- إنضم
- 24 مارس 2009
- المشاركات
- 1,156
- مستوى التفاعل
- 0
- النقاط
- 0
مرحبا بنات
بدش بالموضوع على طول
انا كنت كاتبه موضوع عن وحده اعرفها كانت محتاره بين اثنين و هذا الرباط للي ما قرا الموضع :
http://www.q8yat.net/showthread.php?t=546423
و بهالموضوع بتكلم عن التطورات اللي صارت بالشهور اللي طافت اتركم مع الاحداث ....
طبعا اللي صار انها ردت حمد و قالتله بليز اطلع من حياتي انا بصير على ذمة ريال
حاولت توصل له الرساله بطريقه حلوه بس للاسف ماكو
تقول ادري انه عصبي مع الكل من سوالفه و من سوالف الناس عنه بس عمره ما عصب وياي كان دايما مرتاح و
عمره ما زعلني تقول اصلا من كثر ما هو زين كنت احس انه يجاملني
بس عقب ما قتله اني كنت احب شخص و الحين هو متقدم لي بليز اطلع من حياتي
لاول مره يعصب علي جذي قالي بكل نفسيه اذا انتي تشوفين سعادتج مع هالانسان توكلي على الله انا وايد حاولت اغير
رايج و انصحج ان هو ما يصلح لج و ما يستاهلج بس انتي مصممه و انا ما اقدر اجبرج على شي
تقول و هو يقولي هلكلام و انا قلبي يتقطع تقول حسيت بشعور غريب لما استوعب ان هذا ممكن يكون اخر اتصال بينا
تقولي انسان عمري ما توقعت راح اتعرف عليه و لا ادري من وين طلعلي
ريال و نعم الريايل تقول انا صج ما عرفت قبله الا عزيز و لمده بسيطه و عقبها ما احتكيت مع شباب
بس حمد كان غير تقولي انسان راقي محترم!! باختصار ريال!!
المهم تقول سكرت السماعه و قعدت اصيييييييييح حسيت بضيقه مو طبيعيه
مثل ما ذكرت كانت ام عزيز متصله تخطب
وافقت فرح و خلال اسبوعين تمت خطبه سريه بين الاهل و حددوا موعد الخطبه الرسميه عقب شهر لان ابوها كان بيسافر
سفره ضروريه
و طبعا بعلم امها و اهلها كانت تكلمه بهالفتره
تقول اول مكالمه بينا كانت غريبه!!!!!
تقول 6 سنين و انا اذكر اسلوبه و كلامه و احس بشعور غريب ...
صج اكتشفت حزتها انه لعوب و شيطان بس تقول كان اسلوبه وقتها فيه شي يجذبني ...
بس الغريبه ان هالشعور و الانجذاب ما حسيته نفسه و انا اكلمه الحين!!
تقول حسيت بخوف على شوي توتر لا اكثر و لا اقل ...
مر كم يوم و هي تكلمه تنطلر يرجع الشعور اللي عاشته معاه قبل 6 سنين تقول ما جاني ابد!!
مع ان الصوت نفسه و الاسلوب نفسه بس لا الجو و لا الشعور نفسه!!
تقول و اللي كان ينرفزني ان كنت احاتي حمد قبل لا انام و افكر فيه و لا كنت افكر بعزيز ... و كنت اقنع نفسي لاني للحين
ما تعودت و توني باول الايام
تقول لدرجه اني كنت اقوم من النوم على طول اقوم اجي بتصل على حمد اسلم عليه و هو بالمكتب الصبح و اتذكر اني
ماقدر و يضيق خلقي...
تقول كنت اقدس سوالفنا انا و حمد فترة الصبح لما نكون بالدوام...
تقول لما كنت اعرفه بالفيس بوك كنت استمتع اخر اسمتاع من سوالفه...
كانت تبهرني ثقافته و اسلوبه الحلو... تقول احنا متعودين على اسلوب الشباب ان يكون مغازلجي و لسانه حلو ...الخ ...
