تاخرت الدوره اسبوع ويوم طمنوني

[حمووشه المطيري]

السلام عليكم ورحمه الله و بركاته ،،،



بنات باختصر لكم انا قبل ثلاث شهر سويت تحاليل وتبين انه عندي ارتفاع بهرمون الحليب المهم وكليت علاج اللي اهو دوستنكس باسبوع حبه وحده استمريت عليهم وحمدلله الدوره انتظمت معاي تجي بدايه الشهر المهم والشهر هذا قبل الدوره موعدها خذيت الحبه قلت خلاص باجر تجي المهم حسيت بالمها خفيف وتخيلو نزلت افرازات مني بنيه فاتحه ونقطه دم ومن باجر اختفت والله بنات وقتها اسبوع تعبانه سخونه ونشله ونوووووووووووووووووم وكحه اسبوع وبعدها صرت زينه المهم الحين تاخرت 8ايام ومابي احلل الا لما يصير 10 ايام بنات منو صار فيها نفسي تتوقعون حمل ؟؟

 

[ام أسد]

انا تاخرت علي يوم ورحت حللت وطلع حامل روحي حللي تحليل دم والله يعطيج على قد نيتج ان شاءالله

 

[انتيكا]

اعراضج اعراض حمل خاصه النشله روحي حللي هرموني بالهادي تحليلهم مضبوط

ان شاء الله تكونين حامل يارب

 

[حمووشه المطيري]

الحين مااحس بشي لا اعراض دوره ولا اعراض حمل ولا افرازات ام زوجي تقول عادي مو لازم تحسين باعراض الحمل

 

[مذهلة2013]

اعراض الحمل مو نفس الشي
وكل حمل عن حمل يختلف
روحي حللي وتاكدي تحليل عادي مو هرموني

 

[فيلسوفة قلبي]

أنا حللت بنفس يوم الدورة والحمدلله طلعت حآمل ..

حللي ألحين يبين ..

الله يرزقج يآآرب بالذرية الصالحة

 

[حمووشه المطيري]

لا بنتظر يومين واحلل .. �� مابي انصدم وتالي اتضايق دعواتكم

 

[حمووشه المطيري]

لا بنتظر يومين واحلل .. ? مابي انصدم وتالي اتضايق دعواتكم

 

[ميريام فارسQ8]

لا تخترعين ترى هالاعراض اعراض حمل وطبيعيه روحي حللي وان شا الله تطلعين حامل.

 

[حبيبة عز]

انا بعد اقول حامل ان شاءالله

الله يبشرج بحمل هالمره ويرزقج

 

[ملح الكون]

الله يرزقج بالحمل التام والمعافى .. انا تاخرت اسبوع وكنت حاطه في بالي هرمونات متلخبطه وموحاسه بشي لا اعراض دوره ولاشي لا لوعه ودوخه ورحت احلل صدفه قبل الليزر وطلعت حامل وانا مادري (؛
قبل في حملي ف بنتي اعراض الدوره وماتنزل والدوره تاخرت طلعت حامل يعني مو شرط كل مره تحسين ..

 

[ms_5ajoola]

حبيبتي انشاءالله تكونين حامل بس لازم تسوين تحليل دم هرموني عشان تتأكدين

 

[حمووشه المطيري]

حبايبي انتوا فديتكم طمنتوني .. تدرون المشكله اخاف احلل وما تطلع النتيجه لان صج مابي اقول لنفسي انا حامل وفجاه تشرف الدوره واتضايق حاطه ببالي اني مو حامل بس هالاعراض اللي جتني الافرازات وبعدها وقفت هي اللي خلتني افكر زياده وسالتكم



ياااااارب اطلع حامل وتفرحني بعد انتظار اصعب سنه مرت بحياتي وترزق كل محروووومه وتنتظر الفرج من الله اميييييين

 

[حمووشه المطيري]

حبايبي انتوا فديتكم طمنتوني .. تدرون المشكله اخاف احلل وما تطلع النتيجه لان صج مابي اقول لنفسي انا حامل وفجاه تشرف الدوره واتضايق حاطه ببالي اني مو حامل بس هالاعراض اللي جتني الافرازات وبعدها وقفت هي اللي خلتني افكر زياده وسالتكم



ياااااارب اطلع حامل وتفرحني بعد انتظار اصعب سنه مرت بحياتي وترزق كل محروووومه وتنتظر الفرج من الله اميييييين

 

[^ lamooosh ^]

اختي دام امورج زينه وتنظمت الدورهان شاء الله يارب حامل
والله يبشرج يارب
وتكونين حامل وتفرحين

 

[زين ودلال]

الله يكتبلج اللي فيه الخير

 

[Emy.q8]

حبيبتي حللي انا مثلج احس باعراض الدوره نطرت 20 يوم وحللت وطلعت حامل توكلي على الله وحللي وان شاء الله حااامل
بشرينا يالغلا

 

[Om_HoBi]

دام متأخره حللي عادي مو الا 10 ايام
انا بينت عندي اعراض شكيت فيها من عقب الجماع اب 4 ايام
فيوم دورتي حللت و طلعت حامل باسبوعين

حللي عادي مافرقت هاليومين دامها متأخره و ان ماطلعتي حامل و تأخرت زود هم ردي حللي ماعليه ولا انج تعيشين بهالشك

 

[حمووشه المطيري]

امي تقول اخاف رجع ارتفاع هرمون الحليب قلت لها مستحيل لاني اكل علاج والحبوب اللي اعرف انهم ينزلون الدوره وينظمونها وسالتني شنو تحسين فيه لان تعرفون امهاتناجربوا اكثر من مره ويعرفون شنو اللي نحس فيه مابي اطول عليكم بنات معقوله ارتفع الهرمون

 

[HoD'HoD]

اقولج شغلة لا تقولين امي خبرة وتعرف سبحان الله امج غير وانتي غير

اشياء واااايد صارت فيني امي تقولي انا ماكنت جذي

لا تعتمدين على الاحساس واحسن شي روحي حللي لا تنطرين وتلعبين بنفسيتج

انا بنفس يوم الدورة اذا مانزلت احلل ثاني يوم واريح بالي

وعلى الاعراض اللي قلتيها حامل بإذن الله