تاخذين واحد بعيد عنج أكييييييد فيه شي

[سندس 90]

سلام عليكم



بدش بالموضوع على طول
اول شي انا مو متزوجه وماني مطفوقه عالزواج مايهمني وكل ماشلت الفكره من بالي واقول الله كريم بس اللي عندي عقدوني أنا حاليا ماعندنا احد قريب الكل تزوج او خطب او ملج انزين اقول عاادي يمكن نصيبي يكون عند واحد بعيد عنا اهني تبدأ تطلع العقد امبييييه من صجج اشلون تاخذين واحد بعيد اكيد فيه شي ليش ماخذا من بنات عمه احد قريب له يبي ينط عندكم أكيييد فيه مصيبه وعله
معقدين وعقدوني معاهم

ويقولون شوفي اي وحده ماخذه بعيد مرتاحه مع زوجها والمشكله صح النماذج اللي اشوفها اعوذ بالله متلعوزات بحياااتهم
*واللي ماخذه عن حب حياتي انتي حاله ثانيه لاني مااعترف بحب وخرابيط قبل الزواج

اللي ماخذه واحد بعييييييد عنهم شلون حياتج معاه مرتاحه ولا امتشفتي شغلات فيه وليش ماخذا وحده تقربله وشلون خطبج شافوج اهله بعرس او عزيمه او ناس مدحوج عند اهله
عفيه بنات يمكن بعضكم الموضوع عاادي عندها بس ابيكم ترفعون من همتي بليييز
احبكم فالله 

 

[سندس 90]




وربي صدمه ولا رد شدعوااا شطالبه عالاقل اب

 

[أنسأنة غير]

ااااااااااااااب



الله كريم

 

[ماني من الناس]

عادي عندي الغريب ما فيها شي

مو شرط كل وحده تاخذ ولد عمها <<مافيه بهالبلد الا هالولد

والغريب رجال عادي مافيه شي يعني شنو المشكله بالضبط كل الرجال احس نفس الشي نفس الاطباع نفس الاحتياجات

اللهم بس انه عايلته جديده راح تكون عليج بس اهو الاهم طبعا لانه زوجج وهو لج ونتي له

العايلات بس للزيارات وحركات اللباقه يعني

بس بالنسبه لسالفه الغريب اهم شي تسألون عنه عدل والزين يفرض نفسه

وبالنسبه للي ما اخذ وحده تقرب له

مو شرط تعجبه بنت عمه يمكن ما يحبها مو مرتاح لها شخصيتها مو مثل شخصيته عادي يعني مو واجب عليه والعكس بعد يمكن اهي مو داش ببالها ولد عمها

وبعدين مو كل عيله عندهم هالفرصه لان مثلا يكون اكبر مولود عندهم بنت فماراح تحصل واحد اكبر منها

او يكون فرق العمر وااايد عود فما يصلح الارتباط يعني الحسبه ما تضبط عادي

او عدد البنات بالعيله اكثر من عدد الاولاد خخ يعني شلون بتنحل هذي

 

[نفـــائس]

محد ياخذ الا نصيبه

وعلي قولتهم الاقارب عقارب

بنسبه لي البعيد هو الافضل

 

[روح مغليهاM]

محد ياخذ الا نصيبه

وعلي قولتهم الاقارب عقارب

بنسبه لي البعيد هو الافضل

:rerrerek:معااها

 

[barbie_girl]

انا زوجي مايقرب لي ابدااا والحمدلله امورنا تمام الله يديم

وبعدين ايش نظام العقد ماخذ من اهله الا فيه شي الحمدلله والشكر

ياحبيبتي هاذي مو قاعده ثابته اعرف وحده ماخذه ولد عمها وهذاهي تطلقت منه طلع مريض نفسي وياكل حبوب وعلاجات الله لا يبلانا وبينهم ولد