تقول هذا ما كان جذي بالمره تقول كان اسلوب مريح و محترم جدا ...
تقول لما تطورت علاقتنا بالتلفون اعجبت بالشخصيته اكثر بس انا كنت راسمه بيني و بينه حاجز انه مجرد صديق و ان
قلبي للحين معلق بعزيز بالرغم ان الاتصال بينا انقطع....
لما سألتها شلون تقولين صديق و هو ريال ؟؟؟ و احنا بمجتع صعب تتم العلاقه بين الجنسين مجرد صداقه!!
تقول كنا نسولف عن اخر الاخبار و كان يسولفليعن مواضيع تشدني ..ساعات عن الشغل و ساعات عن السفر عن الاهل
المطاعم تقول كل شي يطري على بالج حتى السياسه كانت تصير بينا نقاشات
و ما كنا نسولف عن المواضيع اللي فيها قلة ادب و مصخره و كنت استانس بكل لحظه
بس انا كنت حاطه حواجز يعني ما كنت اكلمه بكل حزه و بالويك اند قليل ما يكون بينا اتصال ...
و هي تسولفلي كسرت خاطري كانت فجأة تسرح و تقولي عنه تفاصيل ما لها علاقه باللي كنت اسألها عنه بنص السوالف
تقولي : تصدقين كان دمه خفيف بس ما كان اهبل!! تقول عفوي بس ثقيل !! و تبتسم و تكمل
المهم تقول تميت اول كم يوم احاول اتأقلم على الوضع ان حمد كانت علاقه ما ادري شنو اقدر اسميها بس هو راح يتم
انسان عزيز على قلبي و عزيز هو الشخص اللي انا اخترته من بين كل هالناس ...
تقول كنت اتصل على عزيز و انا بالدوام عشان ما احس بالفراغ اللي حاسته ...
تتصل عليه يرد و هو منفس و يعطيها نفس الاسلوب ( هلا بو فلان انا مشغول اكلمك بعدين) تقول كنت اتضايق لان هو
بنفسه كان يسولفلي انه مل من وظيفته الحكوميه لان ماكو شغل طول اليوم شاي و قهوه و سوالف مع الموظفين!!
تقول لما حسيت ان جدوله عفيسه ما قمت اتصل عليه قمت اكتفي اني ادز مسج و كان يرد علي على طول و بسرعه لان
موبايله 24 ساعه يمه ...
و بس نسولف بالليل لما يرجع من الديوانيه ...
تقول ساعات كان يتأخر حيل حتى ايام الدوام و يصير فيني النوم و وراي قعده ادز له مسج (بنام تصبح على خير)
تقول يرد علي بكل برود (اوكي حبيبتي)
تقول كان ودي لو احس انه ولهان او يقولي (نطريني انا شوي و اتصل) او على الاقل يحاول يطلع من الديوانيه يكلمني
لو 5 دقايق بس ما كان يصير ...
تقول الغريبه اني ما كنت متعوده اكلم حمد بالليل ابد تقول اغلب مكالماتنا تكون وقت الدوام و هالشي هي اللي كانت
تفرضه عليه بسبة الحواجز اللي كانت حاطتها بينهم و مع كل هذا تقول من يصير الليل احس اني ودي اخذ التلفون و بس
اتصل اسلم بس كنت امسك نفسي و اتعوذ من ابليس و انام
مروا اسبوعين كاملين تقول مجموع المكالمات بيني و بين عزيز ما تعدى ال20 و عندي الموبايل اوريج و اطول مكالمه
كانت مدتها 37 دقيقه بس!!
