تأخر الكلام لدى الأطفال ؟؟؟؟!!

[افراحي]

السلام عليكم بنات..

​

عندي ولد عمره سنتين وسبع شهور يتكلم كلمات بسيطة جدا مثل ماما وينادي خدامته وأخته اكثر شي ويقول اسم أبوه .. بس ..!!!! وغير جذيه فيه طاقه زايده وحركه كله يركض مايحب يمشي .. والله مادري شسوي فيه ..!!! انا قلت راح اوديه حضانه عشان يختلط بالأطفال ويتكلم ولأن انا بشقه بروحي وأخته كبيره بالمدرسة وأساسا ماتحب تكلمه وكله تزفه .. قلت يمكن عشان جذيه تأخر بالكلام .. والله اني خايفه عليه اخاف فيه شي لا سمح الله
عندي بنت اخوي أصغر منه بشهرين بس ماشاء الله تبارك الله تتكلم مثل الكبار اسم الله عليها الله يحفظها يارب والكل يقول ولدج فيه شي ليش مايتكلم مثلها ..!!! ساعدوني بنااااااات فديتكم​

 

[اسبــانيــة]

لاحظيييه اكثر وجابليييه

وانشالله مافيه شي بس اقري عن مرض التوحد شوفي الاعراض تتطابق ولا لا

بس اتوقع مو توحد لان التوحد يكون عادي يسولف وفجاه من عمر السنتين ونص يسكت

بس هم جابليه وانشالله مافي الا الخير

ومرات المصاصه ماتخليه يسولف اذا لي الحين تعطينه مصاصة

 

[أم الليالي]

نطري لعمر الثلاث سنوات اذا ما زادت ثروته اللغويه ودي اخصائي تخاطب واقرئيله قصص وسولفي معاه في كل الاوقات عن كل شي .........

 

[um3bdullah]

قريت ان مركز اللغه والكلام في دماغ البنت ينضج اسرع منه عند الولد

لذلك لا تقارنينه ببنت ... والافضل ماتقارنينه باحد مطلقا

كثري وياه الكلام بلغه الكبار وان شاء الله يتكلم

 

[افراحي]

مشكووووورين حبايبي ماقصرتوا​

 

[PinkLulu]

تكلمينه؟ تحاولين تعلمينه كلمات؟ ولا مخليته يكتسب من البيئة وبس

إذا محد يكلمه...شي طبيعي ما راح يتكلم

إذا قاعد بالبيت بروحه...دخليه حضانة خليه يخالط بالناس ويتعلم الكلام

إنتي حاولي تسولفين معاه...تغنين معاه أغاني اليهال التعليمية

 

[Nokia N95]

بنتي كان عمرها سنتين ... وماتتكلم تقريبا ...
وديتها الحضانه ... حيييييل تغيرت ....

في يهال بعايلتنا اصغر منها ويسولفون اكثر واحسن منها ....

حسيت اني غلطت اني ما دخلتها الحضانه مبجر ...

هي اول حفيدة بين اهلي واهل زوجي ... اتوقع هذا احد الاسباب

 

[ام الحلوااات]

ســــوولــفـــي مـــعـــاه وكــثـــرري لـــه اســئــلــه عـــشـــان يــجــاوبــج
واذا ردد كــلــمــه خــطــأ خــلــيــهــا يــعــيــدهــا لــيـن يـضــبـطــهــا
ونــصــيــحــــه اخــتـــي
شـــربــيــــه قـــهــــووة عــربــيـــه بــكــثـــره تــفــصــح لــســـااانــــه
عـــــن تـــجـــربــــه بــعـــيـــااال اخــــوووي​

 

[امـ خــزامـى]

ياقلبي انت ان شاءالله مافيه الا العافيه

 

[بحور العنا]

ان شاء الله مافيه الا العافيه لاتخافين

حاول تسولفين عليه وخليه يسولف لك انتي اسئليه اي شي خليه ياخذ ويعطي معاك بالكلام خليه يشوف افلام كرتون بكثره وخاصتآ بالعربيه في جهال واجد يحبون يقلدون اللي يشوفونه بالكرتون
وماعليه الا العافيه والله يبلغك فيه وهو معرس ان شاء الله

