تايلد

[ضماي هو وهناي]

السلام عليكم حبايبي
انا احب الطبيعه واحب الجو المغيم شفت صور عنها بالتلفزيون وعجبتني وايد ..
هالسنه بروح ان شالله لها بس معاي خوات زوجي الثنتين وعيالي الصغار وطبعا مع زوجي فياريت اللي تعرف عن تايلد شي واماكن امنه للبنات والعيال وطبعا انا حريصه كل الحرص انه عيالي مايمرون بالاماكن او يلمحون اماكن فيها الخرابيط اللي نسمع عنهم , حبيبي زوجي ماعمره راح لها وهو مثلي يحب الطبيعه والهدوء ولما قلت له تايلد بالاول عارض وبعدين شاف الصور وعجبته وايد .
وين تنصحوني انوديهم وين الفندق الامان وبعد وين اماكن التسوق الرخيصه والحلوة اكيد ...
قالوا فيه شاليهات حلوه وكلها كويتينن وينها ....
انتوا فامين شاقصد ... عاد منو الللي تصير مرشده سياحه وتعطينا فايده او فكره
للجميع الشكر اللي تساعد واللي تقرا

 

[سفرجل]

والله حبيبتي انا رحت تايلند بس مو معاي يهال انا افضل هالديره بدون يهال لانه مافي شئ حق اليهال
لو اتروحين استرالياا حق اليهال حلووه فيها قريه الالعاب ووايد حلووه
بس تايلند ماانصحج فيها ليهال لانه واايد فيها خرابيط
وبعدين على حسب المنطقه ووين تبين اتروحين بوكت او بانكوك؟
وهذا رايي وانتي براحتج

 

[السولعية]

هلااا اختى
بالعكس تايلند وايد حلوه حق اليهال وفيها برامج بس اذا كانو وايد صغار ومايفهون حق الالعاب والبرنامج شوي بتملين معاهم
انصحج تروحين بوكت جزيره على البحر وفيها حديقه حيوانات و الفانتزي ورد ومغامرات وايد حلوه وحتى اذا مالكم خلق تطلعن تقعدون على البحر روعه

 

[عاشقة S ببساطه]

هلا اختي شلووونج ياعساج بخيرر

ياليت تقولين لي جم المده اللي بتقعدون فيها بتايلاند؟؟

ووتقدرون تختارون ديره ثانيه معاها ولا ماتبون؟؟

ولج مني جدول بإذن الله يعجبج

تقبلي تحياتي

 

[شمع تحترق]

يا قلبي الجو المغيم و الطبيعه الحلوه و الجو الحلو ب شنغ ماي

و تري العرب فيها قليلي حتي الكويتين لانها لي الحين ما صار لها ذاك الصيت

و تري أحلي من بوكت و جوها أحلي من بوكت

و الخرابيط تري بأماكن معينه يعني بوكت بس شارع اللي فيه

بانكوك بس سوق الليلي اللي فيه خرابيط و سوق اللي عندهم 2 البات بونج أهو اللي فيه البارات و الديسكو و الشو

أما نايت بازار سلوم هذا حلو و ما فيه هل خرابيط حتي الحفلات صايره على جنب تقدرين ما تمرين عليها

أما بشنغ ماي ما شفت لان ما أدري وين الشارع اللي فيه هل سوالف ما كان من الاماكن اللي نتردد عليها

و أي أستفسار من عيوني الثنتين يا قلبي

و انا بروح شهر 5 اذا الله سهل

و تري هناك سهاله لا تخافين

و حلوه حق اليهال اذا يتي على بوكت فيها فنتازيا بس فيها عروض فرق و الفرقه اللي ما تعجبج خليها و أمشي

حديقة الحيوان بوكت عاديه بس الرحلات حلوه

في عندهم حديقة الفراشات حلوه و اليهال أستانسوا و الله حتي حديقة الحيوان أستانسوا بس انا لاني ما أحب الحيوانات ضاق خلقي

عندج ببانكوك مدينة الملاهي روعه
الاكواريوم مع السينما ال 4d أيننون و كل المجمعات فيهم دور للالعاب و أحنا نلعب أصلا

بشنغ ماي الرحلات حلوه و وحديقة الحيوان حلوه و في رحله فيها تركبين على الفيل و ترحين بالنهر استانسنا بكل شي الا ركبت الفيل انا و أختي ما عجبنا

انا أذكر اني أعلنت أسلامي و انا راكبه الفيل و أستاهل لاني انا اللي لزمت على الركبه

يا الغاليه طولت عليج بس أي ستفسار من عيوني الثنتين يا قلبي