تأيدين موبايل يكون عندها موبايل ؟

[شـاهـه]

السلام عليكم ورحمة الله وبركاته


تأيدون الخدامه يكون عندها موبايل ؟؟


وليش ؟؟


بالنسبه لي أيد وما أيد :s141:


أيد الانها تفكني من تشري الكروت واتصل على اهلها واتصل عليها كل شوي اطمن على عيالي


وما أيد .. الاني أخاف تتعرف على وافد وتواعده في بيتي وانا اكون بالدوام !!!


مع اني اشووف كل الناس خداماتهم عندهم موبايلات !


وخدامتي تحن وتزن تبي موبايل واهيا صغيره عمرها 18 اخاف تنحرف ! :flower:
وأنتم ؟؟ شرايكم ؟؟​

 

[FANTAST!K]

لا طبعا ما ايد الموبايل

جايه تشتغل ولا جايه حق الهذره والفساد

لا يبا كروت وتدق من تلفون البيت ولو تبي كل يوم كرت ماكو مشكله

 

[تعويذه الحب]

والله حبيبتي اذا عندج تلفون بالبيت ماله داعي موبايل بس اذا ما عندج لازم تاخذين لها واحد

وخليه عندها وقت اللي انتي طالعه وبس تردين اخذيه منها لانها بسن مراهقه ويمكن تنحرف

 

[شـاهـه]

عدل كلامكم

عندي خط بالبيت

نشووف راي البنات

 

[غلاتي غلا]

اف كورس نو
انا ما عندي تلفون بيت بس نقالي ونقال زوجي
وما فكرت نهائيا احطلها نقال
اصلا ودي احط تلفون الجهال اللي تحديين الارقام اللي تدق عليه بس هم خايفه تخورها يمين ولا يسار

 

[روحي زوجي]

رد : تأيدين موبايل يكون عندها موبايل ؟

عادي ما فيها شي خدامتي مراهقة عمرها 20 .. 21 صغيييرة وما انحرفت عادي يا قلبي

 

[أم حمودي**MALL**]

اول خداماتي عندهم تلفونات وبكاميرا بعد
اكتشفت انهم يكلمون ويصورون صور رايحه فيها
الحين اللي عندي تموت تبي نقال بس قلت لها ماااااااااكو انسي
تبين قوليلي اخليج تتصلين على اهلج

 

[~LiBrA~]

رد : تأيدين موبايل يكون عندها موبايل ؟

اكيد لأ

خدامتنا كان عندها ويابت لنا البلاوي حتى ارقام كويتيين موجودين بتلفونها وماخفي كان اعظم

وخدامتج حبيبتي ماحنت على الموبايل الا براسها شي ف ديريبالج منها

والخدم ما يتأمنون

 

[حرم_طيار]

رد : تأيدين موبايل يكون عندها موبايل ؟

انا كلش ما ايد
الا للضرورة
اذا بنتي كانت معزومه ولا طالعه مع صديقاتها اعطي الخدامه الموبيل عشان كل اشوي ادق اطمن عليهم وبس ترجع البيت اخذا منها
غير جذي نووو

 

[summer's day]

رد : تأيدين موبايل يكون عندها موبايل ؟

لا لا تحطينلها موبايل
ديري بالج حبيبتي
خدم أهلي عندهم موبايلات وتخيلي يابوهم بدون ما تدري أمي وسكتنا عنهم وحضرتهم ثنتين متعرفين على جم واحد من جناسيهم ونحشوهم وعقبه تبنا نعطيهم.

 

[جذابه بنت ذيابه]

رد : تأيدين موبايل يكون عندها موبايل ؟

حبيبتي

شوفي اذا رحتي مكان عطيها واذا كنتي بالبيت اخذي منها غير ماكو ,,



تخيلي مرت اخوي خدامتها تبجي تبي تلفون
جابت لها تلفون ..

والحين عندها تلفون ثاني وشنو التلفون الثاني


بلاك بيييييير ي ياحليلها والله حدها واثقه من نفسها هع


وخذو منها

 

[BiiShOoO]

لا ما احطلهم

 

[صآعده تحت}..]

رد : تأيدين موبايل يكون عندها موبايل ؟


لااا والله والف لا

ياحب شغالتنا للهذره ..

مشكلتنا ماعندنا فون بيت بس الاخت 24 معاها انتظار ومكالمات

بس ضروري يكون عندها علشان نتصل نسال عن الصغار لاداومنا

وعشان نناديها تشيل الاغراض حق الجمعيه ووو

بس الى عنده فون بيت احسن شى مايعطيها موبايل

:eh_s(21):

 

[..<< ندى الورد >>..]

رد : رد: تأيدين موبايل يكون عندها موبايل ؟

لا طبعا ما ايد الموبايل

جايه تشتغل ولا جايه حق الهذره والفساد

لا يبا كروت وتدق من تلفون البيت ولو تبي كل يوم كرت ماكو مشكله

وانا معاج تبين تتطمنين على عيالج عندج تلفون البيت
الا في حله ماعندكم تلفون اللبيت
من تطلعين عطيها التلفون واذا رديتي اخذيه منها ....
ولا تنسين تفتشينه عدل

 

[حكاية لليلة]

كلش ما ايد
والصراحة احني الكويتين حسيييل خربنى الخدم مخلينهم بترف مو طبيعي والحين وصل لكل وحده تلفون
والله التلفون خرااااب للخدامة( واقول هالكلام من واقع تجربة مو تفلسف)

 

[أم ملاس]

..موبايل +خدامة =فســــاد أخلاقى وعن تجربة...الا اذا كنتى بالدوام وتبين تتطمنين على اللى بالبيت لاحول ولا قوة الا بالله بس تردين تأخذينة منها وتنبشينة بعدها..معأنهم أذا بغوووه يجيبوووبة لو من تحت الأرض

الله يكافينا شرهم..

 

[ام عفاف الكويت]

التأيد الود ودنا لاااااا
بس قبل ماتجيج موبايلها بايدها

 

[::كيك وعسل::]

مكرر
نفس موضوعي

 

[q8y-moon]

انا مخليه نقال عند خدامتي
بس لاني محتده
والحمدالله ماشفت عليها شي

 

[^kloOot^]

امممممممممممممم

انا قبل كنت اقول لا

بس الحين غصبن على بقول اى


خدامه اعطيها تلفون بيدها وجدامي
احسن ما اطيح عليها عندها تلفون

صح ولا لا


شرط الحين كل وحده ردت على الموضوع رحوا فتشوا خدمكم اذا ماشفتوا عندهم مبايل هذا ويهي عن تجررررررررربه

انت من صجكم

منو الحين ماعنده مبايل

ترى الوسيط ب10 دك يوصل ليه البيت مبايل وخط وعلى اسم الشركه


عااااااااااااادي

لاتقصون على نفسكم

بس مايمنع انج تراقبينها وتهددينها وتعلمينها عن عاداتنا وتقاليدنا وبوووووي فريند ماكو

وخوفيها
وخرعيها

ليش مو توه مصري ذابح فلبينيه بمعرض الكتاب
وغير الاختطاف بالحساوي


يعنى وايد اشياء خل تخترع

واذا مانفع بعد شتسوين موبيدج رجعيها

وقوليلها انا معطتج الثقه وعطيتج المبايل حق اهلج مو حق الكويت



ومو عبالج خلاص ماراح اتييب من وراج

لا تقدر

اى خدامه ثانيه من الاهل
او اهي تقط تكرمون الزباله اى عامل نظافه يعطيها

شي طبيعي
لاتضحكون على نفسكم