تتزوجين شخص معاشه قليل / أو أقل من معاشج

[مـعـجـبـة]

السلام عليكم بنات

ابي استشيركم

إذا كان متقدم لج واحد يمدحون أخلاقه وسمعته
بس شغلته بسيطة ومعاشه جداً قليل
ومعاشج أكثر منه بوايد .. توافقين ؟!

بنقول معليه "خذوهم فقراء يغنيهم الله من فضله "

انزين وإذا شهادته هم أقل من شهادتج !
هو عنده ثانوية عامة فقط .. وانتي جامعية وتواصلين دراسات عُليا ؟!

هل هالشيء يعتبر عائق ؟
هل هالشي يأثر ؟؟!!

انا تفكيري شلون!
اقول احنا نحتاج الشهادة عشان نتطور ونترقى في الوظيفة
the higher the education , the better the salary & the position

لـــكــن
في حالة ان الراتب زيــن بدون شهادة > هني الشهادة مالها لزمة
في حالة ان الراتب مو زين ومع شـهـادة > اقول الواحد يصبر لأنه الزيادة يبيلها وقت ..
في حالة ان الراتب مـوو زين وبـدووون شهادة >> لا اسمحوا لي في مشكلة في المعادلة


انتوا شرايكم ؟؟

 

[هناء - Hana]

طاع هذي حبيبتي ترفضين الولد بس عششان فلوووووس حرام عليج اخلاق وكل شيء ..وشنؤ بيكون ردة فعلج بتقولين بكل ثقة راتبة قليل وله اقل من راتبي حبيبتي صدقيني بتخسسرينه ولافات الفوت ماينفع الصوت يعني اذا رفضضتيه بتخسسرينه ..وشوفي بنات حتىى ازواجهم ماعندهم معاااااااااش يصيرفون اهم عليهم احمدي ربج..وانا ابي مصلحتج؛*
انا قلتلج عااد كيفج موفقة؛*

 

[دلوعة أبوهآ]

موقف صعب صرآحه ..
بس الاستخآره هي اللي تحكم وتحدد آلموقف ..


بس مثلاً لو كآنت البنت عايشه في بيت ابوهآ وطلبآتها مُجآبه وعندها كل شي
صعب صعب تتزوج واحد رآتبه قليل
ماراح تقدر تعيش وتتأقلم وراح تبدأ المشآكل ..

انا ماآقول الفلوس وآلراتب اهم شي واهم من الاشياء الثانيه !!

بس بعد له دور كبير في تجنب المشآكل ..

 

[هناء - Hana]

ممم سوري توني انتبه عبالي متقدم لج بالرد لاول غلط هع..بالنسسبه لي:
اسستخير واصلي صلاة الاستخارة والله الله كاتبة بيصير خييييييير..جد موقف حيييييل صصعب بس عاادي اوافق علية يكفي انه اخلاق..وطيبه..اما الراتب عاادي..وحدة اعرفها..زوجها حتى الشهادة ماعنده اهي تصرف عليه ..كل شيء ماعنده ولاشيء..اصلي الاستخارة والي الله كاتبة بيصير؛*

 

[VET-Nour]

اذا كانت سمعته زينه و اهو زين اي مايعتبر عايق / عائق / طوفه / صخره / اسمنت / حديده / دور / دورين / ثلاث ادوار / سقف / بيت ... لا آسفة اندمجت حيل

نرد وين كنا اي مايعتبر عائق ,,, بس اذا مو زين حييل يعني اقل من 500 @@ لا لا لا لا كلش ابدا مستحيل نو وي انا الي بصرف علا البيت ولا اهو اخاف يبي اصير رجال بداله

بس اذا معاشه فوق الخمسيه ب اكثر من اميه عالاقل و بيزيد اكيد طبعا اوف كورس بس شرط تكون سمعته زينه

بس اذا ما عنده شهاده لالالا ماهكذا الحجي ؟ مايصحش انا قايله مااخذ الا واحد عنده شهادة جامعيه

وطبعا استخير اول شيء

و بس بعد خلص ردي ليش تقرون ؟؟؟؟؟ لا تقرون خلاص

الي بعدوووو

 

[مـعـجـبـة]

ههههههههههههههه vet nour ردج موو طبيعي
اي انا اتكلم عن معاش اقل من 500 بوايد
راتب ما يفتح بيت ولا شقة ولا ميلس ولا باب ولا دريشة كلللش ههههههه

انا بالنسبة لي عادي الراتب في البداية يكون قليل بس ان في فرصة يزيد
بس شلون بيزيد واهو مو دارس ولا عنده شهادة تشفع له !!


