تبي تعرفين معلم ج و ب وأ حياك

[ملامح بريئة]

حبيت افيدكم من خبرتي ان الجامعية معلم د اول ما تتعين و بعد سنتين امتياز بدون مرضيات اكثر من 15 يوم يجيها علي طول ج وبعده بسنتين )لازم متتاليتين ورا بعض ) امتياز و تجيك الدرجة اللي بعدها و الامومة تعطل الدرجة او تاخرها سنتين يعني تحتاجين 6 سنين او 7 وتوصلين معلم أ بس الشرط الانتظام و الامتياز من تجربتي فانا للحين ب وصار لي 3 سنين والسبب الامتياز بس انشاالله خير. اما الدرجة فحظك وحسب ترشيح الناظرة فالغالب بالاختيار تاتي بعد 5 سنين و الثانية انا ما جتني للحين بالرقم اني قديمة والسبة ما خذيت امتيازين ورا بعض ولا تقولون الامتياز ما يسوي شيئ وبالتوفيق وعلى فكرة اللي متاخرة درجتها تراجع الشؤون الوظيفية ترا ينسون مرات وتاتيك باثر رجعي يالله ابي دعوات حلوة:eh_s(15):*

 

[ام عفاف الكويت]

انزين انا معلم د
متي اصير ج بالاقدميه ؟
في لها شروط ؟

 

[ابلة غزالة]

انتقالج من معلم ج الي ب و من ب الي ا ماله شغل بالاقدميه لها شغل بس بالامتيازات و العقوبات و الاجازات اما الاقدميه للدرجه

بعد المعلم ج لازم تاخذين ثلاث اسنين امتياز علشان اتصير ب يعني بجذي تكون خبرتج ٥ سنين

معلم تعيين يديد معلم د بعد سنتين امتياز تصير معلم ج. الخبره سنتين
معلم ج بعد ثلاث سنين امتياز تصير معلم ب. الخبره ٥ سنوات
معلم ب بعد اربع سنين امتياز تصير معلم ا. الخبره ٩ سنوات
معلم ا بعد *اربع سنين امتياز تصير معلم ب متخصص. الخبره ١٣ سنه
معلم ب متخصص بعد اربع سنين امتياز تصير معلم ا متخصص. الخبره ١٧ سنه *

طبعا المعلمة غير التربويه يعني مو خريجة تربية و تربية اساسيه اتزيد سنه على كل السنوات الي ذكرتها
وفي معلمات تتعين على هـ الي هي شهادتها دبلوم مثل بعض ابلات الموسيقى من معهد الموسيقى مو خريجات التربية الاساسيه

 

[ام عفاف الكويت]

انزين ماخذت امتياز ماترقي طول عمري ؟

 

[ابلة غزالة]

وعلى فكره كلام الاخت ملامح بريئه صحيح لازم تراجعون لان انا طلبت شهادة راتب و لقيت انهم مو مغيرين لي الترقية بسبب اني انتقلت من محافظه الي محافظه و محافظتي القديمه ما اعتمدت بالكمبيوتر ترقيتي وقعدت اراجعهم ثلاث اشهر و بالاخر نزلوها لي باثر رجعي

 

[أ. ميم الهاجري]

من قال ان الغياب مايتعدى ١٥؟؟؟
انا سائله وقالولي الغياب بند من بنوود واجد

 

[ابلة غزالة]

ام عفاف اذا ما خذيتي امتياز بتمين معلم د

انا خبرتي ١٠ سنوات وفي معلمات دفعتي للحين معلم د

اما الدرجه انتي تعينتي على الدرجه الرابعه بعد خمس سنين سواء امتياز او لا اتصرين الثالثه

 

[ام عفاف الكويت]

اي يعني تختلف الدرجات بس
اللي هي الرابعه تدش ثالثه
لكن المسمي يظل لما احصل امتيازين وره بعض

 

[سنـــابل]

وشلون اعرف اذا انا المفروض ج وهم غلطانين ومخليني د؟؟
انا بكمل 5 سنين ولي الحين انا د

 

[سنـــابل]

انزين لمه تتغير الدرجه يتغير وياها الكادر ؟
ولا لازم الناظره ترشحني ؟

 

[ابلة غزالة]

