تبلد صديقتي العزيزة اشعرني بالنقص

[احلا المزايين]

السلام عليكمبعد فشل عدة صداقات وبعد ماتلقيت عدد كافي من الصدمات
خاصة في من صديقاتي اللي اقلبت علي من تزوجت جذي بدون سبب
لفيت ورديت علا بنت عمي نفس اخلاقي وثقة
عطيتها المحبه واغليتها والله واعتبرتها اختي بحكم اني وحيدة امي
بادلتني المشاعر بس من تزوجت تبلدت
احسها اتجاملني مااتبادلني المشاعر
وهالاحساس يخنقني ويجرحني
بينتلها اكثر من مرة ماكو فايدة مااحب اقط وجهي
ترد لنفس البرود
وفيها تحفظ زايد وانا صريحة معاها
ابي وحدة اتكون معاي دايما
اتحس فيني
اتواسيني اتواصلني
احساس الوحدة صعب خاصة
للي ماعندها خوات


ارجوكم ساعدوني
شتصرف شسوي

 

[ام الدرر]

حبوبة
مفهوم الصداقة يختلف من شخص للثاني
ومن كلامج الصداقة عندج عطااااء بلا حدود
والتزام
والاشخاص اللي صادقتيهم
مفهومها عندهم يختلف
حاولت بنت عمك تجاريك ما قدرت
اذا باقية على صداقتها
حاولي تتاقلمين على طبعها
عطيها مساحة ووقت هي تسال عنج وتفقدج
لا تصيرين لحوحة او تفرضين نفسج عليها
غيري مفهومج للصداقة بترتاحين ​

 

[ام غازي 2012]

مو بس اتتي. مشكلتج تقريبن عند نص البنات
من التزوج الوحده تنغشل بحياتها الزوجيه

عندج فراق حاولي تستغلينه بشي تحبينه
سجلي بنادي راضي
او دخلي معهد لغه
حاولي تتقربين بالله اكثر
دخلي معهد حفظ القران
حاولي تشغلين نفسج


ولا تتضيق وان شاءلله بعد انتي تتزوجين وتنشغلين بحياتج الزوجيه

 

[Alias]

يمكن انت اهملتيها بعد زواجك

 

[iLLuMinaTion]

اببب

 

[احلا المزايين]

حبوبة
مفهوم الصداقة يختلف من شخص للثاني
ومن كلامج الصداقة عندج عطااااء بلا حدود
والتزام
والاشخاص اللي صادقتيهم
مفهومها عندهم يختلف

حاولت بنت عمك تجاريك ما قدرت
اذا باقية على صداقتها
حاولي تتاقلمين على طبعها
عطيها مساحة ووقت هي تسال عنج وتفقدج
لا تصيرين لحوحة او تفرضين نفسج عليها
غيري مفهومج للصداقة بترتاحين ​

ام الدرر اسم علا مسمى
بس ابي مفهوم واضح للصداقة

 

[امـ خــزامـى]

مع ام الدرر

ربي يسخرلك

 

[سندس 90]

ويييييييه منو الحين يدووور الصداااقه
يبا الصداااقه مفهوووم انتهى بزمن المصالح
ماانكر انه يمكن فيييه
بس يمكن انتي ماتصادفينهم بحيييااااتج
فنصييحه لا تخلين هالشي يصير ببالج ترا بتتعبين
انسسي وعيشي حياتج
ودوري لج شي زين ومفيد بووقت الفراغ
ربي يسعدج

 

[فرزاشيهـ]

مع سندس .،

 

[Pinky -cat]

لا الصداقه موجودة وهاذا رايي بس نادرة تلقينها ، وبالنسبة لج حبوبة عادي اختلاف حياتها ومسئولياتها ومجابل بيتها

وزوجها خلاص تدخل بمرحلة ثانية تفرض ظروفها عليها لا تزعلين وقدري الظروف.


