تبين 4 الاف باليوم؟؟ حياج

[T5TOo5a]

صباح الخير بنات يعطيكم العافيه

اتوقع بعضكم قرى العنوان واستغرب ان شنو السالفه وليش هالعنوان هني

بختصااار بقولكم الموضوع


انا حالي حال الكثير من الي يعانون السمنه وزياده الوزن

قررت وان شاء الله اكون قد كلامي وارادتي قويه
اني كل يوم الساعه 6 الصبح اكون بالممشى وامشي لمده ساعه
بتقولون حر بقولكم لا والله لا حر ولا هم يحزنون لان الشمس تكون توها طالعه

بنات انا توني راده من الممشى والله ماحسيت الا بشويه تعب لان مشيت وايد بأول يوم

شوفي تبين ممشى مايضيق خلقج ولا تحسين بالتعب روحي المركز العلمي
صفطي يم هارد روك ونزلي امشي ليييييييييييييييين المركز العلمي وهم بالمركز العلمي بدايته حاطين لج ارقام يعني 1500 مترر

فا انتي حسبيهم روحه ورده غير المسافه الزياده الي من سيارتج لين المركز العلمي
يعني تقريبا يطلعون اكثر من 4000 مترر باليوم وبساعه ترا وايد حلوين

خلونا نبدي حمله ال 4000 متررر

:ada:

احنا بنات كويتيات ونقدرررررررررررر


مشكورين ويعطيكم العافيه

 

[قمرشمر]

عساك عالقوة ,,
استمري فديتج ,, احنا كويتيات ونقدر انشالله ^_^

 

[T5TOo5a]

مشكوره حبيبتي على مرورج
وان شاء الله كلنااا نقدر وقدها وقدود

 

[*باجر أحلى*]

ماشاءالله
3 ارباع سمنتنا بسبب قلة المشي

 

[sara miller]

الله يعطيج العافيه,,,,,,,,,,ولاتنسين تشفيطين الاكسجين واليود شفط

 

[78MariMar78]

بالتوفيق حبوبة

وربي يساعدج وتوصلين للوزن اللي تبينه

 

[KG-Teacher]

اي والله الحركة بركة​

 

[ام _خلودي]

بس صعبه 6 الصبح

اخاف قصدك 6 المغرب

 

[ام عيالها الغاليين]

عاشت والله :ggdw:

حتى بنات المنطقة العاشرة روحوا الكوت وشوفوا الناس اللي تمشي بالهبل هناك وناااااااااااااااااااسة

 

[عربجيه]

موفقه وان شالله توصلين للوزن اللي تبينهـ،

 

[ii DareeN ii]

خطوة حلوة تختوخة ومتفائلة فيج وايد

وياريت على يوم تكتبين حق البنات تجربتج مع الرشاقة قبل جم سنة

 

[Miss Moma]

وناسة شدي حيلج ياااااااااازين الرشاقة

 

[Miss Moma]

وناسة شدي حيلج ياااااااااازين الرشاقة

 

[بناتي زينة حياتي]

عااااشوا عااااشوا

ياعلهم 4 آلاف حسنه بميزان حسناتج على هالموضوع اللي يشجع

 

[yam_yam]

الساعه 6 مممممممممممممممممممم
يعني اخلص 7
و على مارجع البيت 7 و نص
و اسبح و ابدل 8
و احط مكياج 9
و اطلع من البيت و اوصل الدوام 10 خخخخخخخخخخخ
يعني تفنيش من اول يوم هههههههههههه


راح اسوي طريقتج بس 6 المغرب
و صاجه الممشى حيييييييييييييييييييييييييل حلو انا وايد احبه حلو و الاحلى تشوفين الكويت كلها من البحر تشوفين الليتات ههههههههه

 

[أشكي عليك الحال]

امممم اذا بغيت امشي برووح هناك على قولتج

 

[BiiShOoO]

الله يوفقج و يسهل عليج


المشي حلو بس صعبة الصبح بالنسبة ان شاء الله اجربها العصر

 

[ملآمح شوؤق]

بالتووفيق انشاء الله ...

 

[Fesforya]

وناسه ! يبيله

 

[T5TOo5a]

مشكوووووووووووووورين حبايبي على الردود الحلوه
وعسى ربي يساعدناا ويقوي ارادتنا ويخلينا نضعف
انا معاكم هالوقت كلش مايناسب الموظفات لان دوامات ومن هالامور بس انا اخترت اني امشي الساعه 6 الصبح عشان مايكون عندي شي وماتعذر حق نفسي اني بروح هالمكان ولا عندي هالمشوارر لا لان ادري لو اخليه المغرب كل جم يوم بقول اني بطلع ولا بتسوق ولا زواره ومن هالكلام الي انتو عارفينه
بس اذا انتو تقدرون المغرب عادي هم حلو مافيه شي المهم نمشي ترا والله اجسامنا تعبانه ومفاصلنا وحالتنا حاله كله لان ماكو حرررررررركه
الي راح يجربون هالشي اول يومين بتلاقون ان جسمكم يشد يعني انا صارلي الحين هذا ثالث يوم وللحين ريولي شاده بس كلشي يهون عشان الضعف
ترا هدنا صعب حييييييييييييل ومتعب بس احنا لازم نكون اكبر من هالشي واقوى

وبالنسبه للمشرفه دارين صديقتي العزيزه الي طرت موضوع الرشاقه قبل جم سنه

الله يسلمكم انا قبل 6 سنين يعني قبل لا ادش الثنويه كنت ما ادش من الباب وطبعا من وانا صغيره كنت متينه
يوم اني تخرجت من المتوسطه وبطريجي حق الثنويه قعدت بيني وبين نفسي وقررت اني ما ادش الثنويه بهالجسم
والله يا بنات يوم اني خذيت عهد ووعد على نفسي صرت قويه وقمت اقاوم كل شي حتى شهيتي انسدت يعني شويه اكل يغثني وقبل نهايه العطله الصيفيه الي عقبها بتكون حياتي بالثنويه انا نازله 33 كيلو وربي الشاهد على كلامي طبعا كل هذا مايه من فراغ لا يه من اصرار وعزيمه قويه
فا خلونا نعاهد وناخذ وعد على نفسنا ان نعطي اجسامنا حقها ترا الله وصانا بأجسامنا وان نعطيها حقها وماعتقد احنا قاعدين نعطي اجسامنا الحق لان احنا مهملين اجسامنا ومتعبين عمرنا وهذا مايصير والله ما وصانا بهالشي
خلونا نفكر فيها جذي
وراح نقدر وصدقوني الوصول لهدفنا صعب بس مو مستحيل دام عندج اراده وعزيمه



يـــــــــــــــــــــــــــــــــــــــــــــــارب تســــــــــــــــــــــــــاعدنا ونضـــــــــــــــعف وتقوي عزيـــــــــــــــــمتنا