تقول معني اعرف ان المخطوبين يسلفون بالساعات بس انا ما كنت اشوف هالشي و حطيت العذر ان يمكن مشغول او ما
يبي يكثر اتصلات لما تصير خطبتنا رسميه
تقول حطيت اعذار قد شعر راسي ابرر فيها ليش علاقتي فيه جامده و ممله بعكس ما كنت متخيلتها بتصير طول هال6
سنين من هدينا بعض
تقولي كان لما يسولف لازم باسلوب غزل و اسلوب العياره المعتاد... و ما عنده كلمه الا "ما اشتقتيلي؟"و انا ارد عليه
بمجامله "امبلى"
تقول مره من المرات عقب يمكن 3 اسابيع دق علي الفير و انا نايمه ... تقول بكل برود قالي "حبيبتي انا بالمطار رايح
مصر ويا الشباب اول ما اوصل ادق لج من خطي المصري" تقول انا طقتني البوه يعني يسافر و لا يقول الا لما وصل
المطار!! و طول اليوم ما رفع حتى السماعه يسأل شلونج؟؟ تقولي ما تتخيلين شكثر نرفزني!!! رديت عليه بكل برود "تروح
و ترد بالسلامه" و سكرت السماعه و قعدت اصييييييييييييييح !!! تقول ليش كنت ابجي مادري!! يمكن ولهانه؟؟ يمكن
متنرفزه؟؟ يمكن منقهره؟؟ ما يندرى
المهم الحبيب طول ما هو بمصر معطيها بو لبااااااااااااااااس ما يتصل كلش كلش وما يتفرغ يدز مسجات الا الفير لما اكون
نايمه و اقوم الصبح ارد عليه ما يرجع يرد علي الا العصر!! تقول مره وصلت حدي جان ادز له مسج "زعلانه عليك"...
عقب نص ساعه جان يتصل و لا يمه لويه و ازعاج و صيحه و يكلمها و هو يصرخ على ربعه و يضحك ... المكالمه
فرح: الو
عزيز: هلا حبي
فرح: اهلين
عزيز: شدعوه يبه بيعينا بالسوق
فرح: لا والله!!
عزيز: حبيبتي انا طالع ويا الربع بس ارجع الفندق اكلمج امواااااااااه
تقول لا شعوريا رقعت التلفون بوجهه و قعدت ابجي من القهر و االلي قهرني زود انه ما فطن اني سكرته بويهه!!
تقول و اقعد ابجي بجي من القهر!!
مر اسبوع كامل و حظرته لا رجع دق و لا شي بس للامانه ما قصر كان يدز لها مسج كل يوم
اول يوم رجع فيه الكويت كلمها بالليل مع انه كان راجع قبلها بساعات ... و يكلمها ببرود كأنه اخر مكالمه كانت قبل 5
دقايق ... تقول و انا بدون شي واصله حدي منه و من الصدمه ان اللي كنت مغرمه فيه طلع انسان سخيف و تافه و ريال
بالشكل بس ... تقول طلع مراهق بس بالثلاثينات !! قتله بكل برود عزيز انا ابي افل خلاص!! تقول اشتط شوي ليش و ما
ليش و قعد يتعذر ان كان مشغول و من هالكلام ... تقول مكالمه طويييله و كان النقاش معاه عقيم لاني من داخل فيني صدمه
و بنفس الوقت ما قمت اطيق اسمع كلمه منه!!
تقول سكرته منه و الغريبه اني ما بجيت بالعكس حسيت نمت مرتاحه كأن هم كان على قلبي و انزاح
و اللي صار ان الاهل حاولوا يرجعونهم بس ما قدروا عزيز كان يقول لامه انا شاريها و ما سويت لها شي بس هي عصبيه
و مو بالعتني و وايد جد و فرح كانت تقول لامها اني ما شفت منه الا كل خير مابي اظلمه بس ما راتحت له ابد
و المسكينه تمت مده مكتأبه تقول انصدمت من وايد اشياء...