واحنا كلنا خواتج وانا اعتبريني صديقة لج متا ما بغيتي

 

[ماكواسم2]

حبيبتي انتي فاضية وبنت عمج دشت حياة ثانية تشوف مشاكلج اشياء تافه وهي الله اعلم بحالها وشنو تفكر فيه وطبعا راح تكون حريصة معاج لانج من العايلة وما تبي تتكلم بشؤونها الشخصية

 

[شادن33]

بنات ترا أحلا المزايين متزوجه يعني موفاااضيه

عمري يمكن انتي من ألنوووع اللي عندج الصداقه بلا حدود مثل ماقالت ام الدرر الحلوه
وتقولين كل شي حق صديقتج مؤ معنى هذا ان تعااملج بالمثل يمكن أهي كتومه بخصوص حياتها وماتسولف كل شي

أحلا المزايين حبيبتي انتي مثل اختي يحليلها كانت تقووول ككككل شي حق صديقاتها وتنصحهم واهم لا يخشون ومن حقهم
ترا حتى الصداقه لها حدووود وانا وايد نبهتها انها غلط حبيبتي عطي كثر ماتاخذييين
ولايهمج احنا اهني خواااتج

 

[mrs.abk]

ما تعرفين شو ظروفها وبعدين انتي تزوجتي انشغلي ببيتج وزوجج أهم من الصديقات ..

الله يصلح حالج ويرزقج الخير

 

[دلال و غلا]

حبيبتي ما فيه انا قبلج دورت و كان عندي قبل الزواج و من تزوجت اختفو و يوم عن يوم راحوو مدري عنهم شي
اول كنت ادور ع صديقات قريبات مني مو مجرد رفقه لأ كنت ادور اللي يسمونهم خوات دنيا لانني نفسج وحيده و ما عندي خوات بس مااافيه ابد خلاص غسلت ايدي و اللي بيقول دام متزوجه انشغلي مع الزوج و العياال ارد عليها بانه المتزوجه تحتاج صديقاات تتواصل معاهم و تاخذ وتعطي و عندهم نفس الافكار و الاسلوب ..

 

[معي احلى]

احيانا الواحده تنشغل مع الزواج يعني البنت مش زي المتزوجه البنت براسها .. مش متحمله اي مسئوليه .. بس المتزوجه غير .. خاصه لو كانت مع اهل ززوجها يعني ماتقدر تستقبل دائما صديقاتها .. ولا تقدر تخرج على راحتها

واحيانا تخاف على زوجها من العازبات


واحيانا زوجها مايحب تتواصل مع احد من صديقاتها يعني مش بايدها ..



وبالنسبة للوحده صعبه .. واصعب مافيها والله ان البيت يكون مليان خوات لكن عدمهم افضل من وجودهم لاتحسبي اختي ان الذي عندها خوات .. في الجنه ومرتاحه .. خليها على ربك ..

 

[Patcholli]

حبيبتي متحفظه من اي ناحيه ?? ^_^

 

[معي احلى]

اشغلي نفسك .. قدر ماتقدري .. الفراغ هو سبب البلاء عند الكل

 

[معي احلى]

حبيبتي ما فيه انا قبلج دورت و كان عندي قبل الزواج و من تزوجت اختفو و يوم عن يوم راحوو مدري عنهم شي
اول كنت ادور ع صديقات قريبات مني مو مجرد رفقه لأ كنت ادور اللي يسمونهم خوات دنيا لانني نفسج وحيده و ما عندي خوات بس مااافيه ابد خلاص غسلت ايدي و اللي بيقول دام متزوجه انشغلي مع الزوج و العياال ارد عليها بانه المتزوجه تحتاج صديقاات تتواصل معاهم و تاخذ وتعطي و عندهم نفس الافكار و الاسلوب ..

احيانا الصديقه للمتزوجه تخرب بيتها ..

 

[ام زهقانه]

ال



انت غلط يا اختي صريحه معاها حيل يعني تعرف عن حياتج مع زوجك اهذا اكبر غلط
بعدين مافي الحين خوات دنيا
الا نادر وقليل جدا
مو معناة انج ما عندنج خوات تتاجين الي صديقتج

بعكس المفروض تروحين الام االان ام اهي صديقه

 

[ام الدرر]

ام الدرر اسم علا مسمى
بس ابي مفهوم واضح للصداقة

تسلمين حياتي
مفهومها يختلف من شخص للثاني مثل ماقلت لج
بس اللي لازم تتعودين عليه مثل ماقالت شادن
موكل شي تقولينه لاي كان
والتواصل يكون بحدود يعني اتصال التلفون - المسجات - الزيارات مو باستمرار
حسب وقت الفراغ والحاجة
عطائج لا يكون بدون مقابل يعني لا تعطين والطرف الثاني شحيح ماديا ومعنويا
يعني انتي تهدين وتوجبين وتسالين وهي لا
خير الامور الوسط حبوبة
حاولي تتاقلمين مع التحفظ بالعلاقات مع بنت عمج او غيرها ​