تايلندددددددددددددددددددد الساحرة

[رزه واستايل]

هااااااااااااااااااااااااااااااااااي بنات عفية فيدوني انا بروح تايلند 10 ايام وين اروح فيها يعني جم يوم بانكوك وجم يوم بوكيت او اذا في اماكن ثانية نروح لها واذا بانكوك شنو السوقة الي تونس والاماكن السياحية والتقليد 100% وين وبوكيت بعد بليييييييييييييييييييييييييييييييييييييييييييييييييييييزززز ردو علي

 

[3e6er alwrd]

هلا حبيبتي بوكيت يبيلها من 6-7 ايام وبانكوك ثلاث ايام في بوكيت عندج بي بي ايلاند وجيمس بوند ايلاند وبوكيت زوو و فانتسي وولد حدها عجيييييييييييييييبه وقرية الفيله ايلفانت فيلج واذا تبين تسكنين سكني اب هوليدي ان وايد حلو بوسط السوق والباتونق بيج واذا تبين الهدوء سكني بفندق لو ميرديان حده عجيب سكنت فيه بشهر العسل كان وايد راقي,, وعندج ببانكوك دريم وولد وسفاري وفي سوق ما اعرف اسمه الي تتسوقين وانتي راقبه قارب

 

[نور الدنيا2]

حبيبتي روحي جم سوق فبانكوك اسمه طوكيو ونايت بازار عجييب وفبوكيت لا تتسوقين بس استانسي روحي فانتسي وولرد ورافتينق لا تطوفينهم

 

[om MaRyooM]

هلا والله .. زين ماخترتي تايلند عجيبة

الموووهم ..
بانكوك لاتقعدين فيها أكثر من 3 ايام .. روحي الاكواريوم اليديد حلووو.... وروحي dream world هذي مدينة ملاهي وايد حلوة وفيها اماكن حلوة للتصوير ..
وبالنسبة للسوق مجمع ام بي كي وطوكيو حلوين وايد وايد .. وكل شي فيهم ..

وبالنسبة لبوكيت
قعدي فيها 6ايام ولا 7 حلوين . .
قعدي في patong لأن اكثر منطقة فيها لوية وسوق ورحلات حلوة . .
وطبعا السوق في سوق بالشارع يسمونه patong فه كل شي يونننس ولايقصون عليج بالاسعار طيحي فيهم كثر ماتقدرين وسوي نفسج بتمشين بتلقينهم لاحقينج لووول

ورحلات بوكت عجيييبة .. جربي الرحلة الشاملة اللي يودونكم snorkeling والغوص بعدين جزيرة حلوة وهادية للسباحة بعدين جزيرة القردة عشان توكلونهم .. هالرحلة عجبتني أكثر من رحلة حق جزيرة جيمس بوند ..
ونصيحة لاتروحون بالسفينة الكبيرة لأنهم بتزهقووون وحر حيل .. زيدو شوي فلوس وروحو بالspeed boat بس جم شخص يكون معاكم ووناااسة ..
وفي رحلة البانشيات واااو هذي صج ماتتطوف اسمها atv صج حلوة ..

وانشالله اكون افدتج وسوري ع الاطالة

 

[بطاط مهروس]

والله انا رايحة معاج وابى استفاد معاج

 

[مرسيدس]

حبيبتي أول شي تروحين وترجعين بالسلامة إن شاء الله

بانكوك : mpk وفي سوق قريب منه اسمه بلاتينيوم وفي مجمع اسمه اللوتس وفي سوق الليل وايد حلو في مطاعم وفي محلات تقليد درجة اولى وعندج بعد شارع قريس أو يسمونه شارع (نانا) هذا كله مطاعم عربيه وانا كنت على طول أروح مطعم اسمه مطعم الاهرام اكلهم حلو ونظيف وبنفس الشارع إللي فيه هالمطاعم سألي عن محل (فريدة ) هذي تايلندية تبيع ساعات وشنط ماركة درجة أولى أنصحج فيها ترى بضاعتهاعجيييييييييييييييييييبة لاتطوفج وفي واحد عراقي عنده محل قريب من محل(فريدة) اسم المحل (حفيظ) هم يبيع ساعات وشنط هم روحيله وفي محل اسمه (داوود) هم ساعات واكسوارات وفي جمعية صغيرة حلوة انا اعجبتني اسمها (big c) فيها كل شي وفي سوق اسمه (سان لوم )حلو جملة ومفرق ..

 

[z3toora_88]

يعطيكم العافيه بنات

 

[الهاجرية25]

تروحي وتردي بالسلامة