تقول اكتشفت اني لما عرفت عزيز فترة الجامعه كنت صغيره و اللي شدني كلامه الحلو و شكله و اسلوبه و خصوصا انها
اول علاقه بحياتي ... و اني انهيتها بسرعه لاني اكتشفت انه خاين و يلعب ... و طول هالسنين و انا خاشه هالذكريات
بمخي و حاطه اوهام اني احبه لاني ما قدرت انساه طول هالسنين ... و الصج اني ما عرفت غيره فماعندي شي افكر فيه
يملي فراغي العاطفي الاعزيز
تقول حتى لما عرفت حمد من البدايه كنت مقفلتها بويجهه و ما حاولت اعطي العلاقه اللي بينا اي مجال انها تتطور لاني كنت
اخاف اهد فكرة عزيز اللي تمت وياي سنين و اجرب شي يديد و ارجع اتحسف
بس للاسف تقول ما تحسفت على شي كثر اني خسرت حمد
ريال كان من اروع ما يكون تربيه و اخلاق و كان شفاف معاي و صريح و شاريني و عمري ما حسيت بالممل وياه ولا
بالخوف ان ممكن يخون او يضرني
لما قتلها رديتي اتصلتي عليه؟ تقول لأ خفت ... مالي ويه عقب اللي صار !! معني ودي ادق و اسمع صوته لو دقيقه وحده
بس امسك روحي و اقول كافي اني كنت حقيره وياه لما هديته عشان واحد تافه مثل عزيز و هو كان ينصحني و يوقولي انا
ريال و اخبر بالريايل منج بس انا كنت احسبه يغار منه و ما يبيني اروح لغيره
تقول مادري اذا ربي بيرزقني بانسان مثقف و خقو و محترم مثله ... بس ادعي ربي ان يجمعني فيه بأي طريه لو بالحلم
اسفة طولت عليكم بس انا وايد تأثرت من قصتها و المسكينه سولفتلي تفاصيل وايده عن اللي صار بس انا اختصرتها كثر ما
اقدر بدون لا احرمكم من الاحاسيس اللي فيها ..
يمكن بعضكم يقول الموضوع ما المفروض ينحط بهالقسم بس هذا حق كل وحده قرت الموضوع القديم انها تعرف اخر
التطورات اللي صارت بالشهور اللي طافت
و بالختام سامحوني على الاطاله ...
بدش بالموضوع على طول
انا كنت كاتبه موضوع عن وحده اعرفها كانت محتاره بين اثنين و هذا الرباط للي ما قرا الموضع :
http://www.q8yat.net/showthread.php?t=546423
و بهالموضوع بتكلم عن التطورات اللي صارت بالشهور اللي طافت اتركم مع الاحداث ....
طبعا اللي صار انها ردت حمد و قالتله بليز اطلع من حياتي انا بصير على ذمة ريال
حاولت توصل له الرساله بطريقه حلوه بس للاسف ماكو
تقول ادري انه عصبي مع الكل من سوالفه و من سوالف الناس عنه بس عمره ما عصب وياي كان دايما مرتاح و
عمره ما زعلني تقول اصلا من كثر ما هو زين كنت احس انه يجاملني
بس عقب ما قتله اني كنت احب شخص و الحين هو متقدم لي بليز اطلع من حياتي
لاول مره يعصب علي جذي قالي بكل نفسيه اذا انتي تشوفين سعادتج مع هالانسان توكلي على الله انا وايد حاولت اغير
رايج و انصحج ان هو ما يصلح لج و ما يستاهلج بس انتي مصممه و انا ما اقدر اجبرج على شي
تقول و هو يقولي هلكلام و انا قلبي يتقطع تقول حسيت بشعور غريب لما استوعب ان هذا ممكن يكون اخر اتصال بينا
تقولي انسان عمري ما توقعت راح اتعرف عليه و لا ادري من وين طلعلي
ريال و نعم الريايل تقول انا صج ما عرفت قبله الا عزيز و لمده بسيطه و عقبها ما احتكيت مع شباب
بس حمد كان غير تقولي انسان راقي محترم!! باختصار ريال!!
