تاريخ العرس والدوره

[rose-blanche]

بنات ساعدوني بليز متوهقه اختكم
حطيت موعد لعرسي على شهر 8 واشتغلنا على هالموعد يعني صالون وصاله بس نسيت شيء :eh_s(14): خايفه يكون الموعد يصادف ايام الدوره وانا الدوره عندي مو مضبوطه كل مره تجي بتاريخ شنو تنصحوني :eh_s(16):

 

[أمورته]

حبيبتي انتي مالج الا دعاء الله يوفقج انا ماعندي خبره صراحه
بس حبيت اقولج الف مبروك وربي يتمم لي ويتمم لج ع خير

 

[شوارفسكيه :$]

هلا حبيبتي الف مبروك والله يتمم عليج اولا واذا خايفه من الدورة نضميها قبل عرسج بشهر اكلي لحبوب وفكيها قبل عرسج بسبوعينن ووراح تنزل بس لاتحتين سهالات الحيين صار كل شي عادي الحبوب مالت رفع الدورة اللي ياكلونها لما اتروحون العمرة تشترينها من الصيدليه وان شتء الله اكون فدتج

 

[rose-blanche]

امورته الله يبارك فيج غلاتي ومشكووووره قلبي والله يتمم عليج ويهنيج يارب

 

[rose-blanche]

شوارفسكية مشكوره حياتي الله يبارك فيج حبيبتي بس بسالج ماتعرفين اسم حبوب ترفع الدوره بس يكونون فعالين وما منهم خطر انا اخاف من هالسوالف بس عجبتني حييييل فكرة الحبوب ومشكووووووورة قلبي على المساعده والله يبارك فيكم يا احلى بنوتات

 

[قآنون كيفكـ!!]

حبيبتي ليش مو رايحة طبيبة من زمان تنظم دورتج مو زين جذي تلعب بهرموناتج
روحي من الحين شيكي ع نفسج
ولاتاخذين اي حبوب يمكن ماتناسبج وتسبب لج مضاعفات
والله يوفقج

 

[مذهلة2013]

صدقيني عاده العرايس تنزل عليهم الدوره مع يوم العرس مع التفكير


موفقه

 

[بنت الكويت90]

اول شي الف مبروك والله يتمملج ع خيرر



ثاني شي هذا شي طبيعي شتبينا نسوي واذا نزلت علييج عااادي بس لاتاكلين حبوووب عشان ماتاثررر علييج حراام مووزييين


وانتي بتكونين عروس وان شاءالله بتحملييين مستقبلاا

 

[سحرني منطوقك]

انا اجوف الموضوع عادي وحتى لو نزلت عليج الدوره شبتسوين ؟
كل شي يتاجل ... وانا سمعت ان الحبوب مب زينه يعني لما تيج عقب بتنزل دبل
ونص ربعي كانت الدوره مب في موعدها ونزلت من التوتر عليهم نصيحه لاتخاطين خلج جي احسن
والله يوفقج

 

[Jolyan]

حبيبتي مبروك و الله يتمم لج على خير ❤
نص بنات تجيهم الدوره في وقت عرسهم من توتر مثل ما قالو البنات
و في بنات عادي عندهم ما انصح بالحبوب

 

[M!ss CoLoRz]

وي كللش عادي

انا دورتي كانت مضبوطة تمام التمام ورتبت عرسي على اساس عقب ما ارجع من شهر العسل بأسبوع اتيي

عقب العرس بأربعة ايام فاجأتني ويات

بعد شسوي واشله آخذ حبوب ألعب في عمري عشان شي طبيعي لازم يصير والزواج مو بس اول شهر وراج عمر take it easy

 

[دلوعة ماماتي 88]

الف مبرووووگ والله يتمم لچ ع خير ان شاءالله



اهم شي روووحي لدكتوره عشان تنظمين دورتچ

اما بالنسبه ان وقتها مع العرس فـ عااادي انا الحين الدوره متاخره ٣ ايام وعرسي بعد ٦ ايام ان شاءالله ماشوف انها ازمه



وبالتوفيق ان شاءالله حبيبتي

 

[الشيخه3]

حبيبتي ليش مو رايحة طبيبة من زمان تنظم دورتج مو زين جذي تلعب بهرموناتج
روحي من الحين شيكي ع نفسج
ولاتاخذين اي حبوب يمكن ماتناسبج وتسبب لج مضاعفات
والله يوفقج

أنا معها 100% لاتلعبين بهرموناتك وتاخذين حبوب والله العظيم راح تزيد عندك الحبوب والدمامل ويرتفع عندك الهرمون الذكري والاستروجين وارتفاعهم راح يسببون تكيسات على المبيض ويزيد الشعر بالجسم
حرام
حرام
حرام
وكيفك عقلك براسك تعرفين خلاصك.

 

[rose-blanche]

قانون كيفك ومذهلة وبنت الكويت وسحرني وجوليان ومس كولور ودلوعة ماماتي والشيخه بنات الله يبارك فيكم ويهنيكم مشكووووورييييين واااااايد ويعطيكم الف عافيه ومايحرمني منكم والله عاد انا من الله عندي تكيسات على المبايض خوفتوني مااااااااااابي حبوب على قولتكم شنو المشكله رح اخليها على الله فديييييتكم كلللللللكم وفديت نصايحكم احببببكممممم

 

[قآنون كيفكـ!!]

روحي طبيبة وماقدامج الا العافية
وتبشربنا بزواجج يارب