تابع لـ : دشي وشوفي جدولي اليومي .. وشرفيني برايج

[ندوي المطيري]

ت

 

[رومي]

السلام عليكم اختي

انا بعطيك نصيحه لوجه الله

انا ما خليت كريمات ولا غسولات الا ما جربتها وكلها يا تحرقني او تسبب لي حساسيه

لكن بفضل من الله طحت على كريم للوجه مع الغسول الخاص فيه وبعدها مستحيل اغيره ابدا

بشرتي حساسه وجافه وفيها انواع الكلف والتصبغات والهلات السود كل اللي تبين

في احد الايام .. ما كان عندي كريم للوجه وقلت لازم اشتري كريم يصلح لبشرتي

طبعا كنت مسافره برا قطر ورايحه للرياض وانا اتمشى في احد المولات شفت صيدليه قلت بساله

وسالته عندك كريم للبشره الجافه والحساسه

وعطاني هذا الكريم وكان معاه الغسول الخاص فيه

وكان سعره -يمكن -80- ريال

قلت اجرب ليش لا

وكل يوم اغسل وجهي بالغسول واحط الكريم

حسيت بشرتي تغيرت --اللي يضحك اول ما استخدمته فكرت ان الغسول كريم الليل كنت احطه قبل النوم حطيته مره وحده وبعدها

اكتشفت انه غسول وضحكت على نفسي لان الغسول كان مثل الكريم وانا حتى العلبه ماقريت اللي عليها هههه

المهم لي يمكن شهرين

الهلات فتحت كل المشاكل اللي قلتها قبل اختفت

بس بعض البثور اللي تطلع وهذا شي طبيعي


انا استخدمه مع فرشاه سيجما للتنظيف اتمنى عرفتيها صدق تخلي البشره مثل الحرييير ..

هذي صورتها

والحمد لله الحين الكريم والغسول قربت تخلص وناويه اشتري جميع منتجاتهم للوجه والشعر والجسم


انا بقولك ليش هذا موقع الشركه الخاصه بالكريم

كل المعلومات فيه-- هي شركه من استراليا

Skincare Australia | Everyday Skincare | QV Skin Care



ترى الكريم اللي استخدمه فيه نسبه من واقي الشمس


ادري طولت عليك بس صدقيني خلاص انا هذي الماركه ماراح استغني عنها لان كل منتجاتها ماتخرب البشره حتى الغسول اللي

استخدمه مايطلع رغوه تصدقين وحتى كل منتجاتهم مكتوب عليها تصلح للكبار والاطفال


اتمنى افدتك واسفه اذا طولت

بس اذا بشرتك حساسه لا تدورين غير هذي الماركه صدقيني بتدعين لي وخليك من الخلطات اللي تخرب البشره

استخدمي منتج واحد لوجهك - ولجسمك - ولشعرك - لاتكثرين المنتجات لانها بتخرب بشرتك -ترى ما تطلع النتيجه الا اذا استمريتي على منتج واحد الى ان يخلص بكذا تعرفين انه فادك او لا

هذي صوره الكريم اللي استخدمت والغسول

اي سوال انا حاضره

 

[تبيني آرضى عليك]

آآآآآآآآآآآآآآآب

 

[ندوي المطيري]

مشكوره

انزين شدعوه ليش محد علق او رفع الموضوع

 

[صمت العذاري]

حلو ولازم تستمرين
اب اب اب اب اب
اب اب اب اب
اب اب اب
اب اب
اب

 

[قاهره عذالي]

العفووووو حبيبتي


وموفقه ياااااااااااارب

الشعر

انا شعري تعبان شوي هالايام
بس عندج اذا ضعيفه او فيج فقر دم


عوضي بالفيتامينات


لانج مهما حطيتي زيوت وامبولات وتونكات اذا المشكله ضعف دم ماراح تستفيدين


عندج حبوب هير فيت للشعر لما كنت اكلهم احس حتى تخلي الوجه ينور بس ترا تسمن شوي لان من مكوناتها الخميره


او عندج حبوب

سترس تابس

هذي حبوب ملتي فيتامين فيها كل شي من فيتامينات ومعادن تفيد الشعر

وعشان جسمج يستفيد قللي الشاي والقهوه والنسكافيه بحياتج

يعني ان كليتي حبة الفيتامين بعد الاكل نطري 3 ساعات لا تشربين منبهات وقبل الوجبه بساعتين ما تكونين شاربه منبهات

عشان الجسم يستفيد من الحبه


وبالنسبه لتطويل الشعر

عندج زيت الحيه

سواء من دابر املا او اللي بالعطار

بس معروف زيت الحيه يطول الشعر


انا مره قصيت شعري وتحسفت واستعملت زيت بالعطار اسمه الخلطة العجيبه انتاج السعوديه كنت استعمله مرتين بالاسبوع وفعلا طول شعري بس ما نفعني حق التساقط


التساقط حله شيين

حبوب خاصه للشعر + تمشيط الشعر يوميا عشان ما يتشابك ويتساقط + واستخدام كريم للشعر او زيت ما تكون له ريحه مجرد مسحه خفيفه بعد التمشيط عشان يرطبه بدال ما يجف ويتكسر

واذا شعرج دهني او فروة الراس دهنيه ماراح تنفع الزيوت راح تنفع الامبولات بس انا صراحه ما جربتهم

فيه امبولات الصبار من ايفا وفي امبولات اكرينال واجد بنات امدحوهم لي بس ما جربت

وان شاء الله انج تبشرينا بنتايج عنايتج الحلوه

 

[زهرا_*]

حبيبتي بالنسبة للروس السودا اللي بالخشم جيبي جيلاتين اللي من غير طعم ولا لون مع حليب
من كل مكون ملعقه و حطيهم يالمايكرويف لمدة 10 دقايق و لمن تبرد الخلطه حطيهم على الخشم لمدة نص ساعه و شيليه بتشوفين الرووس السودا طلعت و بعدها لازم تسكرين المسام بماي بارد او قطعهة ثلج ملفوفه بشاش علشان ما تاذين البشره