المهم تقول سكرت السماعه و قعدت اصيييييييييح حسيت بضيقه مو طبيعيه
مثل ما ذكرت كانت ام عزيز متصله تخطب
وافقت فرح و خلال اسبوعين تمت خطبه سريه بين الاهل و حددوا موعد الخطبه الرسميه عقب شهر لان ابوها كان بيسافر
سفره ضروريه
و طبعا بعلم امها و اهلها كانت تكلمه بهالفتره
تقول اول مكالمه بينا كانت غريبه!!!!!
تقول 6 سنين و انا اذكر اسلوبه و كلامه و احس بشعور غريب ...
صج اكتشفت حزتها انه لعوب و شيطان بس تقول كان اسلوبه وقتها فيه شي يجذبني ...
بس الغريبه ان هالشعور و الانجذاب ما حسيته نفسه و انا اكلمه الحين!!
تقول حسيت بخوف على شوي توتر لا اكثر و لا اقل ...
مر كم يوم و هي تكلمه تنطلر يرجع الشعور اللي عاشته معاه قبل 6 سنين تقول ما جاني ابد!!
مع ان الصوت نفسه و الاسلوب نفسه بس لا الجو و لا الشعور نفسه!!
تقول و اللي كان ينرفزني ان كنت احاتي حمد قبل لا انام و افكر فيه و لا كنت افكر بعزيز ... و كنت اقنع نفسي لاني للحين
ما تعودت و توني باول الايام
تقول لدرجه اني كنت اقوم من النوم على طول اقوم اجي بتصل على حمد اسلم عليه و هو بالمكتب الصبح و اتذكر اني
ماقدر و يضيق خلقي...
تقول كنت اقدس سوالفنا انا و حمد فترة الصبح لما نكون بالدوام...
تقول لما كنت اعرفه بالفيس بوك كنت استمتع اخر اسمتاع من سوالفه...
كانت تبهرني ثقافته و اسلوبه الحلو... تقول احنا متعودين على اسلوب الشباب ان يكون مغازلجي و لسانه حلو ...الخ ...
تقول هذا ما كان جذي بالمره تقول كان اسلوب مريح و محترم جدا ...
تقول لما تطورت علاقتنا بالتلفون اعجبت بالشخصيته اكثر بس انا كنت راسمه بيني و بينه حاجز انه مجرد صديق و ان
قلبي للحين معلق بعزيز بالرغم ان الاتصال بينا انقطع....
لما سألتها شلون تقولين صديق و هو ريال ؟؟؟ و احنا بمجتع صعب تتم العلاقه بين الجنسين مجرد صداقه!!
تقول كنا نسولف عن اخر الاخبار و كان يسولفليعن مواضيع تشدني ..ساعات عن الشغل و ساعات عن السفر عن الاهل
المطاعم تقول كل شي يطري على بالج حتى السياسه كانت تصير بينا نقاشات
و ما كنا نسولف عن المواضيع اللي فيها قلة ادب و مصخره و كنت استانس بكل لحظه
بس انا كنت حاطه حواجز يعني ما كنت اكلمه بكل حزه و بالويك اند قليل ما يكون بينا اتصال ...
و هي تسولفلي كسرت خاطري كانت فجأة تسرح و تقولي عنه تفاصيل ما لها علاقه باللي كنت اسألها عنه بنص السوالف
تقولي : تصدقين كان دمه خفيف بس ما كان اهبل!! تقول عفوي بس ثقيل !! و تبتسم و تكمل
المهم تقول تميت اول كم يوم احاول اتأقلم على الوضع ان حمد كانت علاقه ما ادري شنو اقدر اسميها بس هو راح يتم
انسان عزيز على قلبي و عزيز هو الشخص اللي انا اخترته من بين كل هالناس ...
تقول كنت اتصل على عزيز و انا بالدوام عشان ما احس بالفراغ اللي حاسته ...
تتصل عليه يرد و هو منفس و يعطيها نفس الاسلوب ( هلا بو فلان انا مشغول اكلمك بعدين) تقول كنت اتضايق لان هو
بنفسه كان يسولفلي انه مل من وظيفته الحكوميه لان ماكو شغل طول اليوم شاي و قهوه و سوالف مع الموظفين!!