لا الدرجه مالها شغل بالكادر الدرجه اسمها مستوى فني اما الكادر اسمه مستوى وظيفي

الدرجه تاخذينا كل خمس سنين بالاقدميه او ترشيح بالاختيار

اما الكادر المستوى الوظيفي حسب امتيازات

واذا انتي شاكه ان في تاخير عليج انج معلم د روحي اداره الشؤون الوظيفيه نفس المكان الي تطلبين منه شهادة راتب و قولي لهم انج بتسألين انتي معلم شنو و انج تبين تتاكدين راح تقوم الموظفه تدخل على تقارير الكفاءه من اول سنه تعيين لج و تتاكد ( انا سويت جذي قبل جم سنه )

 

[روعة المنتهى]

الله يعطيك العافيه على التوضيحات :yaaaaaarb:

 

[سنـــابل]

لا الدرجه مالها شغل بالكادر الدرجه اسمها مستوى فني اما الكادر اسمه مستوى وظيفي

الدرجه تاخذينا كل خمس سنين بالاقدميه او ترشيح بالاختيار

اما الكادر المستوى الوظيفي حسب امتيازات

واذا انتي شاكه ان في تاخير عليج انج معلم د روحي اداره الشؤون الوظيفيه نفس المكان الي تطلبين منه شهادة راتب و قولي لهم انج بتسألين انتي معلم شنو و انج تبين تتاكدين راح تقوم الموظفه تدخل على تقارير الكفاءه من اول سنه تعيين لج و تتاكد ( انا سويت جذي قبل جم سنه )

يزاج الله خير
يعني راح اقدر اعرف جم يايبه بالتقارير اللي مخلينها سريه :eh_s(4):

انا شاكه بتقريري صراحه وان شاءالله بروح اجيك

 

[اريج الجوري]

انزين اذا كان التقدير متذبب سنه امتياز وسنه لا شلون الحسبه ؟

وهل من الممكن الحصول على الامتياز بالتزام الحد الأقصى من الغياب وعدم تجاوزه ؟؟؟

متعوب على صيغة السؤال ،،، هههه

تحياتي ...

 

[مارلينq8]

يزاجج الله خير توني افهم ان هاء قصدهم علا ابلات الموسيقى الي متخرجين من المعهد انا حسبلي علا التربية الاساسية لووووول حدي دايخة ,يعني انا اول مااتعين الكورس الياي ان شاء الله بتكون درجاتي د صح

 

[Shaik]

ما شاء الله عليج ابلة غزاله معلوماتج صحيحه

بس بغيت اصحح نقطتين

الاولى ان الاجازات اذا تعدت 90 يوم متوااااااااصل مثل الامومه و مرافقة زوج و رعايه اسره و غيرها من اجازات طويله
تأثر على ترفيع المستوى الوظيفي من معلم د الى ج الى ب ..... الخ

و الثانيه ان يجب ان تكون المعلمه امتياز سنتين متتاليتين علشان ترتفع للمستوى الوظيفي اللذي يليه

يعني مثلا من ج الى ب 3 سنوات يعني السنه الاولى مو مهمه اما السنه الثانيه و الثالثه لازم يكونون امتياز
و اذا السنه الثانيه مو امتياز و الثالثه و الرابعه امتياز تترفع بالسنه الرابعه و هكذا لما تاخذ امتيازيين متتاليين

و اي استفسار عن الكادر انا موجوده

 

[سنـــابل]

انزين من جم ينحسب الامتياز ؟

 

[احلا السمر]

مقصروتوا بنوتاااات

سؤال ناااط شوي

ومتى الوحدة تترشح رئاسة قسم ؟؟؟

عقب جم سنة خبرة ؟؟ او لها علاقة بالامتيازات ؟؟؟

 

[Shaik]

انزين من جم ينحسب الامتياز ؟

ينحسب الامتياز من 90
و احنا ناخذ اللفظي

 

[Shaik]

مقصروتوا بنوتاااات

سؤال ناااط شوي

ومتى الوحدة تترشح رئاسة قسم ؟؟؟

عقب جم سنة خبرة ؟؟ او لها علاقة بالامتيازات ؟؟؟

من ناحيه الخبره اعذريني و الله ما ادري لازم تسألين الشئون التعليمه او مراقب تعليم مرحلتج
اما من ناحيه الامتياز فالشي ضروري و زيادة تأكيد سألي عن شروط الرئاسه بالتعليميه