يعني مو معناته ان الغريب فيه مشكله اجل ماكان احد تزوج لووول

كلن ياخذ نصيبه واهم شي السؤال عنه نشخله شخل حتى لو كان ولد عم مع اننا ضد الاقارب لانهم عقارب والغالب قالب يعني مو كلهم بس اغلبيتهم

ونجاح الزواج والتوفيق من الله مومن زواج قريب او بعيد يعني لاتاخذين تجارب الناس مقياس بهالمسئله

وانا الي ذكرتني لاهل زوجي صديقة ام زوجي المقربه من كانو صغار وهي جارتنا ودايم تشوفني وقاعده معاي وعارفه نفسيتي وطبعي وطبيعة بيئتنا ولبسنا وكل شي يعني ماذكرتني لهم الا على هالاساس انه مافي ذاك الفرق الكبيير بيننا وبينهم وهاذي اهم نقطه عشان تتفادين المشاكل والتغيرات الجذريه والنقد ووماتنصدمين احسن لك تدخلين على ناس قريبين منك بطبعهم وبيئتهم عشان الزوج يكون عارفك وعارفة له من قبل

والله يوفقك ويرزقك بالزوج الصالح

 

[بنوته كيكه]

عادي مو شرط انه فيه شي نصيب وبعدين فيه ناس تزوجو بنات من بعيد مو من جماعتهم
شفوها بعرس وفيه ناس لا مدحو البنت اخلاق ودين وفيه لا شفها عزيمه
شي عادي وطبيعي اختي اريج اخوي متزوج من بعدي بعد مو مثل القبيله غير
شي عادي اهم شي دين واخلاق

 

[ابي اصير ممثلة]

الغريب احين من القريب يقولونح الاقارب عقارب

 

[pusy cat]

مممممممم اهي صح تصير لكن موشرط

 

[ملكه نفسي]

شهالعقد للحين الناس تفكر هذا بعيد وهذا قريب

لايبا تطورنا مدام الولد مصلي مسمي واخلاقه يمدحونها. خلاص

هذا انا بدويه وخذيت واحد مو من جماعتنا ومرتاحه

آمه كانت تعرف أمي وخالاتي وخطبوني لولدهم.*

 

[ام كوثر2007]

والله ما ادري شقولج صراحه ..


بس ما ادري احس اللي ياخذ بنت عمه او بنت خالته يعني راحت هالموضه الحين . خصوصا بزمنا هذا


اللى يقولج انه الغريب فيه عله عشان جذى ياي ياخذج اوياخذ غيرج .. قوليلهم حبيبتي انه في ناس وايد ما يحبون يناسبون بعض


ودايم يحبون ياخذون غريبه ..


انا تزوجت ريلي وكلن في وادي والله لا نعرف اهلهم لا من جريب ولا من بعيد . وهذا انا الحمدلله 11 سنه معاه وداشه 12 والله انه احن علي من اهلي اللى يابوني .

وهذى اختي ماخذه ولد خالتي لا تشوفين حياتها ثمان سنين الحين يعاملها مثل الخدامه . وصابره عشان عيالها .. لا وخالتي اللى اهي اخت امي صارت عسره ما جنه بنت اختها ..


وانا خالتي الغريبه عسى الله يحفظها ويخليها لنا .. والله توقف ضد عيالها عشان حريمهم ... ما جنها امهم ..

تقولين امنا احنا .


ومو معني كلامي انه القرايب مو زينيين وانه الغرب زينين او العكس .. لكن كل شي بيد الله سبحانه ما تدرين انتي وحظج شنو


يمكن النماذج اللى انتي بينهم ما تبشر بالخير بس لا تاخذينها قاعده انه الغريب مو زين انا اشوف العكس صراحه ..


والمثل يقول القرايب عقارب صراحه .

وعسى الله يوفقج ان شاء الله باللى يحطج بعيونه ولا تنضامين معاه يارب .

