تاهت عناويني مادري شكتب عنوان وحدي متضايقه

[ي حليليِ]

السلام !


بنوتات انا عندي مشكلة بالصديقات مادري ليش
ودي تكون عندي صديقات حيل مادري شسوي والله


مرات بالكلية اكون حدي متصايقة وانا اساساً عندي رفيجات من زمان
قبل كنا مع بعض حييييييييييل مو شوي


بس الحسن كل ما اقعد عندهم احس في حواجز بيننا



بالبداية لما افترقنا كان السسبب اني انا سقطت بسنة واهما ارتفعوا فوق
فما قمت اشوفهم



حتى بالللستة بالواتسب ودي اسولف مع صديقة قديمة
اكون مشتاقة لها بس مادري شلون بينا حواجز كبييييرة




احس ما عندي صديقات وشي يعور القلب ان يكونون رفيجاتج حولج بس انتي بعيدة عنهم ولا انتي قادرة تتأقلمين معاه

انا تعبانة نفسيتي حيل احس اني منبوذة بالمجتمع


والله ي بنات اني املك كاريزما وطلة حييل حلوة ما امدح نفسي


اللي يشوفني وده يتعرف علي بس بعدين ما تتطور علاقتي معاه احس اني ماعرف شلون


ممم يمكن سولفت وايد وبدليات وايد بس جد ابي افرغ اللي فيني !!


انا اسولف مع بنات ورفيجاتي بالواتساب بس علاقة سطحية ممله جججججججججداً



ي ليت وحده تقدر تساعدني شوي


شلون اتقرب من صديقات كنت حيل معاهم قبل ،


لا تقولون مساير وطلعات لاني مو متعوده ! :bbbiu:



اللي ودها تتكلم هني ياليت تساعدني واللي تبي تكلمني دايركت اناا موجوده ع الكيك مالي حق اي كلام خاص تبين تقولينه لي هذا حسابي a7la92


انتظررررررررررررررررركم

 

[ي حليليِ]

بنات لايعه جبدي وقسسم
اكره برودهم لمن اسولف معاهم

واغار اذا مدحوا رفيجة لهم بالتوبيك
احس تفكيري سطحي وبايخ بس شذنبي اذا مشاعري حساسة

 

[مــرح]

ياقلبي

انا بعد مريت بهالمرحله و حاسسسه فيج

بهالزمن ماكو رفيجات وتلاقينهم يجاملون بعض وكل واحد لاهي بنفسه

ادعي ان الله يسخرلج عباده الطيبين وانا اتشرف بأول رد و هم اتشرف اني اعرفج اكثر واكثر

 

[ي حليليِ]

حياتي مرح تسلمين والشرف لي والله
بس لمن اتذكر الذكريات ودي ابجي

شوف وين كنت ووين صرت
اول كنت اتعب من البنات اللي تدق
واللي تسلم واللي تزور
واللي تسأل


الحين كل شي ميت ☹
اهوا ماكو صداقة ولا شخصيتي ما تجذب !

انا حيل فرفوششه بس جد مادري شلون انمي علاققتي من جديد☹

ي قلبي شكرا ع الرد

 

[عروسة اكتوبر]

تبين صديقات !!


والله والله والله مااااااااااااااااااااااااكو احسن من الخوات وامج وربي

بس لازم تكون عندج صديقة او خويه والحواجز انتي حاطتها عادي إذا حابه تفضفضين انتي بادري وقعدي معاهم بالكلية ولا اتصلي عادي لا تكبرين الموضوع

 

[Miss McDonald]

انا عندي صديقات بكل مكان وبمختلف الاشكال
من كنت صغيرة لي الحين

الخلاصة : عامليهم زين بس لا تخلينها تقرب منج حيل ومحد رفيجتج الا امج واختج

 

[طريق السعاده]

نفس الي قالو البنات

انا نفسك جاني سنه افترقت عن صحباتي واغلبهم اختفو وفيه مجموعه تزوجت وانمسحت من الوجود خخخ

شوفي حبيبتي باختصار تععلمت من علاقاتي وصداقاتي ماتعلق باحد وماهتم الا بوناستي !

الي تشوفينهم قدامك عامليهم زين واستمتعي بوقتك وياهم بس لا تقوين علاقتك فيهم مصير كل وحده تلهى عن الثانيه

بصراحه انا عندي صديقات بس ماعندي ههههههههه وهذا الواقع اغلب الصحبات مجامل وحق ترزز ومصالح لا اكثر ولا اقل

خلي اهلك بنات خالك وعمك وامك وخواتك هذول بيبقون لك العمر اما الباقين صدقيني مافيه وهالنظره من تجربه شخصيه ماعرف اذا صح او غلط بس هذا الواقع ..

 

[مفهيه حدي]

حبيبتي نصيحه مني رافجي بنات عايلتكم وايد احسن
انا رفيجاتي شويه ليش لأن بنات عيلتنا مكفيني
وربي رافجتلي وحده صارت نصفي الثاني والحين كل شهر اكلمها مره
مصيرهم بيروحون انتي لا تبتعدين عنهم اذا اهما معاج بالجامعه وتشوفينهم
روحي قعدي معاهم سولفي وفرفشي اذا ما تقبلوج اول شي بيتقبلوننج بعدين
تقبلي مروري .

 

[عسى الله يهديني]

انا نفسج بالضبط وبعدين حبيبتي رفيجاات وقعدات الثانويه غيرررر ووضع الكليه غيرر
خلاص الكل انشغل الي تدرس واالي طالعه وللي والي والي.......... ايام الثانويه ماكان في كل هالضغوط
الي بينكم مو حاجز الي بينكم عدم تفرغ ومقاقه
اشغلي وقتتج مع اهلج ابرك لج