تتوقعون تفكيرهآ أخذ زوجها منها ولا شسالفه !!

[قدسآؤيه قمر]

السلام عليكم

شلونكم بنات .. والله مشكلتي مع رفيجتي ..

رفيجتي من أيام الابتدائيه تخرجنا وكل وحده صارت بكليه .. عرسها شهر 9 اللي طاف

حضرته وفرحت لها و قمت بوآجبي لها .. وللعلم كل رفآيجي تزوجوآ ورآحوآ وبقوآ معاي

بسس المشكله اللي بوضحها لكم رفيجتي قطعت عني !! عطتني رقمها بعد عرسها تقريبا بشهرين

أوكي انا معاج لج الحق تغيبين وتروحين تشوفين زوجج .. بس السالفه مو كل وقتج لزوجج ..!!

تخيلوآ بنات تدق ع شلتي اللي معاي كلهم متزوجات ..!! وانا بس أدق ( ماعليه مشغوله )
صارلي بهالفتره أكثر من شهر 11 ليومكم هذا أحسبوآ جم شهر واهي تصرفني بأي طريقه
وأتكلم رفايجي اللي متزوجات !! أوكي عشان انا ما ملجت خايفه أخذ زوجج منج مثلن !!
ليش شقالولج ما عندي رب يرزقني !! المهم بنات دقيت ع وحده من رفايجي قالت أي كل يوم أكلمها ليش ما تكلمج قلت أمبله شقول أقولها لآ واهي تدري انها أقرب وحده لي ... ومن جم أسبوع طنشتها والحين صايره تدق عليه ولا أرد عليها حتى بالمسجات .. كل رفايجي اللي تزوجوى متواصلين معاي إلا أهي !!!

سؤالي :

اواجها وأقولها ليش جذي !! أتكلم معاها ولا أسكت وكرآمتي أحسن لي ..
بنات أعرف نظام رفيجتي من النوع إذآ تزوجت ما أحاجي إلا المتزوجه .. ليش تبين تقاطعيني مثلن رب العالمين ما كتب لي نصيب اتزوج ...!!! ​

 

[xprincessx]

واجهيها بهدوء و شوفي شقصتها
دام رفيجات تعاتبو و خل تخلص السالفة ليش تكبرين الامور ؟

 

[cat-girlq8]

اول شي باين انج ومعاها وايد كلوز مع بعض فاليش تخشين بقلبج واجهي وقولي اللي بقلبج طلعيه تري الكبت يولد الانفجار
انا معاج واجهي ولا تخشين لانه بصراحه هالتصرفات تضايق واذا ماقتنعتي بكلامها انحسبي بكرامتج لانج بصراحه كفيتي ووفيتي وعلي فكره حبيبتي مو بس انتي اللي تمرين بهالشي حتن انا كنت ادق علي بعض من صديقاتي يتحججون باازواجهم ويصرفوني ساعات بس يوم انخطبت اشوفهم صارو خلية نحل الكل قام يدق ويسأل

 

[قدسآؤيه قمر]

واجهيها بهدوء و شوفي شقصتها
دام رفيجات تعاتبو و خل تخلص السالفة ليش تكبرين الامور ؟

يالشيخه الرفيجات ما تعاتبوآ أهي كل يوم تدق عليهم وانا حاذفتني بالطوفه !!
ما كبرت الموضوع حابه أشوف كويتيات لا اتصرف بتصرف غلط واندم عليه
تسلميين ع ردج

 

[قدسآؤيه قمر]

اول شي باين انج ومعاها وايد كلوز مع بعض فاليش تخشين بقلبج واجهي وقولي اللي بقلبج طلعيه تري الكبت يولد الانفجار
انا معاج واجهي ولا تخشين لانه بصراحه هالتصرفات تضايق واذا ماقتنعتي بكلامها انحسبي بكرامتج لانج بصراحه كفيتي ووفيتي وعلي فكره حبيبتي مو بس انتي اللي تمرين بهالشي حتن انا كنت ادق علي بعض من صديقاتي يتحججون باازواجهم ويصرفوني ساعات بس يوم انخطبت اشوفهم صارو خلية نحل الكل قام يدق ويسأل

والله معاها حيل وفوق هذا ما دري شصار فيها ع بالها منقهر منها عشان اهي تزوجت وانا لا
صح كلامج بس أتملجين شوفي شكثر يدقون عليج // والله ما ادري شنو نظامهم !!!
تسلميين ع مرورج حبوبه

 

[ابيك لي بروحي]

ان ا انصحج تواجهينها وتقولين لها بهدوء طبعا
صج مو حلووه رفيجتها حييل ويوم تزوجت نسيتج ابيه اذا صج خايفه على زوجها منج
انتي قولي لها عاادي والله يرزقج بالزووج الصاالح ياارب

