تجاربكم في الولاده عند د ناهض حماديه

[سلمـــى]

السلام عليكم
شلووووووونكم حبايبي
اول شي ببارك لكل الحوامل وعسى الله يهون عليكم وعلي ياااااااارب
بغيت اسألكم عن الولاده عند الكتور ناهض حماديه في مستشفى المواساه ـ انا اراجع عنده وكل مره اكون موجوده اسمع عنده قيصريه مادري شالموضوع بالضبط ـ انا بجريه وحدي خااااااااااايفه بنات ياريت لو تساعدوني وتطرحون تجاربكم بالولاده مع هالدكتور ـ ويزاكم الله ألف خير

 

[ام عمر 8]

والله ماعندي فكره
up up

 

[سلمـــى]

يسلمووو ام عمر
وشاكره مرورج

 

[امواج الكويت]

انا عنده بس موكله قيصريه الاغلب يقولون ولاده

 

[ريم الكويت 1]

خوش دكتور حق اطفال انابيب بس بالولادة و الخياط مو كلش

 

[يا عيون سمي]

حبيبتي يمدحونه بس حق علاج عقم اما ولاده ما ادري

 

[auoma]

اهو شاطر حق عقم وأطفال أنابيب وعلاج بس مايسوى تراجعين وتنطرين الدور ساعه ولا ساعتين وانتي مافيج شي
روحي العيادات الخارجيه عندك دكتور حيان شاطر ونفس مستواه وخياطه مرتب

 

[امواج الكويت]

بنات يعني الحين اقدر اجيك عالبيبي عنده وقبل الولاده بشهر اراجع عند دكتور حيان؟

 

[^noonaa^]

انا ولدت عنده وكانت ولادتي قيصريه والحمدالله الخياط والعمليه كل شي تمام

 

[كاكاو 1985]

بنات يعني الحين اقدر اجيك عالبيبي عنده وقبل الولاده بشهر اراجع عند دكتور حيان؟

عادي اصلا فيه وايد بنات يحولون ملفاتهم من الشهر السابع

 

[نوور]

بالعكس وايد شاطر خواتي ثنتين عنده وخوات مرت اخوي نفس شي كلهم طبيعي والحمدلله الكل يمدحه وكافي انه امين ونصوح
انا مثلج بجريه واراجع عنده الله يهون علينا ان شاءالله ويجعلها ساعه سهله

 

[mi corazon]

بناااات الخياط الخياط زين ولا لا بليز اللي جربت تفيدنا

 

[sara_87]

انا والده عنده قيصريه شغله حلو ونظيف

و فيجتي والده عنده طبيعي ماتمدح خياطه وايد