تقول لما حسيت ان جدوله عفيسه ما قمت اتصل عليه قمت اكتفي اني ادز مسج و كان يرد علي على طول و بسرعه لان
موبايله 24 ساعه يمه ...
و بس نسولف بالليل لما يرجع من الديوانيه ...
تقول ساعات كان يتأخر حيل حتى ايام الدوام و يصير فيني النوم و وراي قعده ادز له مسج (بنام تصبح على خير)
تقول يرد علي بكل برود (اوكي حبيبتي)
تقول كان ودي لو احس انه ولهان او يقولي (نطريني انا شوي و اتصل) او على الاقل يحاول يطلع من الديوانيه يكلمني
لو 5 دقايق بس ما كان يصير ...
تقول الغريبه اني ما كنت متعوده اكلم حمد بالليل ابد تقول اغلب مكالماتنا تكون وقت الدوام و هالشي هي اللي كانت
تفرضه عليه بسبة الحواجز اللي كانت حاطتها بينهم و مع كل هذا تقول من يصير الليل احس اني ودي اخذ التلفون و بس
اتصل اسلم بس كنت امسك نفسي و اتعوذ من ابليس و انام
مروا اسبوعين كاملين تقول مجموع المكالمات بيني و بين عزيز ما تعدى ال20 و عندي الموبايل اوريج و اطول مكالمه
كانت مدتها 37 دقيقه بس!!
تقول معني اعرف ان المخطوبين يسلفون بالساعات بس انا ما كنت اشوف هالشي و حطيت العذر ان يمكن مشغول او ما
يبي يكثر اتصلات لما تصير خطبتنا رسميه
تقول حطيت اعذار قد شعر راسي ابرر فيها ليش علاقتي فيه جامده و ممله بعكس ما كنت متخيلتها بتصير طول هال6
سنين من هدينا بعض
تقولي كان لما يسولف لازم باسلوب غزل و اسلوب العياره المعتاد... و ما عنده كلمه الا "ما اشتقتيلي؟"و انا ارد عليه
بمجامله "امبلى"
تقول مره من المرات عقب يمكن 3 اسابيع دق علي الفير و انا نايمه ... تقول بكل برود قالي "حبيبتي انا بالمطار رايح
مصر ويا الشباب اول ما اوصل ادق لج من خطي المصري" تقول انا طقتني البوه يعني يسافر و لا يقول الا لما وصل
المطار!! و طول اليوم ما رفع حتى السماعه يسأل شلونج؟؟ تقولي ما تتخيلين شكثر نرفزني!!! رديت عليه بكل برود "تروح
و ترد بالسلامه" و سكرت السماعه و قعدت اصييييييييييييييح !!! تقول ليش كنت ابجي مادري!! يمكن ولهانه؟؟ يمكن
متنرفزه؟؟ يمكن منقهره؟؟ ما يندرى
المهم الحبيب طول ما هو بمصر معطيها بو لبااااااااااااااااس ما يتصل كلش كلش وما يتفرغ يدز مسجات الا الفير لما اكون
نايمه و اقوم الصبح ارد عليه ما يرجع يرد علي الا العصر!! تقول مره وصلت حدي جان ادز له مسج "زعلانه عليك"...
عقب نص ساعه جان يتصل و لا يمه لويه و ازعاج و صيحه و يكلمها و هو يصرخ على ربعه و يضحك ... المكالمه
فرح: الو
عزيز: هلا حبي
فرح: اهلين
عزيز: شدعوه يبه بيعينا بالسوق
فرح: لا والله!!
عزيز: حبيبتي انا طالع ويا الربع بس ارجع الفندق اكلمج امواااااااااه
تقول لا شعوريا رقعت التلفون بوجهه و قعدت ابجي من القهر و االلي قهرني زود انه ما فطن اني سكرته بويهه!!
