تتزوجين واحد بعمرج؟ولا صعبه عليج؟؟!!

[miss.lulu]

طبعا الموضوع واضح من العنوان



تأيدين الزواج من اعمار متقاربه جدا يعني بنفس عمرج؟



الحب موجود الحمدلله لكن السؤال عادي ولا تفضلين يكون اكبر منج بسنتين جذي ثلاثه يعني في فرق لكن مو واجد




السؤال الثاني تاخذين واحد اصغر منج؟؟يعني بجم شهر مووايد طبعا





اترك لكم المايك حتى المتزوجات خلونا نسمع رايكم



:eh_s(7):

 

[uae_2009]

هلا اختي

حبيت اشارك ف موضوعج


بالنسبه لي عادي اخذ واحد نفس عمري بس افضل ان يكون اكبر عني بسنتين او 3

ومافي مانع لو اخذ واحد اصغرعني بشهوووور بس يكون ريال فاهم وعاقل وقد المسوووليه


^^​

 

[miss.lulu]

فديتج حبوبه على الرد

يعني مافي مانع بكل الحالات حلو تفكيرج ماشالله

مشكوره حبوبه ولاتحرمينا من طلتج الحلوه

 

[دريم ويب]

امممممممممممممممممم
قلبي وعقلي مختلفين
قلبي يقوول....

افضل يكون اكبر 3-5 سنين
بعمري لكن يكون اكبر مني بالشهوووور خخخخخخخخخخ<< اهم شي اكبر لو يووم

وعقلي
ماافيهاا شي ان الوحده تااخذ من نفس عمرهااا لأن الشباب شباب الروووح والقلب

 

[miss.lulu]

انا احيانا اسمع قصص يكون الفرق بينهم فوق العشره يعني الريال اكبر منها بوايد ولا يعاملها حلو واحيانا يكونون بعمر بعض وتعاملهم جدا رااقي ماشالله وطبعا العكس موجود طبعا

يعني الريال بعد جم سنه يروح حق وحده صغيره

مثلا في بنات تقولج افضل واحد اكبر مني بشوي عشان اهيا صعبه علي وماراح اتوافق معاه اذا اهوا بسني

احس ظاهرة فرق العمر بالشرق اكثر من الغرب ولا انتو شرايكم؟؟؟

 

[miss.lulu]

اي حلو تفكيرج اكبر من ولو بلحظه لوووووووووووووووووول

مشكووورة حبوبه على الرد

لا تحرمينا من ارائج الحلوه

 

[اناقتي الملكيه]

افضل اكبر منى ب 4 سنين

 

[miss.lulu]

مشكووره حبوبه وصج فرق 4 سنين حلو

 

[أإلع ـشق دلع ـهـأإ]

.





عادي جداً لو اخذ واحد كبري او اصغر مني لانه مومقياااس لحياة جميله حلوه وسعيده 

صدقيني الكل راح يقول نبي اكبر مننا بخمس سنين وفوق !!

بس صدقيني لو خطبهم واااحد كااامل ورجال ونعم فيه بس كبرها او اصغر منها ماراح ترفض

اهم شي يكون رجال ونعم فيه 







.

 

[لولو كـاتي]

تفكيري للمستقبل سبحان الله احس

اذا صار بنت وولد بنفس العمر البنت تصير اكبر منه بالتفكير انا هذا اللي دايم الاحظه ع الرغم انهم كبر بعض

مثلا

اعمارهم 20

البنت يناسبها تكون ربه بيت وعندها عيال تقدر تكون ام

بس لمن اتخيل ولد عمره 20 ماتوقع ابد يكون ابو لعيال

وجهه نظري فقط

وفي حاجه ثانيه

مستقبلا لمن تشوفين وحده عمرها 40 وزوجها 50 اكبر ب10 سنوات منها ومع كذا تحسين المراه يبان عليها الكبر بسررعه

فمال بالج اذا وحده خذت كبرها مايفرق بينهم الا كم شهر احسها راح يبان عليها الشيب والكبر قبل زوجها وهو توه شباب

فأنا اايد يكون الرجال اكبر من زوجته ب6 او 8 سنوات ومع كذا يمكن تلاقينا يالبنات اكبر منهم بالعقل ونشيب ونرطرط قبلهم:eh_s(4)::eh_s(4):<< حاقده عليهم خخخخخخخ

 

[um_yoyo]

عادي موشايفه فيها مشكله الواحد مو بعمره بعقله و في وايد ياخذون اصغر منهم بعد و مرتاحين

 

[nadoy]

انا زوجي اصغر مني بأسبوعين

بس احسه اكبر بوايد

عادي مافيها شي كنت موراضيه بس اهو راضي ماعنده مشاكل والحمدالله احس وايد متفقين مع بعض

وتفكيره نفس تفكيري لا انا اكبر منه بالتفكير ولا اهو

يمكن اخذ كبير وتفكيره غير عني ما ادري

 

[Tom ♥ Jerry]

.


اذا قدي .، و اخلاقه عاليه و ريال مآ يتطوف اي عادي !

 

[aṕriliå]

لا افضل الفرق بيني وبينه 5 سنوات او اكثر

 

[أسيرة بدران]

آنا دايما آقول آبي واحد أكبر مني بوايد يعني 5 سنين أو7 عاديي حتى لو10 سنين لووول كل شوي قاعده أزيد سنه آحبه يصير قد المسؤوليه وفاهم الدنيا وناضج أستفيد منه ومن خبرته مو طايش نفس شباب الحين يعني مستحيل آخذ واحد نفس عمري طايش ومو قد المسؤوليه كل يوم راح نتهاوش وبالنسبه للسؤال الثاني اذا ناضج وعقله أكبر من عمره ماراح أرفضه عشان أصغر مني بجم شهر

 

[فديت حلاتي]

انا ابي واحد اكبر مني اقل اقل شي ب3 سنوات

والافضل انه يكون اكبر مني بين الخمس والعشر سنوات


اما اصغر مني لا ماابيه

 

[G!RLooNa]

افضل اكبر مني بس عادي كبري و اصغر اهوا عادي لما سنتين اصغر بس انا ما احب

 

[ޢޢޢإيمانޢޢޢะۣۨ>]

ما أحب يكون أصغر مني حتى لو الفرق يوم واحد
ما أدري ليش تفكيري جذي

وأفضل بعد لو يكون الفرق كبير
يعني عمري الحين 25 وودي يكون عمره بالثلاثينات

مشكورة على الموضوع حبيبتي ​

 

[دلوعة أبوهآ]

افضل أكبر مني بـ 8 سنوات ..
بس مآندري عن النصيب ..

 

[لفتة فرس]

اولا يعطيج الف عافيه ع الموضوع الحلو سبحان الله كنت بطرحه بس سبقتيني وما قصرتي:eh_s(15):

بالنسبه لي مافي فرق لاني اعرف وايد بنفس العمر والا الزوج اصغر من زوجته وحيل متفاهمين وحياتهم ماشيه وعسى الله يوفقهم

يعني العمر مو فارق من وجهة نظري