تتكلم جنها صبي .. موضة يديدة مادري شسالفتها!!!!

[Leann]

السلام عليكم



بنات مو ملاحظين هالايام بدا يتيغير اسلوب البنات ؟؟



ما عادت البنت الانثى الرقيقة اللي تنحط على الجرح يبرى .. انا بكلامي مو قعد اعمم بس اشووف وايد بنات بالجامعة بالسوق باي مكان بدوا يتحجون بقله ادب

يعني في بنات كلمة ( حمارة و كلبة) مكرم السامع على لسانها تقوولها بكل وقت

و في بنات على طووول كلمة ( جب) على لسانها تقولها حق اللي يمونون و اللي ما يمونون


بعرف يعني وناسة لما البنية تتكلم جنها صبي ؟؟ وين الحشمة و البلاغة بالكلام؟؟ خلصت المفردات العربية عشان تقولين هالحجي

و اللي قعد الاحظه بعد هالايام البنت لما تبي تمدح شي.. تسب:eh_s(4):


تبي تقول حق رفيجاتها لبسج حلو و انتي حلوة .. تقولها لبسج خايس و انتي كلبة


ترا صج هالحجي سامعته باذوني انا :bbbiu:

ممكن اتفهم لمن وحدة معصبه حيل حيل حيل و تطلع منها شتمة او كلمة مو حلوة رغما عنها

اما انها تتكلم بالسباب و الشتام طوول الوقت هذا شي اول مرة ادري فييه


في وحدة معاي بالجامعة عادي تقول حمارة حق اي احد !!! ما جنها قعد تشبه بشر بحيوان عندها هالكلمة عادية مثل لما نسلم نقول الله بالخير السلام عليكم اهيا سلامها كلمة حمارة و غيرها من الالفاظ الوقحة


انتوا شرايكم ؟؟ ملاحظين هالشي و الا لا؟؟؟ و اللي ملاحظينه شلون نتخلص من هالظاهرة اللي بدت تنتشر ؟؟؟

 

[أنفاسي دخون]

والله ملاحظينه وزايد بشكل مقزز ومرات حتى الصبيان اذرب باختيار الالفاظ

الله يهديهم ويصلح بالهم يا رب

 

[لفتة فرس]

يمكن الكلام احيانا يرجع للنيه

يعني لو كانت نيتها صافيه شي واذا كانت تقصد شي ثاني

من وجهت نظري بين صديقاتج اللي قريبات منج وميانه ما اشوف فيها شي

بس مع وحده مو ميانه لا للاسف هذي قلة ادب او وقاحه مادري شيسمونها

والله يهدي الجميع

 

[يافديت الدلع]

ايه والله ملاحظتها هالظاهره منتشره بصراحه انا لو اقول حق عيال اعيال اخواني ي حمار ولاياكلب امي تزفني واتفشل وماعيدها مره ثانيه فما بالج بره البيت اصلا عيب تتكلم معا اللي تمون عليه واللي ماتمون عليه وبعدين حلات البنت بحياائها واحترامهاا

 

[زهره]

يعني اكيد الكل ملاحظ هالشي
والرسول صلى الله عليه وسلم قال(((المسلم من سلم المسلمون من لسانه ويده )))
الله يستر من بعدين

 

[<ام تركي>]

ايه ملاحظه هالشي على بناتي سلانهم صاير وصخ من المدرسه يسمعون ويقلدون واذا قلتلهم عيب تقولين جذي وحرام
تشبهين البنت او اختج بالحيوان <<اذا تهاوشوا مع بعض لان الله كرمنا عنهم يقولولي البنات يقولون جذي وكل سنه على هالحال
بالعطله اعدل اسلوبهم وبس تبتدي المدرسه يخرب طبعهم ما احب البنت يطلع منها هالكلمات احبها ذربه
وملاحظه صج حركات الصبيان الدفشه يعني بنتي تعبت معاها عمرها10 سنين تمشي وتدز اختها يعني تلعب او تطقها يعني
غشمره اقولها عيب البنت تسوي جذي خليج هاديه وناعمه تقولي ويع ما احب الدلع والله يعيني <<جني كتبت قصة حياتي بس شي اعاني منه وانتي فتحتي الجرح

 

[سمو الغلآ]

يؤؤؤه جبتيها رايت

اللحين مو قادرين نمسسكهم اختي الصغيره بالابتدائي
عسسى ما احد قالها ششي اكلته بلسسانها شطووله
والله ساعات انا ما اقدر عليها ولا تكلمينها تعصب عليج
ماكو زف زفينها بخليها تتكلم ماكوعدل هالجييل خرباااااااااان..,
الله يهديهم ان شاء الله

 

[كرستينآ]

الظاهره منتشره كثير بس الله يعين البيت يربي والمدرسه تربي والمجتمع يربي

 

[ليالي العيد]

المشكله بالي رباهم هذا كله من التربيه الخطأ اما هذي الجمله مستغربه منها عني تبي تمدحها تقوم تسبها
تقولها لبسج خايس و انتي كلبة ................قويييييه

 

[Leann]

المشكله بالي رباهم هذا كله من التربيه الخطأ اما هذي الجمله مستغربه منها عني تبي تمدحها تقوم تسبها
تقولها لبسج خايس و انتي كلبة ................قويييييه

اي للاسف هالشي وايد منتشر تبي تسوي موضه يديدة بدال المدح تسب بس على ضحك يعني و اهي تضحك تقولها يا حمارة يا كلبة لبسج حلو .. مكرم السامع

 

[AtOoMy Q8]

على حسب التربية حياتي

أو إن في بنات يرافجون صحبه سيئة

المثل يقولج الصاحب ساحب

 

[wujud]

صاااااااار عااااااااادي اصلن وله جنه قعد يسبون
وردون ابيه هذي مو كلمه وصخه عااادي
لوووووووووول عيل الكلام الوصخ شلون بعد ههههه
الله يعين

 

[الصداقه]

اي وايد اشوف هذا الظاهر بالاول يعتمد ع التربيه والاخير ع المدرسه والاخير الصحبه السيئه والله يدهديهم انشالله

 

[منو انت]

الله يهديهم

 

[F A R A W L A]

الله يهدي هالبنااات
جد يعني شهل الاسلوب
وين الانووثة وكلام الرقيق
ولا كلش ولا تسمعوونهم يضحكوون بالاعلى صووتهم
في الاماكن العامة!!!!
شدعوووه !!
ماتستحين

 

[nurse m]

ايه ولله وازيدج اذا شافت وحده رفيجتها بعرس تجاملها ((بنت الكلب شمسويه بعمرج تهبلين)) والثانيه ترد بابتسامه ,ولله آنا شايفه الموقف ولا بتمدح وحده((يالحيوانه شهالعبايه اللي تهبل )) والمصيبه الثانيه ما تزعل ترد بابتسامه وتقولها لو تموتين يالجلبه ما راح أقولج والمصيبه لما تكون هالاشكال امهات عيل شلون بيطلعون عيالهم الله يعيناااااااا على اللي راح نشوفه بعد,,,,,,,,,طنننن

 

[حياتي إيثار]

موضهـ وداخلهـ بقوهـ بعد
الله يهديهم ويصلحهم

 

[ما كو اسم]

الكويتيات على الهبه وين وياكم .............................>
الحين الموضه جذيه بالكلام باجر يطيحون بهبه ثانية

 

[blue lady]

الله يهدي هالبنات

 

[الغلا كله لبوي]

:rgewrg:

اي وايد اشوف هذا الظاهر بالاول يعتمد ع التربيه والاخير ع المدرسه والاخير الصحبه السيئه والله يدهديهم انشالله