تتزوج او تنطر ؟؟؟؟2

[ام حسين 80]

هذي قصة رفيجتى و ان شاء الله نلاقي الحل باذن الله
رفيجتي تحب واحد من 7 سنوات و الحين عمرها 30 سنة
المشكلة ان هي كويتية و هو غير كويتي ( بدون )
اهلها مستحيل يزوجونها غير كويتي و هي تبي الريال و بنفس الوقت تبي تتزوج برضا اهلها
حبيبها مواعدينه ان يعطونه الجنسية الكويتية لكن تعرفون الروتين و ناطر من سنين طويلة و للحين ماكو شي و لا تجنس و البنت ناطرته من سنين
من سنة تقدم لها شخص مناسب و توكلت على الله و تزوجته و تركت حبيبها لانها ملت الانتظار و عمرها يمشي
اللي حصل انها تطلقت بدون اطفال و رجعت لحبيبها تكلمه
الحين حبيبها من المستحقين للجنسية بس ناطر متى يعطونه علشان يتقدم لها و يتزوجون على سنة الله و رسوله
الحين البنت تقدم لها واحد وايد زين و مناسب لها و قاعدة تفكر هل تتزوجه ؟؟ او تنطر حبيبها متى يتجنس ؟؟ انتو عارفين الروتين و النطره بهالامور
البنت الحين عمرها 30 سنة و فرص الزواج كل سنة و الثانية تقل بالنسبه لها لا تنسون انها مطلقة
هل توافق تتزوج من الشخص اللي متقدم لها ؟ او تنطر حبيبها

(( الموضوع كنت كاتبته من كم يوم و ماني عارفة ليش موضوعي مغلق كتبته مره ثانية ))

 

[ناتشوو]

رفع

 

[هواك عنواني]

اممممم مني عارفه ايش اقولك
عليها بالاستخاره وربي يكتبلها اللي فيه الخير ان شاء الله

 

[رنيم الروح]

تستخير الله وماخاب من استخار

 

[توايلا]

تستخير

 

[بولندية]

خل تستخير

بس حتى لو خذا الجنسية بتكون أي جنسية الاولى و لا الثانية ولا جم ؟؟

هم تفرق واايد و خل تشوف عيشتهم شلووون وين ساكن أي منطقة ؟؟ و شنو وظيفته ؟؟ امه كويتية ولا لآ ؟؟

البدووون و النعم فيهم بس عيشتنا الحين تعتمد عالجنسية

 

[مولاي الفرج]

انا من رايي يتقدم لها ويشرح لابوها وضعه

واذا الله كتب راح يصير باذن الله

 

[لمى الهاجري]

خل تقول لهم تفكر وتستخير

 

[اميره1980]

اذا مواعدينه بالجنسية اكيد امه كويتية صح ؟
ما ادري شقول بس عمرها يمشي و اا تبي الستر و الزواج و متقدم لها انسان مناسب خلتتوكل على الله و تتزوج
هي نطرته اول مره 7 سنوات مو شويه لي متى بتنطر ؟
خوفج عقب هالنطره و يتجنس يروح يدور على وحدة غيرها آنسة و اصغر منها بالعمر

 

[Perfume]

حبيبتي خل تستخير
ليش ما يتقدم لاهلها ويشرح ظروفه يمكن يوافقون بحكم انها مطلقة وانه قريب يحصل الجنسية
واذا رفضوا رفض قاطع خل تحاول تقنعهم واذا مافي فايدة تشوف اللي متقدم لها لانها مو صغيرة بعد
وشكلها مترددة بعد

 

[نونه المنكوشه]

انا من راي تستخير واتزوج ولي متي بتنطر خل اتشوف حياتها وكل شي نصيب

 

[عذاريي]

..... البنات مايتوبون من سوالف حبني واحبك


مابي اقول تستاهل بس بقول الله يهديها ،


وترى يوم ربج حرم هالشي مو لان الواحد لي كلمها نيته شينه


في ناس نيتهم نظيفه بس الظروف ماتسمح يتزوجون فيتعذبون وحالتهم حاله


فأحسن البنت تبتعد عن هالامور ،



الحين اهي تبينا نحل غلط اهي طاحت فيه ،


اولا اهو بدون وهذا مو عيب ، لاكن اهي مستعده تعيش حياه فقر ؟

يحبني واحبه ترى اول سنه بعدين خلاص في مسؤوليه في عيال في حياه كامله مو الدعوه سهله ....


