعرج وبر​

 

[ام الحلوااات]

اااااااااااااااااب

 

[بنفسج ..~]

أب


أب

 

[بنفسج ..~]

شدعوه محد يبي يحط لنا تجربته ؟؟

 

[Killer^Girl]

الجسم اوكي
الويه ما انصحج
5 سنين اسوي كل شهر
رحت اكثر من عياده
احترقت اكثر من مره
للاسف ماكو نتيجة

 

[مييريآ]

انا مسويه للوجه 8 جلسات

فرق وايد عن قبل بس للحين في شعر بالذقن والشنب

بالبدايه كان الشعر وبر وناعم وانا خربته ، اول مرة تسويين ليزر يزيد الشعر ويصير قاسي وعقب يبدأ يخف ويروح

يعني الحين الشعر متفرق بالشنب يمكن 8 شعرات وبس ههههههههه بالذقن في بس ناعم لازم اسوي جلسات زيادة

الليزر لليد والاندر ارم رهيب ، الفرق يبين بسرعه ، يبيلي اكمل الجلسات وعقب ببدي اسوي للبكيني

 

[سلاسل ذهبيه]

ومنكم نستفيد

 

[مدّهره !]

أناا أسوي لوجهي الحمد لله ماافي خطووره أو أضرار


بس الجلساات تطول لأنه الشعر وبري


وإسألي دكتوره عشان ترتاحين

 

[بنفسج ..~]

Mshklty.Ahwah
أم الحلوااات
Killer^Girl
مييريآ
مدّهره !


يعطيكم العافية بنات ما قصرتوا الله يخليكم ويوفقكم :eh_s(7):

تدرون وين المشكلة ؟


المشكلة الدكتورة نفسها مسوية لي الدنيا وردية وكل شيء تمام يعني ما بينت لي خطورات أبداً
يعني وضحت لي أن السالفه سهله جداً , طبعاً هذا ما ريحني إلا خلاني أشك بمصداقيتها :eh_s(4):


والوجه فيه مخاطرة كبيرة ومابي أغامر فيه إلا أكون متطمنة 100%
خصوصاً أني على وجه زواج بعد شهور :eh_s(2):


عموماً يا ليت الكل يحط تجربتة بالوجه للفايدة لي وكل البنات :eh_s(7):




​

 

[مييريآ]

حبيبتي مافي خطورة كلش

مشاكل الليزر 4


1- اذا شعر الويه وبري نصيحة لاتسوينه ، سوي الشنب وبس لانه راح يصير اسود وقاسي بس عقب بيبدا يرجع مثل قبل ويروح .

2- اذا الشعر وايد بالويه والجسم يمكن يكون عندج مشاكل بالهرمونات ، ولازم تعالجينها قبل لاتسوين ليزر او مع بعض .

3- اذا انتي سمرا حاسبي من الليزر ، وفي انواع اجهزة مخصصة للسمر يعني دوري بالنت وعقب شوفي الجهاز الموجود بالعيادة ، الليزر العادي على الاغلب ما ينفع ولو نفع فيعور وايد .

4- بعض العيادات لو مش متخصصين ممكن يرفعون الدرجة وتنحرق البشرة ، وماله علاج الا التقشير الكيميائي او لو خفيف بيروح بروحه عقب مده .


ولو انتي ولا وحدة من هالحالات ولقيتي عيادة سنعه روحي ولا تحاتين ، انا سويت مرة لرجلي و 4 مرات لايدي والاندر ارم ولوجهي سويت 8 مرات تقريبا ، الحمدلله ماصار لي مشاكل ، وللامانه مرة وحدة انحرقت يدي بس كان خفيف وايد وراح بشهر يعني 4 نقط اغمج من لون جسمي بشوي وعلمت الدكتورة وقامت تخفف القوة وبس

 

[M!SS.LOBY]

بالتوووووفيق

 

[بنفسج ..~]

مييريآ

الله يجزاج خير , انا شعر وجهي وبري بس كثير من التشقير
بس مو قاسي ولا قوي بالعكس وبري عادي بس مشكلتي ببشرتي ما أقدر أحفها
لآن إذا حفيتها يطله لي حبوب ما تروح لشهووور هاللي قاعدة ع التشقير بس من 7 سنين
بس اللحين المشكلة عروس مو معقوله أروح مشقره بعرسي وكل يوم ولا مشقره
قسم بالله بالشمس كأني أسد

M!SS.LOBY

يا ملا العافية حبيبتي :eh_s(7):




