تأخر الحمل بسبب عدم معرفه وقت التبويض وخربطه الدورة

[دموع ألماس]

السلام عليكم

بنات انا عندي مشكله صار لي سنه الدورة مو منتظمه
مرات تتأخر شهرين ومرات ماتنزل بوقتها

المشكله ان الدكتوره تقول مانقدر نسوي لج شي الا اذا انتظمت الدوره علشان نعرف وقت التبويض وتعطيني مقويات او تسوي تلقيح او او
المهم صار لي سنه. كل ماتعطيني حبوب تنظم الدوره وتخلص ينزل الدم والشهر الي وراه المفروض تنتظم لكن للاسف ماتنتظم واروح للدكتوره وتعطيني حبوب تنظمها والحين صار لي سنه مو راضيه تنتظم. ولا قادره اعرف وقت التبويض. ومرات بصير معاي شي غريب. يصير معاي نزيف يستمر شهر.
والله تعبت
فكرت استخدم شريط التيويض؟؟ تتوقعين ينفع مع حالتي خاصه الدوره مو منتظمه ومادري اذا دم دوره او نزيف. !!

شنو الحل؟؟؟؟؟ علما بأن لك يسبق لي الحمل
وكبيره باخر الثلاثينات

 

[wardia]

يا قلبي لازم تعرفين شنو سبب عدم انتظام الدوره ? الطبيبه ما سوتلج تحاليل هرمونيه ?

 

[سميره مملوحه]

اخذي تحليل الديجيتال كلير بلو لتبويض ممتاااااااز
يبين متى تبويضج

 

[(lola)]

حبيبتي انا وحده من الناس الي تأخر الحمل معاي والسبب كلام الدكاتره وقت التبويض وكانوا يعطوني اخر أيام للتبويض وكنت اسوي الجماع على حسب كلامهم بس لما شريت الجهاز بينلي بعد الدورة على طول وقت التبويض فسويت مره وحده وعقبها ماصار حمل والحمدلله سويت تلقيح وفعلا اتضح ان الجهاز كان صح وقت تبويضي مباشره بعد وقت الدورة

سبب كلامهم ان تبويضي متأخر رحمي ماكان يعطي اشاره ان في تبويض لاني ناشفه علشان جي تلخبطوا الدكاتره
انصحج بالجهاز واكثري من الدعاء (( ربي هب لي من لدنك ريه طيبه ))

 

[دموع ألماس]

لككل من رد على موضوعي الله ه يجعله في موازين حسناتكم
مشكورين

المشكله اني قالوا لي ان فيني سحر؟؟
كل شيخ اروح له يقول هالكلام!!!
وانا تعبت من الرقية سنه كامله وماصار شي!

باعتمد على االله و جهاز التبويض
والمشكله الثانية زوجي راااافض يحلل لانه كان مطلق وعنده عيال ويقول مافيني شي

 

[سميره مملوحه]

حبيبتي مو كل رقيه تأثر

انا الحمدالله تشافيت من رقيه المهندس ابراهيم حياه

سمعيها وشوفي شتحسين فيه
بس قبل سمعي محاظرته عاليوتوب
(ابراهيم حياه اسباب تأخير الحمل )
راح تنصدمين

هذا معالج عالج حتى شيوخ تخيلي واهوا اصلا مو شيخ
وعلاجه بس بالقرأن هذا اللي خلاني ارتاح له
وسويت مثل ماقال بالمحاظره والحمدالله رب العالمين

موجود بالكويت حتى السعوديه يطلبونه عشان يقرا عليهم
ولا ياخذ فلوس واصلا اهوا ضد الشيوخ اللي يتشرطون ويبون فلوس
اذا انتي بالكويت توكلي على الله وروحي له ماراح تندمين
عالج وايد من اهلنا ومن بينهم اختي
الف حمد وشكر الفضل لله ومن ثم له اهوا