تجاربكم في تخفيف لوعة الوحام .(.الكل يشارك )

[ظبية الامارات]

:68_asmilies-com:

مثل مامبين من العنواان ياليت كل وحده اتخبرناا بطرقها لتخفيف لوعة الحمل والوحاااام بليييز بنااات ..؟؟؟

خلونا نفيد ونستفييد انا عن نفسي واايد ارجع تكرموون ومااعندي شي يخفف هاللوعة ..

 

[بنت بحرينية]

عني انا مافاد معاي لا حبوب ولا غيره لاحليب لا روب لا بسكويت مالح واحين رجعت اللوعة والحرقه

 

[بدوره 22]

والله انا مثل حالتج

بس كنت احاول اني ما اكل شي دسم

واكل بسكوت مالح

وفي حبوب تخفف من اللوعه

بس انا ما ارتحت منهم لان يسوون دقات قلبي سريعه

 

[*رومنسيه*]

هلا والله حبيبتي انا مثلج ادور على اي شيء بس يوخر اللوعه بس عندج البسكوت المالح مرات يوخر اللوعه وتسلميلي يالغاليه وانشاء الله البنات يفيدونا ومايقصرون ....للرفع

 

[بنت الارسنال]

انصحج بحبوب نوفيدكسن واايد كانت تريحني

 

[مراسي الحب]

مبروك الحمال

اول شي لازم تاكلين بسكوتة مالحة وانتي بالفراش قبل لا ترفعين راسج ... في نوعين حبوب اتساعد .. جربي اي نوع يفيدج ...

انا جربت شغله في نا يخافون منها بس انا ارتحت منها ... الزنجبيل الفرش ... امسك المقشارة واقشر منه ... يعني اسويه سلايس ضعيف واحطه بماي حار .. اخليه ينقع شوية واشربه ... قريت عنه بكتاب What to expect when you are expecting ... بصراحة ممتاز والزنجبيل مو حار على الحمال ولا شي ... انا جربته بالحملتين ودوري بالنت راح اتلاقين كلامي صح

 

[meen_ana]

البسكوت المالح وين

وفي حبوبه ضد للوعه بس عيبهم انه يخلونج تنامين وايد

 

[مراسي الحب]

البسكوت مال tuc

 

[جومانة]

بحمالي الاول كنت اكل حبوب نافيدوكسين كانت كلمة روعه شوية عليها ريحتني حيل وماحسيت بلوعه ولا ترجيع كرمكم الله

وحمالي الثاني الحمدلله ماكان وحامي قوي مثل الاول كنت اكتفي بالبسكوت المالح وارتاح

وهالمره الله يعين مايندرى شلون صاير وحامي توي ماحسيت فيه عسى الله يثبته ويتمم لي على خير قولو امين :eh_s(6):

 

[MyLittleBerry]

انصحج بحبوب نوفيدكسن واايد كانت تريحني

نفس الكلام

ولا تاكلين شي دسم


انا هالحمل عرفت حق نفسي

سويتلي لسته باغراض الجمعيه اللي احتاجها

شريت


توست

جبن ابيض

زيتون

كورن فليكس

بقصم

شاي زنجبيل

انوا الشوربات الجاهزه

فواكه

روب بالفواكه

بسكوت انواع

كيك امريكانا وغيره

مرتديلا

مربى

عصاير انواع

ايس كريم





هذي كانت لستتي وكنت عايشه عليها لما خلصت فترة النساة

 

[قمر الاحساء]

اى والله تكفون ترى الغثيااان مبهدلني وكلا ليمون اكل

 

[توت عنكبوت]

انا وحامي مو لوعه لا دووووووووخة ووككل شي اشمه ريحته خايسة

 

[um hajer]

انا بصراحه جربت هالمره نصيحة دكتوري وهي اني اشرب حليب بارد قليل الدسم بالصبح والليل، وفعلا جربت هالشي من اول هالحمال والحمدلله، خازت اللوعه نهائيا

 

[ice box]

الله يساعدكم ويسهل عليكم يارب

 

[- ريم -]

اه اللوعه غثيثه كرهتني حتى بنفسي
بس استانس عالحلاو الفراوله
والفيمتو لاني دايما احس بمراره
الله يعينا

 

[softness]

انا عن نفسي افضل بسكويت النخاله مرة مرة يخفف

 

[تفاحة حمرة]

تعبت حيل من اللوعه والغثيان والترجيع كنت اخذ درب بس بعدين كتبتلي دكتورتي حبوب اخذهم 3 مرات باليوم قبل الاكل بنص ساعه والحمدالله خف الترجيع بس اللوعه صعبه تروح
حملي اللي طاف جربت شاي الزنجبيل وخفف حيييييل
حاولي تاكلين فواكهه وتخففيفين الاكل الدسم او تلغين لانه بيعذبج هههههههههههه
اشربي سوائل واكلي بسكوت مالح

وهذي اشياء تخفف اللي تروح بالشهر الرابع او الخامس
والله يعينا يااااااارب

 

[MyLittleBerry]

وشغله ثانيه نسيت اقولكم

دايما خلي حركتج بطيئه

يعني لاتقومين بسرعه او تتحركين بسرعه

شوي شوي

لان الحركه السريعه تقلب الجبد


ومره بمجله قريت ان الموز بعد يخفف اللوعه

 

[دانة بعين بحاري]

الحمدالله شهور وعدت
والله انا كنت عايشه على الخبز والجبن والحبوب حق اللوعه نفعتني واجد

 

[أم4 نواعم]

لله يتمم حملكم
صراحه حاسه فيكم لأني تجيني نساه قويه مره بس يخف من مشروب الزنجبيل الطازج مع قليل من السكر
ونصيحه لاتأكلين كثير ولا تجوعين كثير كلي خمس وجبات وأكثر بس نصيحه لا تملين بطنك صدقيني راح ترتاحين
وابتعدي عن الأكل الدسم وترى الجوع يزيد الغثيان واللوعه اسألي مجرب
أتمنى أكون أفدتكم