تجربتي الأولى

اليوم رحت عندي أول جلسة وسويت الاندر أرم والبكيني
العيادة حليوه ونظيفة ودخلت ع ممرضة مصرية لآن الهنديات كلهن مشغولات
معاملتها حلوة وشغلها حلو , أصلاً يكفي الإححراج بالموضوع فسكيتي تشتغل وانا ساكتة بعد
تحسين روحج متفشله بس بنفس الوقت ما تقدرين تتراجعين ولا تبتلشين فيه أنتي :eh_s(4):
العوار ما حسيت فيه عوار إلا فبعض مناطق معينه والعوار نفس عوار الشيرة بس مو كل المناطق لا
منطقة معينه تحسين عوار بس مو عوار يخليج تصيحين لا عادي مقدور عليه ..
الجهاز كان كبير حيل وصوته كأنه مكيفات مال زمان اول اللي صوتهن يقرقع بس فيه جهاز تبريد معاه ولما خلصت دهنت لي المكان بكريم ...
حالياً ماحس بشيء أبداً لا احراق ولا عوار ولا كأني أصلاً سويت شيء عادي ما ادري عاد لأني توني اليوم مسويته وبعدين تطلع الأثار ؟
المهم لحد ألحين مرتاحة للموضوع , اللهم لك الحمد والشكر ^_^​

 

[LooooLoooo]

بما أني كنت أدور رد على هذا لسؤال قبل ومالقيت له رد برد عليج

أنا كنت خايفه من ليزر الوجه و محد عطاني رد مقنع

المهم سويت ليزر وجه عند أخصاء يه ليزر عند دكتور جلديه و حرقتني مع أني أكدت عليها أن بشرتي حساسه جداً ولازم حراره منخفضه
الحرق كان عند الرقبه اللي هو جزء بسيط تكمله للوجه

وتحسفت لان شعر وجهي خفيف و وبري و صار خشن شوي لما ألمسه

ف رحت للدكتور نفسه و وريته الحرق وقلت له أن أحس الشعر صار اخشن ، وقبلها قريت عن الياق ليزر
فقلت له عنه إذا يصلح لي فقاطعني و قال هذا يصلح لانه الشعره تطيح و ما يحرق الجلد

والحرق قال لي ليزر التشقير وهو q-switch lazer
ليزر التشقيييير يجنن كإنج مشقره وجهج بس يستمر فتره طويله أكثر من شهر بس ما يأثر على الشعر نفس الليزر العادي
يعني ممكن تطيح بعض الشعيرات لكن الأغلب أن الباقي ما يتأثر يعني الأغلب بيرجع يطلع

وتحسين يعطي نضاره للبشره و الحمد الله خفت آثار حرق الليزر بنسبه كبيره

يعني إذا خايفه من الليزر تقدرين تجربين ليزر التشقير

واهم شي اسألي عن دكتور زين

 

[بنفسج ..~]

اب

أب

أب

 

[Dana Shop]

الســـــــــلام عليكم

يعطيكم العافية بنااات

بخصوص الليزر سواء للوجه أو الجسم ترى ما في خوف منه

لأنه المعالجة بالليزر تكون بطبقات العليا ..

أنا بتكلم من باب تجربتي بالموضوع .. عن طريق جهاز الليزر المنزلي ipl
الحمد لله رب العالمين

للأمانه الليزر وااااايد ريحني من روحة الصالونات و الوقت اللي يروح فيها ..

قصتي مع جهاز الليزر المنزلي ابتدت من معاناتي مع الصالونات صراحة لانه كنت اروح كل اسبوعين او 3 لشغل الحف

من بعد ما استعملت الجهاز ...الحمدلله رب العالمين ... نص الهم راح .. ليش نص الهم .. لانه الشعر خف وااايد
اما عن الجهاز فاستعملت جهاز ريو البريطاني .. الصراحة هذا اللي اقتنعت فيه من الأجهزة
ممكن تعالجين فيه جسمج كله بما فيه المناطق الحساسة و الوجه
ويوفر اللي ينصرف بالعيادات ..

الجهاز معاه دراسة و مجلة علمية

تقول انه تم استعماله على مجموعة من الناس و خلال فترة معينة بدت تطلع النتايج

طبعا بعدها انا جربته و لله الحمد نتايجه بينت معاي ..

فاللي حابه تستفسر عن الجهاز انا موجودة ، حياكم للتواصل معاي

موفقين ان شاء الله

​

 

[zooreyaa]

يعطيكم العافيه بنات انا بصراحه صارلي اكثر من 5 سنين اسوي ليزر لويهي والحمدلله مافي مشاكل ولا خطوره والحين شي بسيط بس لازم اسويه كل شهرين مره ومن قبل 3 اشهر سويت الاندر ارم والبكيني وتبين النتيجه بسرعه لان الشعر عرد واقوى من الويه وريحني من سالفه الحساسيه والحبوب اللي تطلعلي بعد الشيره وكله يعتمد عالمكان اللي تسوين فيه ليزر وللامانه اسويه بالشفا والجهاز روعه والفنيات يهبلون​