عن نفسي انا استخدم قطعة بلاستيك ،، مثل اللي يسوون منه الوسائل التعليمية
خفيف ومو ثقيل وايد ،، تحطين عليه قطعة الخام ،، وتصفين حبات الكريستال بالملقط الخاص ،، وتحطين فوقها قطعة قماش خفيفة مثل خام الشيلة او الغترة ،، بحذر شديد ،، وبعدين تكوينها
وبما ان البلاستيك سطح املس ،، ماراح يلزق معاج الخام ،، والموضوع يعتمد على نوع الخام نفسة اذا خام شيفون او كريب خفيف للشيلات حاولي انج تشيلينه بسرعة بعد التثبيت واذا كان قطن او كتان ،، مو مشكلة لانه ما يلزق وايد ،، اذا حسيتي ان القطعة لازقة بصعوبة ،، لا تشدينها حيل وتشلعينها غصب ترى الخام راح يتمزق معاج ،، اذا كان لازم وايد ،، ردي حطي عليه الاوتي على حرارة خفيفة وشيليه بسرعة
انشالله اكون افدتك واذا في مجال اصور لج الطريقة واحطها بموضوعج انشالله احطها
بالتوفيق