تقول و اقعد ابجي بجي من القهر!!
مر اسبوع كامل و حظرته لا رجع دق و لا شي بس للامانه ما قصر كان يدز لها مسج كل يوم
اول يوم رجع فيه الكويت كلمها بالليل مع انه كان راجع قبلها بساعات ... و يكلمها ببرود كأنه اخر مكالمه كانت قبل 5
دقايق ... تقول و انا بدون شي واصله حدي منه و من الصدمه ان اللي كنت مغرمه فيه طلع انسان سخيف و تافه و ريال
بالشكل بس ... تقول طلع مراهق بس بالثلاثينات !! قتله بكل برود عزيز انا ابي افل خلاص!! تقول اشتط شوي ليش و ما
ليش و قعد يتعذر ان كان مشغول و من هالكلام ... تقول مكالمه طويييله و كان النقاش معاه عقيم لاني من داخل فيني صدمه
و بنفس الوقت ما قمت اطيق اسمع كلمه منه!!
تقول سكرته منه و الغريبه اني ما بجيت بالعكس حسيت نمت مرتاحه كأن هم كان على قلبي و انزاح
و اللي صار ان الاهل حاولوا يرجعونهم بس ما قدروا عزيز كان يقول لامه انا شاريها و ما سويت لها شي بس هي عصبيه
و مو بالعتني و وايد جد و فرح كانت تقول لامها اني ما شفت منه الا كل خير مابي اظلمه بس ما راتحت له ابد
و المسكينه تمت مده مكتأبه تقول انصدمت من وايد اشياء...
تقول اكتشفت اني لما عرفت عزيز فترة الجامعه كنت صغيره و اللي شدني كلامه الحلو و شكله و اسلوبه و خصوصا انها
اول علاقه بحياتي ... و اني انهيتها بسرعه لاني اكتشفت انه خاين و يلعب ... و طول هالسنين و انا خاشه هالذكريات
بمخي و حاطه اوهام اني احبه لاني ما قدرت انساه طول هالسنين ... و الصج اني ما عرفت غيره فماعندي شي افكر فيه
يملي فراغي العاطفي الاعزيز
تقول حتى لما عرفت حمد من البدايه كنت مقفلتها بويجهه و ما حاولت اعطي العلاقه اللي بينا اي مجال انها تتطور لاني كنت
اخاف اهد فكرة عزيز اللي تمت وياي سنين و اجرب شي يديد و ارجع اتحسف
بس للاسف تقول ما تحسفت على شي كثر اني خسرت حمد
ريال كان من اروع ما يكون تربيه و اخلاق و كان شفاف معاي و صريح و شاريني و عمري ما حسيت بالممل وياه ولا
بالخوف ان ممكن يخون او يضرني
لما قتلها رديتي اتصلتي عليه؟ تقول لأ خفت ... مالي ويه عقب اللي صار !! معني ودي ادق و اسمع صوته لو دقيقه وحده
بس امسك روحي و اقول كافي اني كنت حقيره وياه لما هديته عشان واحد تافه مثل عزيز و هو كان ينصحني و يوقولي انا
ريال و اخبر بالريايل منج بس انا كنت احسبه يغار منه و ما يبيني اروح لغيره
تقول مادري اذا ربي بيرزقني بانسان مثقف و خقو و محترم مثله ... بس ادعي ربي ان يجمعني فيه بأي طريه لو بالحلم
اسفة طولت عليكم بس انا وايد تأثرت من قصتها و المسكينه سولفتلي تفاصيل وايده عن اللي صار بس انا اختصرتها كثر ما
اقدر بدون لا احرمكم من الاحاسيس اللي فيها ..
يمكن بعضكم يقول الموضوع ما المفروض ينحط بهالقسم بس هذا حق كل وحده قرت الموضوع القديم انها تعرف اخر
التطورات اللي صارت بالشهور اللي طافت
و بالختام سامحوني على الاطاله ...
التعديل الأخير:
