تأيدين .... ولا ما تأيدين ..؟

[~{.. روج احمر]

السلام عليكم بناات

السالفه ومفيهاااا < حسيت اني بغني لووول

مع كثرة اسأله النااس وحنتهم واشاعاتهم بخصوص انه حملتي ماحملتي :eh_s(10):

وداماَ الجواب .. الله كريم عشان نسد بوزهم

بس فيه ناس ماتقدرين تسكتينهم ههههههههه

هم الاهل :eh_s:
بتقولين لهم الله كريم مرة ومرتين ثلاث .. بعدين بيحشرونج بالزاويه و يحققون خخخخخخخخ < امزح

ما يسالون الا من باب الخوف والمحاته والحب ولا ما يسالون لقافه زي غيرهم ههههههههه


السؤال هنا ..

تايدين تقولين سبب تاخر الحمل سوءً تاخر الحمل منج او من زوجج ..للأهل ؟

تايدين اهل زوجج يدرون انه سبب تاخر الحمل من ولدهم ..؟ :bbbiu:



انا عن نفسي قلت حق امي ان السبب من زوجي وتحسفت احسها صارت تحاتي اكثرر .. للحين ياكل علاجه .. وماراح مستشفي ومن هييك شي كلام .. حسيت اني اتوتررر زيادة
وصرت المح لامه الدخان له اثر علي الكل ماحددت بس جنه طاقينها صامت حتي الله يرزقكم ماتقول ولا حتي دعاوي :bbbiu:


يالله اتركم تجااوبون :eh_s:

 

[تل السكر]

والله ياعزيزتي ما ايد ان تقول الوحده حق اي احد سبب التاخير
لان الله يسلمج مع مر السنين والايام الكلام يتناقل بين الناس حتى لو امج ممكن مسكينه من حرت قلبها تقول حق اختها وتنتشر السالفه
وموهذا بيت القصيد المهم ان السالفه لما تتناقل بين الناس سبحانه الله تكبر وتصير لها عيون وخشم وريول وراس لووووول
ولما توصلج سالفه ثانيه وكبيره ومالها داعي ...انزين افرضي السالفه طاحت عند امه ولااخته النسره هههه والله تصير سالفه وبعايرج فيها لما الممات ههههه
والله اقول خلي الاسباب مخفيه بينج وبين زوجج والناس دايمااا بتتحجه حتى لو حملتي (وان شاء الله تحملين )بتقول هاااابعلاج ولاطبيعي انابيب ولاحقن بنت ولاولد ....وانتي ماشيه ماراح تخلصين والله يعين
وسلاكتج قرقت واايد

 

[~{.. روج احمر]

تل السكر

شاكرة لج الردج ..

صح هاذا عيب من عيوب ذا الواحد قال لاهله يمكن تتشر السلفه

وتنزاد ملح وبهارات بعد هههههههههههههههه

اذا هم محل ثقه اوكي

انا امي الحمد الله واثقه انها ماتقول حتي لابوي

 

[chanel N22]

الله يعينا يارب
وان شاء الله نحمل ونفتك
انا كلش ما احب اقول شي لاعند اهلي ولا اهله ونقول الله كريم بس
لان مع الايام السالفه تكبر وتتغير والناس تدري وماله داعي

 

[دو^ري^مي^]

عادي انا اايد ان السبب ينقال عالاقل تفتكين من حنة ها ماحملتي بس لادروا فيه اسباب بتقولين والله اعالج للحين بس هذا اذا كان العيب منج اما اذا كان من ريلج فلا والف لا ماله داعي يتكلمون عن ريلج وتوصله الاخبار ويدري انج مصدرها

 

[(أم نونو)]

رد : تأيدين .... ولا ما تأيدين ..؟

انا الحمدلله مافيني شي لا انا ولا زوجي وسقطت قبل 5 شهور وماني مفتكه من الحنه بس اقول الله كريم ما احب افتح مواضيع بهالخصوص

 

[قلب مغليك]

رد : تأيدين .... ولا ما تأيدين ..؟

ماله داعي احد يعرف

 

[G!RLooNa]

اممم مو متزوجه بس بقول رايي ما ايد لا المره ولا الريال يقولون السبب يتعالجون ما يتعالجون العيب من المره ولا ريلها محد له شغل لو يقعدون سبعين سنه بدون يهال كيفهم ينيازون ويا بعض محد له حق يسأل ليش و ما ليش و شحقه

 

[ضي]

لا طبعا ما اايد

لانه الناس حتي لو عرفت السبب بيظلون يحنوون وجذي هم ما استفدتي شي

فلا يعرفون احسن

وجددد جدددددد الله يعيننا علي حنتهم

 

[الغــــرور]

يسعد صباحكم........ الله يرزقنا ولايحرمنا يارب يارحيم.......


انا عن نفسي مأأيد تقولين لاحد..... لا هله ولاهلك....

انا يمكن وحده من صديقاتي واعتبرها اخت لي... بس

حتى امي قلت لها انا عندي خربطة بالهرمونات..... وهله قلت لهم مافينا شي....
مااعرف ليش مااحب اتكلم عن زوجي او اللي فيه... يمكن ماابي احد يغير نظرته لزوجي...
او في يوم هو يحسس من نظرتهم او شي.....

لدرجة اني حتى معاه احيانا اقول انت مافيك شي والحمدلله... انا بعد هرومناتي مخربطة...
وانا ولله الحمد مافيني الا العافية... يمكن احيانا ومو دايم يرتفع هرمون lh...

كل رجال مايحب اي احد يدري ان فيه شي.... تدرين تعتبر هذي رجولتهم....
واذا اظطريتي تقولين لاهلك... لاتقولين له انك قلتي لا اي احد....

 

[ice-moon]

رد : تأيدين .... ولا ما تأيدين ..؟

ما أيد بالمرة

 

[نكهةالبرتقال]

ما أدري


لأن لي الحين ماكو سبب واضح

 

[بسكاتي اذلهم]

رد : تأيدين .... ولا ما تأيدين ..؟

انا مايد لان ذي اشيا خاصه
والرسول قال اقضو اموركم بالكتمان

 

[~{.. روج احمر]

نورتونيييي حبايبي بارائكم

انا زوجي ما يدري اني قلت لامي

لان الواحد يحتاج يفضفض شوي لان ماقدر اكبت

 

[فيروزي]

انا حملت ونزل الحمدالله له مااخذ وله مااعطى بس مو كثير اللي درو اني حملت اصلا لانه نزل بعد مادريت اني حامل بكم يوم <<<اخلصي
المهم جاتني وحده وسالتي
فلانه ليه ماتتعالجين ؟؟؟!!!!!؟؟؟!!!!
يعني الاخت من نفسها وفرت جميع الاسئله خخخخخخخخخخخخخخ

ياااااااااااااااااااااارب ترزقنا بالذريه الصالحه

 

[الريشة]

المفروض ما تقولين أي معلومة عنج و عن زوجك حق أي أحد حتى أمج
و لا تقولين إنج قاعدة تتعالجين
تصدقين وايد أحسن إنج تكتمين أسرارج
لأن أحياناً تحوشج العين حتى من أقرب الناس لج
و إذا سألوج ها شنو صار رحتي للطبيب؟ قولي إن شاءالله بروح و لا تسألوني وايد ليمن ان شاء الله يتم الحمل و أبشركم بالخبر
و حتى لما ان شاءالله تحملين كتمي عالخبر ليمن تسوين سونار و تتطمنين على البيبي
و يفضل ما ينتشر الخبر بين الناس إلا لما تصيرين بالرابع
الله يرزقج و يرزقنا كلنا الطفل السليم آمين

 

[لومية]

ماأييد مهما كان السبب
لانه احس راح يأثر على نفسية الزوج والزوجه
وانشاءالله يارب الله يرزق كل محروم

 

[ScarletteO'Hara]

ما اييد الوحدة تتكلم
امور شخصية حلو انها اتتم ما بين الزوج و الزوجة
مع ان كان تأخر الحمل من غير اسباب من الله
بس ما كنت اعطي احد لا حق و لا باطل
حتى لما راجعت عند دكتور محد درا غير امي و خواتي
و لما كان احد يسألني كنت اقول الله كريم
بالبداية كانوا يأذوني
بعدين من نفسهم طخوا مردهم لازم يسكتون

 

[نـور الكويت]

عسى الله يرزقج ويرزقنا ويتمم عليناااا ..

 

[مواصله]

رد : تأيدين .... ولا ما تأيدين ..؟

الله يرزقج ويرزقنا واكيد ماأيد الا اذا كانت لانسانه قريبه منج حيل وثقه الانسان احيانا يبي يفضفض والا ينفجر