 

[Jo0ree]

أختي مالللج من كلامه دخليه من ذان وطلعييه من الذان الثانيه..... لا تهتمي طنشي وادعي ربج بالزوج الصالح... ربج اكبر واقدر على كل شيء

شكووو انا متزوجه واحد بعيييييييد والحمدلله كل شيء بخير

 

[مدّهره !]

بصرااحه أناا أشوف هالمسأله تعتمد ع شخصية اللي راح ترتبطين فيه
دينه خلقه سلوووكه وهالأشياء عُمر القراابه ماكانت مقيااس لنجاح الزواج
ياماااا سمعناا بلااااااااااااوي ومصااايب منهم ....~
وبالآخر هذاا نصيب من الله والله يوووفقج بالرجل الصالح اللي يخااف ربه فيج ,,,

 

[Mjnont '3lay]

لوووووووووووووووووووووووووول ضحكني توقيع ملكة نفسي لووووووووووول احلى شي اركب ناقه واتمشى

ايه سوري طلعت بره الموضوع < تو الناس
المهم انا اقوول ومن وجهة نظري ومن الشي اللي انا شايفته بعيني انه البعيد احسن وافضل من القريب لاكثر من سبب وهذي وجهة نظر الاول انه يمكن تصير مشاكل وراثيه بالعيال يعني سكر و فقر دم .. الخ الخ والثاني انه من تصير مشاكل بين الزوجين العايله كلها تزعل من بعض شكو مادري !! والثالث انه يمكن المره تبي تتطلق بس تعمل حساب لاهلها واهله انه لا يزعلون مادري شدخل !! يعني مادري البعيد احسن من القريب حتى لا صار ما صار بين الزوجين الا اهل الزوج مالهم شغل يعني ما يمسكونها عالبنت على بو انه تصير لهم عرفتي ومادري فيه وايد اسباب وانتي وكيفج

 

[!الجادل الصعب!]

لا تفكيرهم مو طبيعي ..!
يعني شنو تعنسين مثلا عشان تطبقين نظريتهم !!
و مو شرط الي ماخذا او ماخذت قريب مننم فيهم شي
بالعكس اصلا الناس الحين يفضلون البعيد
عشان لاصار شي لا سمح الله العلاقات العائليه ماتخرب !

والحالات ال تشوفينها مو شي عام عالناس كلها .. يعني تبين
كل وحده تقول قصة حياتها عشان تقتنعين
حبيبتي هذا نصييييب
مثلا تقدرين تشوفين اختين ماخذين اخوان
نفس التربيه والبيئه وكل شي .. وحده متهنيه ومرتاح عاالاخر
والثانيه متلعوزه وحايسه حوس بالزواج هذا
وهذا ترا نموذج واقعي مو كلام بس ..



كافي رسولنا الكريم صلى الله عليه وسلم قال بما معناه
اذا جائكم من ترضون دينه وخلقه فزوجوه

 

[سندس 90]

والحالات ال تشوفينها مو شي عام عالناس كلها .. يعني تبين
كل وحده تقول قصة حياتها عشان تقتنعين
بسم الله شنو قلت أنا بعدين لزمت عليج تسردين قصة حياتج كيفج لا تقولين
عموماً بناااات عن جد يعطيكم العاااافيه ريحتو قلبي الله يريح قلوبكم مشكورييين

 

[د. فاطمة]

ماحد ياخذ إلا نصيبه
أنا كنت من المعارضين لزواج الأقارب
وأخذت ولد خالتي..!!
والف الحمد لله والشكر
لو اخذت غيره ماكنت يمكن بتونس نص وناستي معاه
شايلني فوق راسه وحاطني بعيونه ويحرتمني

فمو شرط غريب او قريب

بس المهم الأخلاق والطيبة والخوف من الله

 

[dandrma]

عادي يمكن الريال ما يبي من بنات العايلة وخذا غريبه اشفيها

 

[$$king moon$$]

موقاعده يعتمد على تربية