تبيض الاسنان .... / بليز بنآت تعآلوآ :(

[لـــوز]

مرحبآ بنآت .!!


شلونكم .!!




بنآت انا عرسي شهر 10 / ودي اسوي تبيض للاسنآن
متى اسويه بالضبط ..!!!


وشنو احسن عيآده اقدر اسوي فيهآ ..!!!



فيه بنآت وآيد خرعوني من التبيض انه مو زين ويعور ومآدري شنو
وقالوآ لازم تسوينه قبل عرسج بشهر او شهرين .!!


ف مآدري الحين شسالفه .!!!



شنو تنصحوني فيه ..!!
ابي تجآربكم ..!!



بليييييييييز يَ خوآتي الجميلآت :eh_s(11):



:eh_s(7):

 

[ليتني]

انا توني قبل جم يوم مسويه تبيض

احسن شي تسوينه قبل عرسج باسبوع ولا تتوقع تطلع اسنانج واااو لا بس راح تصير اببض
اهو التنظيف اللي قبل التبيض يعور .... التبيض وقته ما يعور بس لما يمر هوا اتحسين قاعد تتكهربين

حده يومين ويروح الالم نهائيا.... ولازم تديرين بالج عالاكل اللي تاكلينه بعد التبيض مافيه اللوان ولا اصباغ
والمعجون اللي تستخدمينه لونه ابيض فقط لاغير <<متعوب عليها فقط لاغير ههههه


وبس الله يوفقج
اذا تبين اي سوال انا حاضره

 

[الله ياكثرعذالي]

بناات
انا ررفيجتي سوت القوالبببب الي تنام فيهم ب 80 ديناار والدكتوور نصحهااا وبياضها موصجججججججججججججججججج موصجج تحطها قبل لاتنام واصلاان انا قبل مسوية تبييض بسس رد لون ضروسي العادي قعد فترة وراح فقطط فنصيحه اخذي سويية الي بالبيت احسن

 

[كلي لكـ]

اممممممم شوفي التبيض مايضر ان شاء الله
انا رفيجتي مسويته من 5 سنين وماشاء الله للحين اسنانها بيضه شحلوها ربي يحفظها

وانا ان شاء الله بسوي تبيض وتلبيس لان الحكومه دمرو اسناني

وشكثر انصحوني اروح عياده الدكتور عبدالهادي شهاب بيلا كلينك

ورحت له بس طلعت بإجازه وشفت الدكتور ابراهيم

والله معاملتهم روعه روعه روعه

ونصحني قبل لا يفكر بالماده وحيل راعاني بالسعر

وفوق هذا عطاني جلسه تبيض مجانا قبل العرس

وبس اخلص اسناني بكتب موضوع عنهم وعن تجربتي

 

[منو انت]

تبيض انا كلش ماانصح فيه لان رفيجتي تقول تعرف وحده سوت تبيض شهر ورد لون اسنانها غااامج تقول ياحرام البنت تحطمت صار اقصى طموحها يرد لونهم الاول انا انصحج بالتنظيف يشيل لون طبقه من الجير وبعدها التزمي بالفراشه والمعجون من 3 لين 4 مرات باليوم وابعدي عن الشاي والقهوه والمواد الصبغيه صدقيني راح تحصلين نتيججه تعجبج

 

[متوترة]

لازم اتضلين اسبوع كامل بعد التبييض ماتاكلين اي شي يصبغ
خلي حياتك روب لبن . عيش ابيض . المهم اللوان مافيه وكل يوم تفرشين اسنانك
وبعد اسبوع بتصير اسنانك تمام التمام..

انا اختي سوت تببييض اسنان بس ماسمعت الكلام مانزل عليها حب القهوه والاصباغ الا يوم سوت التبييض
واسنانها ردت مثل لون اول .. وبنت خالتي لا عكسها تماما الى الان واسنانها ماشاء الله تهبل
اهو كله يعتمد على الاسبوع الاول بعد التبيضض ابتعدي ابتعدي ابتعدي عن الاصباغ لو مدمنه غازيات خذي لك سفن اب .هع

< طولتي بالكلام برا

:$

 

[لـــوز]

فديتكم واللللللللللللللللله



بس ماقلتوآ لي افضل العيآدآت اللي سويتي عندهم .!!!!

 

[Reem AlMaha]

مشكورين بس شنو احسن دكتور يسويها
شوقتوني اسوي تبيض

 

[شمندر]

التبيض ما انصحج كل اللي اعرفهم ردت اسنانهم نفس قبل و اسوء

انصحج تسوين قوالب سويتها انا بصراحه مو طبيعيه
واذا عندج مناسبه قبلها بيومين حطيها و شوفي الفرق والكل هاب فيها

وموفقه يا عسسسسسسسسسسسسل

 

[Queeeen]

آب
انا بعد ودي اسوي قبل عرسي

بس افضل التبييض الي بالبيت << !
مع استخدام معجون للتبييض احس انه افضل من التبييض بالعياده <<^^

 

[Reem AlMaha]

مشكوره يا قلبي شمندر بس ين اشتري القوالب *

 

[aloooya]

اب اب

 

[&عاشقة الكويت &]

وانا هم ودي اسوي تبييض

بس ما ادري اي عياده ؟؟

والله يوفقج يا قلبي

 

[أنين؟؟]

انا بعد ابي اسووي عرسي الاسبوع الجاي

يااريت احد ينصحنا بعياده ويقول جم اسعارهم

 

[ABEER FLOWER]

مـوفقين يارب

 

[نونه العازمي]

رفيجتي تمدح عياده الميدان

سوت ليزر وبعدها استمرت على معجون للتبيض وتقول النتيجه حلوه

 

[لـــوز]

انزين اللي ينصحون بالقوآلب من وين اشتريهم ؟؟؟؟؟؟؟؟؟

 

[تناهيد مطير]

في عياده اسمها صالح كلينك بخيطان قدام النادي

عند دكتور علي القوالب ب 40

انا مسويتهم عجييييييبه من اسبوع تبين بياض حلوووو

 

[bride2011]

انا شريت الست القوالب من الميدان حق التبييض ولسه ماجربته بس قالوا لي القوالب احسن من الليزر وعلا كلام الدكتور بعد
اهم شي سوي تنظيف قبل القوالب و اقطعي الشاي والقهوة قبلها بفتره وفرشي اكثر من مره بالبيوم بمعجون مبيض

 

[احبج يمه]

انا سمعت ان اسنان كلينك مسوين عرض تنضيف وقوالب تبييض ب100 بس ماجربتهم وبصراحه اذا سمعت احد جربه ونفع بسويه