هناء ... كليتيني بقشوري هههههههه
انزين .. هل كيف تاخذين واحد وتصرفين عليه !! وعااادي عندج !!
لا واتييبين لي أمثلة وتعتبرينها أمثلة ناجحة بعد !!
حبيبتي ما يصير .. انا قاصرة مصاريف مثلا ههههههه
يعني كأنج تقولين أهم شي ريل ..
انا اقول اشحادها الوحدة تعرس اذا جذي
تقعد عند اهلها عزيزة وطلباتها مجابة ومعاشها كله لها احسن


دلوعة أبوها .. اي صحيح
صعب الوحدة تتأقلم خصوصا اذا كانت محصلة كلشي في بيت اهلها


اممم .. لو بس وظيفته زينة جان الشهادة مب مهمة
لكن الواحد لما يشوف وظيفته مش ولا بد وما توكل عيش
لازم يتعب على رووحه ويدرس .. ما يقعد مكانك سر

الواحد إذا انولد فقير فهذي مب مشكلته
لكن إذا عاش ومات فقير .. فهذي مشكلته

 

[هناء - Hana]

نور ردج هههههه مت ضحك على اخر شيء..
اما معجبه:ههههه توني انتبه عبالي تتزوجين ههههههه عااادي اخذه هههه وحدة الله يسستر عليها يارب خذت واحد حتى ماعنده الشهادة وانا حراااااام اطططططيح فيها سسسب..على الاقل هذا عنده شهادة وعادي رااااااضية..ههه.!!

 

[مـعـجـبـة]

هناء .. انزين ما عنده شهادة بلعناها

بس لا شغلة ولا مشغلة هذي مااا تطوووف

لأه يا هنااء ما يصحش كدة هههههه

يا بنت انا معاشي بروحي ومو مكفيني

هالدور آخذ واحد واصرف عليه > ما ينفعش p:

 

[هناء - Hana]

ههههه اقوله واحذره مالك دخل بقرؤشي>>هههههههه نحاااااااسة..
بس يعني مادري شقولج صصعبه حيل..
بس الحين احسس كل شيء تغير..يعني صعب الحين تلاقين واحد عنده فلوس وتلقين اخلاقه=زفت..
واحد فلوسه على قد حاله لكن اخلاقه=زينه..
صصصصصعبه جد!!بس انتي ردت فعلج توافقين انا على الاهل اذا كان من قرايبي ايه اكييد..اما جامعة او ياني اسسستخير..؛*

 

[عادت ذكرياتي]

اللي فهمته إنه عاطل وما عنده شهادة


اول شي استخيري


بس آنا أشوف صعب


لو تحسبينها عالبيت المستقبلي اللي بيطلعلكم والعقارات فوووووووق أسعارها غير الخدامة ومصاريف البيت ...إلخ


لو صج هو شاريج يكمل دراسته او عالأقل يبادر بأي وظيفة ،،، لأنه رجل حتى لو يطلع فلوس من الصخر


وإنتي شوفي وضعج واستخيري اولا وأخيرا ^_^

 

[حمام شاقني فنه]

بصرف النظر عن معاشه عقليا مافي تكافؤ ترى تفكير الدارسين يخخخخخخخخخخخخخخخخخخخخخخخخخخخخخخختتتتتتتتتتتتتتلفففففففففففففففف عن الغير دارسين بوييييييييييييييييين باجر اذا صار نصيب بتفهمين كلامي

 

[مـعـجـبـة]

اللي فهمته إنه عاطل وما عنده شهادة

ا ^_^

لا انا اقصد شهادته ثانوي فقط + يشتغل شغلة راتبها ضعيف جداً

عاطل هذا ما يحتاي اطل بويهه بعد > يروح يشتغل وسنتين يالله يكون نفسه تالي اييني

 

[ZBO6A]

مممممم شوفي معجبه اذا عندكم مكان تقعدون فيه بدون اجار عادي وافقي بس اذا بيدفع اجار جم بيبقا غير مصاريف الاجار نار يعني 300 وافوق اتوقع وهم موحلوه انتي تصرفين علبيت
في فرق انج تساعدين بلمصاريف اوانج تقطين كل معاشج
انزين قوليله يكمل دراسته مافيها شي :eh_s(7):

 

[مـعـجـبـة]

بصرف النظر عن معاشه عقليا مافي تكافؤ ترى تفكير الدارسين يخخخخخخخخخخخخخخخخخخخخخخخخخخخخخخختتتتتتتتتتتتتتلفففففففففففففففف عن الغير دارسين بوييييييييييييييييين باجر اذا صار نصيب بتفهمين كلامي

ادري والله فديتج .. احسج فاهمتني صح :rerrerek:

الدراسة تبطل المخ وتنشطه .. تفتح مجالات وايد علمياً وعملياً

ما بالك بشخص مخه مجيم من 10 سنين ويشتغل شغلة روتينية حدها !!

فاهمتج من الحين صدقيني ...

انا للحين ما تعرفت على شخص ذكي ومثقف وعنده ثانوية فقط

Except for my dad ، لأنه على ايامهم ما كان في جامعات هههههههه

امممم ، وما اصرف النظر عن المعاش، لأنه مهم ، الحياة غالية والمصاريف تزيد ما تقل

يعني معاشه يوم اهو بروحه ما يكفيه ، هالدور مع زوجة ويهال !!

هذي يا عيشة فقر وتغشف يا عيشة ديون وعمى عيون

 

[مـعـجـبـة]

هناء انتي عقدتي المعادلة واايد هههههه

يعني سويتيها مشروطة

إن اللي راتبه زين = اخلاقه زفت

وان اللي راتبه ضعيف = خلوق جداً

انا احتاج إلى عالم رياضيات شاطر يعيد لي صياغة هالمعادلة هههههههههه

لازم في حل وسط يعني p:

 

[مـعـجـبـة]

مممممم شوفي معجبه اذا عندكم مكان تقعدون فيه بدون اجار عادي وافقي بس اذا بيدفع اجار جم بيبقا غير مصاريف الاجار نار يعني 300 وافوق اتوقع وهم موحلوه انتي تصرفين علبيت
في فرق انج تساعدين بلمصاريف اوانج تقطين كل معاشج
انزين قوليله يكمل دراسته مافيها شي :eh_s(7):

اي انا قاعدة افترض على سبيل المثال
اللي افهمه انج عادي توافقين > بس بشرط السكن متوفر

بعدين اخذ واحد راتبه يا دوب يكفي مصاريفه واقوله كمل دراستك
وانا ادري ان أسعار الدراسة في الجامعات الخاصة ناااار وبيحتاج قرض وووو ...
ماعتقد بيقدر بسهولة ..

 

[fatma A]

بصراحه مراح ارضى انتي شايفه الحين كل شي صار غالي الحين الشقه صار اجارها 400 دينار اول 240 او اقول كل شي غالي وانزين من وين له بيدفع 400 دينار كل شهر والاثاث شلون بيبه واهو معاشه ضعيف وانزين واليهال ما يبيلهم مصروف وما يبيلهم اكل وما يبيلهم مدرسه وما يبيلهم ملابس حق العيد ما يبيلهم طلبات ليش اعيش عيالي بجحيم ممكن اهم صغار يسكتون بس لي كبرو بيقولون لي يمه ياريتج ما خذيتي ابوي لو ماخذه واحد راتبه زين احسن من ابوي اليهال اهم يدفعون ثمن اغلاطنا ولا بس يبيني اصرف من معاشي عليه مستحيل اصرف عليه واهو قاعد ريال على ريال مستحيل لازم يكون معاشه زين راهي علشان يقدر يفتح بيت

 

[fatma A]

ريال= يعني ريل على ريل سوري

 

[ZBO6A]

اذا كان السكن متوفر اي اوافق:eh_s(7):
بس ماقلتيلي انتي شلون كانت عيشتج بيت اهلج يعني ماركات وجي ولا عادي قنوعه؟

 

[مـعـجـبـة]

fatma A ... عدل كلامج ، بس الراتب ممكن يزيد

انا اللي اقوله ان الشهادة والدراسة اهي اللي تخلي الواحد يترقى ويزيد راتبه

بديت اوصل لقناعة إن الاثنين لازم يكونون مع بعض ( راتب زين + شهادة )

انزين شرايج ان في واحد يوم تقدم حق وحدة قال لها في المقابلة

انتي بعد لازم تشتغلين عشان تساهمين في مصاريف البيت..

عيل انا اروح اشتغل واتعب وانتي نايمة في البيت !!

تخيلي والله عيب .. قمة الرزاالة صراحة