 

[راقية بذوقها]

عادي حبيبتي حتى انا ماقمت ادق على احد هم اذا يبووني بيلقوووني مع ان في البدايه انا ادق بس بعديين خلاص اللي توله علي تعرف رقمي وانا مقدره ضروفهم واشغالهم هاذي الدنيا بعد شنسووي مافي شي غصب عشنا احلى ايام مع بعض بس للاسف صارت ذكريااات

 

[{الجارحه}]

ياحبيبتي اللي مايبيج وش تبين فيه

عطيها طاااف

 

[هيبة إحساس~]

عآأدي دآأيم تصير
دقي عليهآ و وآجههيهآأ و أعرفي ظروفهآأ
و إن مآ لقيتي مبرر شتسوين بعد هذآ حآل الدنيآأ

=(

 

[αησмα]

صح كلام البنات واجهيها عادي

 

[كرز حالي.]

كلميهااااااااااا وذكريها باللي بينكم
الله يهديها

 

[* ملكني الخوف *]

انا اقول احقريها خليها تحس بغلطتها وتشتاقلج اذا كلمتيها راح يسير الشي عادي عندها وراح اترد تحقرج حقريها جم اسبوع وصدقيني شوفيها شلون بتهتم صدقيني عن تجربه

 

[لولو كـاتي]

لا مو شرط خايفه انج تاخذين رجلها

يمكن هي تعزج واجد ودايم تتكلم يم زوجها عنج وهو اللي منعها يغار ولا شي لا تستغربين ترا في رجال مجانين

انا اعرف وحده من تزوجت تغيرت علي انا وخواتي ع الرغم اننا الحمد لله متزوجات وقاطعتنا والله ليومج مو عارفه السبب

اتوقع زوجها مالي راسها والا شي من كذا

انتي واجهيها وحاولي تفهمين وضعها وبيني لها انج مابتزعلين خليها تتكلم بصراحه

 

[Dubai-Girl85]

انا اشوف انه تواجهينا.. وتقوليلها عن كل اللي في خاطرج
استغفر الله ما اداني البنات اللي جيه ... من تعرس تودر رباعتها اللي مب معرسات
اعنبووووووو جيه ماخذه هارون الرشيد!! مالت.. ما احب هالاشكال
هاي اشكره ما تبا تكلمج انتي.. وتكلم بس المعرسات.. بس انتي واجهيها
واذا شفتي انه ما منها فايده.. طنشيها .. ما تستاهلج
يعني الوحده يوم تعرس.. ما عندها سوالف غير ريلي و ريلي!!!!
سبحان الله هالعقلية وايد استغرب منها... من تعرس اطنش رباعتها العزابية!! وتنسى العشرة والايام الحلوة
انا متزوجه ورباعتي الكلوز عزابيات (الله يرزقهن يا رب) وعادي علاقتي بيهم حلوووة.. واسولف عن ريلي
بس بشكل بسيييط يعني... بس الحمدلله عندنا سوالف غير عن الزواج والريل وهالخرابيط

واجهيها.. وشوفي شو ريآكشنها.. وبالتوفيق فديتج​

 

[! هُوْ وِينِه !]

وآجهيهآ
نفسج آنآ كل رفيجآت آلثآنوي تزوجوآ وتركوني
بس 3 تموآ معآي
ويسوون آلدنيآ عندي

 

[حجيه هيونه]

ماعافنا عفناه لو كان غالي


مو معقوله كل هالوقت مشغوله وسوري على هالكلام


الي مايبيج اتركيه خلاص

 

[دلوعة أبوهآ]

اذا انها انسآنه مقربه لكِ واكثر من مجرد صديقه .!
كلميها وصارحيها ..
عاتبيها بأسلوب يبين انك زعلانه من تصرفاتها


بس اذا انها مجرد صديقه .!
واضح من تصرفاتها انك ماتهمينها

 

[انا لحبيبي .]

واجهيها

انه ليش هيك ؟ مثلا خايفه على زوجك مني؟؟

ومن هالكلام ، خليها تعرف ان الله حق​

 

[عتيبيه رزه]

انتي جنج رفيجتي الله يهديها كانت كله اتسولف لريلها عني وكل سوالفها عني يقولها كرهت بنت رزه واغار منها وانتي اتكلميني عنها اكثر من خواتج ما ابيج اتكلمينها تركيها
لي درجة بيوم عيد ميلادي كانت تبي تشتري لي كيكة وتدزها بيتنا حلف عليها يمين الطلاق اذا سوتها ولا خلاها تشتري لي كيكة شوفي لي هالدرجة يكرهني وانا بعد ما احبه ما ارتاح له كلش
يمكن يكون هالشي من ريلها يمكن اهو مانعها

 

[αησмα]

الله يهدي الجمييع يارب