 

[قاهره عذالي]

روحي مستوصف المنطقه عند طبيب الاطفال الصبح

واشرحي حالة بنتج

راح يعطيج تحويل لمستشفى الصباح ويعطونج موعد

واعرضيها اهناك عليهم

انا اشوف الطبيب اضمن واحسن رايه بهالسالفه

 

[شمحووطة]

السلام عليكم
نصيحة لا تروحين الصباح ما عندهم ما عند جدي
انا ولدي نفس المشكلة والنشاط الزايد يسبب قلة التركيز ولازم ما تنطرين اكثر
انا وديته لدكتورة عبير عوض اخصائية طب تطوري وفعلا شخصت حالته
لازم تودينه حضانه بس تكون على مستوى ونظاميين
وبعد اخصائى تخاطب وان شاءالله راح تلاقين فرق كبير
اهم شي ممنوع الحلويات والسكريات والكاوكاو
وفي شي حيل فاد ولدي وهو مجموعة فيتامينات مع الاوميغا 3
واشياء ثانية بس الاهم اعرضيه على الدكتورة لان في العمر بسرعة يستجيب
الدكتورة في مستشفى السلام
ةالله يشافي عيالنا

 

[توتا حمرا]

دامه يلفظ بعض الكلمات مافيه الا العافية ان شاء الله
بس انتي لااتقارنينه باللي بعمره لأن كل طفل يختلف عن الثاني حتى الأخوان
انتي كلميه دايما سولفي معاه اذا ساكته عنه شلون بقول كلمات جديدة
واتودينه حضانه افضل عالاقل يختلط باليهال ويسمعهم يتكلمون وبنفس الوقت يتأقلم مع ناس يدد وبتتغير شخصيته للأحسن ان شاء الله

 

[M!SS.LOBY]

جابليه وخليه ينطق ويردد بعض الكلمات

وخليه يلعب بالعاب ناطقة ويكرر وراها تخف المشكلة

 

[noha33]

حبيبتي كأنك بتوصفي ابني بالظبط
انا ابني كان نفس الأعراض ووديته مركز واتشخص ان عنده adhd فرط الحركة ونقص الانتباه
بس ابتدي معاه بدري عشان ما يعملش معاه مشاكل في الدراسة بعدين
انا بعالج ابني في مركز الرازي للاستشارات في السالمية شارع بغداد
بياخد علاج سلوكي وتخاطب واتحسن كتير جدا
ولازم كمان تحاولي توديه نادي عشان الحركة الزايدة تقل
لو احتجتي مساعدة راسليني عالخاص
ربنا يحميه ويوفقك

 

[مهمهانه]

ولد اخووي نفس الشي ماشاءالله حركه وزيااااده في نشاااط هو سنتين و6شهور مايتكلم بس ينادي امه وابوه وخدامه وبنتي بس ..

انا عبالي عاادي بس امه قالت انه في شي في حنجرته ... الله يحفظ اعيالنا يارب ..

 

[ملامح بريئة]

ماكانت المشاكل هذي مبينه قبل بس الحين بسبب التطور قمنا ندقق باعيالنا مع ان الحالة تعتبر مرضية اذا صار الطفل مايعرف يعبر او يكون جملة مفيدة

 

[نجمه السيد]

لاتقارنيه بغيره مت الاطفال شوفي اهم شيء ينطق لو كلمات بسيطه ولدي عمره سنتين يهدر ماشاءالله مو مفهوم يقول تول يعني بتول وجيبي وجيبي ها ووووغيره ونميته هاشمية وعلمته يقول زوار زوار وهدا هو لزلق فيه مره وحاول اعلمه اسم النبي والإمام علي وحط له أناشيد وردد معاهم عشان يردد يرطن مو مفهوم بالمقابل بنت اختي اصغر من ولدي وكلاهما زين وقوي

 

[اميره بكلمتي]

قعدي سولفي معاه بلغه الكبار وشربيه قهوه عربيه وإذا منافع معاه اعرضيه على دكتور