ولي عطوه جنسيه فلوس بتطيح من السما وراح يطلعله بيت فجأه ؟

وراح يغير وظيفته ويحصل وظيفه احسن على طول يعني ؟

شنو شهادته ؟


اذا ألي معاهم جنسيه ومو ساكنين عند اهلهم شقه او دور حياتهم صعبه مع الاجارات فمابالج ببدون ؟



وعمرها 30 اهو على مايعطونه الجنسيه جم سنه ، وعلى مايعدل وضعه اذا وظيفته مو زينه ولازم مو اقل من شهاده هندسه عشان وضعه يكون شوي اوكي ويقدر يأجر شقه






وبعدين ليش مايتقدم لها ؟ خل يقولهم انا من المستحقين وباخذها حتى لو خطبه ؟


ولا لقاها حجه لان انا بدون صعبه حبيبتي اتقدم صبري خل اخذ جنسيه وشوي شوي لان البنت مطلقه مقشره جاهزه يطلع معاها ترى الشيطان شاطر





بالاخير خل تستخير و الله بيكتبلها الزين وانا اشوف ان توافق على ألي تقدملها لو ان خوش ريال ومركز ووضعه اوكي

وتترك سوالف حبيبي وهالخرابيط

 

[أحبه حدي]

انا من رايي خل تتزوج ولا تنطر العمر يمشي واهيا اكبرت

 

[om-3azo-83z]

انا من رايي تستخير و كل شي قسمه و نصيب بس لو علي انا اتزوج مو عن شي بس احس وضعها صعب وايد بتنطر و ماتدري لي متى و تدرين اهيا مطلقه و كبيره فرص الزواج اقل صج كل شي قسمه و نصيب بس اذا استخارت و ارتاحت لا توقف نصيبها ما تدري لي متى تنطر !!

 

[نسمة بحر]

عصفور بالايد ولا عشرة على الشجرة
مني لمه ياخذ الجنسيه وتتعدل احواله يصك عمرها فوق الثلاثين والحب مع الفقر يقلب يصير كرهه
اخذ واحد احبه واتمرمر معاه واقعد اطالع فلانه وعلانه لا
اخذ واحد يدلعني ومستواة زين واييب عيال وبينسوني الحب اللي حبيته له
ويمكن ياخذ الجنسيه واهله مايرضون لانها مطلقه خل تفكر بعقل لانها مو صغيرة واذا يالها واحد زين اللحين يمكن اذا رفضته ماتيلها نفس هالفرصه وخل تستخير وتفكر بعقلها

 

[أعشقه]

طيب دام واعدينه ياخذ الجنسيه وهي تبيه وماتبي تفرط فيه مثل اول مره
خل يجي ويتقدم لها ويشرح ظروفه لبوها اذا وافق عليه تمشي الموضوع واذا ماوافق عليه
خل تشوف نصيبها مع الي متقدم لها حرام تضيع عمرها ع شي ماتدري وش نهايته
وربي ييسر لها امورها

 

[معي احلى]

من صدقكم ماتتزوجوا من البدون .. قلت انه بس كلام مسلسلات .. ؟؟؟ وعاده درجات الجنسيه الكويتي كويتي ليش عاده درجات .. . ؟



الرسول صلى الله عليه وسلم قال اذا جائكم من ترضون دينه وخلقه فزوجوووووووووووووووووووه ؟؟ ليش عاد العذاب هذا كله .. وايضا ما للمتحابين الا الزواج .. ؟

 

[<<الأميره>>]

بنات ليش. كلكم تظنون ان البدون عايشين بفقر
والله اعرف بعض عوايل بدون عايشين احسن من بعض العوايل الكويتيه
ناس الله رازقهم ومنعم عليهم موناقصهم الا هالجنسيه

 

[ام حسين 80]

كلامكم يا بنات عين العقل ما شاء الله عليكم
انا بعد نصحتها انها تتزوج مع اني متأكدة ان حبيبها يحبها لكن ما يبي يبهدلها وياه معاشه ضعيف و بيتهم ما فيه مكان تسكن فيه يعني لازم ياجرون بره و الايجار راح ياخذ نص معاشه
هي تقول ودي اتزوجه لاني اعرفه و اعرف اخلاقه لكن اللي متقدم لها ما تعرف اسلوبه او طريقة تفكيره و ما تبي تكرر تجربه الطلاق مره ثانية

 

[Geisha]

مادري شقولج بما انها بال 30 يعني واعيه صعبه ترا مو بس الجنسيه اهي عائق وايد اهي تعرفه وتعرف ضروفه ماتدرين خل تستخير وانا انصحها اذا تقدم لها كويتي وريال زين خل تروح بنصيبها تفكر بعقلها لانه زواج مو متكافيء ومن غير رضى الاهل صعبه