بين نارين !!!!

[فـدوه]

مو كنافة بين ناريين ..... هذي حالة وحدة من صديقاتي بين ناريين و مو لاقية الحل

بين نار أبوها و بين نار الخوف من الله :eh_s(11): هذي ياطويلات العمر وحدة تبي تتزوج واحد يحبها و تحبه حب شريف بغرض الزواج و الستر بس أبوها مو راضي لإختلاف المذاهب مع إنه الريال بيغير مذهبه لنفس مذهب البنت. الصراحة هي بتصك الثلاثين و محد يتقدملها و خايفة على نفسها و ماتب تعصي الله بولا شي حتى بأصغر الأشياء لأنها محافظة على روحها و ماتطلع مع الريال و لاشي.
كلمت أبوها ودخلت واسطات و ماكو فايدة و قالولها تزوجي بالمحكمة أو بره الكويت. تقول مابي أزعل أبوي بنفس الوقت هي تبي الستر. شرايكم شتسوون لو مكانها؟؟؟؟

 

[RoSe PeRFuM]

أسمع كلام ابوي .. لأن خلاص اهية حاولت بكل الطرق

وماكو فايدة فليش اعصي ابوي!
وطاعة الوالدين من البر والتقوى.. فخلاص .. أصبر .. يمكن الله كاتب لي الخير فهالصبرر..
الله يهون عليها ويساعدها .. ادري شي يكسر القلب

 

[جذابه بنت ذيابه]

خل يتقدم لها مره مرتين ثلاث اربع


كثر الدق يفك اللحام



والله يستر عليها ويوفقها يارب

 

[LA TROO7]

تحاول فيه مرة ومرتين والف

وتبين له انها كبيرة والله يهدبه

 

[sweet.fofo]

اهم شي رضا الوالدين خل تحاول مرة ثانية لين مايقتنع واذا موافق ربج بيعوضها بلي احسن وحتى لو تزوجت بدون موافقة اهلها باجر لو صار شي بينهم ماتقدر تشكي لاحد بيقولون هذا الي انتي تبينة بعدين ما في شي اسمة محد راح يتقدملها كل شي نصيب وشفنا بنات بالاربعين وتزوجوا

 

[فـدوه]

ماقصرتوا و الله يسمع منكم ويستر عليها و يوفقها

 

[نور وشموع]

الله يكتب لها الي فية الخير

 

[سمردحه]

اسمع كلام ابوي اهو ادرى بمصلحتها وعشان الله يوفقها
واذا يحبها وشاريها يتقفدم لها اكثر من مره

 

[Un-6be3iya]

خل يغير مذهبه بعدين يرد يتقدم لها حزتها ابوها ماله حق يرفض مو اهو رافض بس عشان هالسبب ؟؟


واي مادري متى الاوادم بيشيلون من راسهم هالتفكير المتخلف

 

[غدووور الكويت]

الله يكتب لها اللي فيه الخير

 

[حجيه هيونه]

خل تتمسك فيه وبموقفها وابوها اخرته راح يطخ

 

[فـدوه]

ابوها الله يسامحه ريال كبير و راسه يابس حيييل...

 

[فـدوه]

خل يغير مذهبه بعدين يرد يتقدم لها حزتها ابوها ماله حق يرفض مو اهو رافض بس عشان هالسبب ؟؟


واي مادري متى الاوادم بيشيلون من راسهم هالتفكير المتخلف

أهو مغير مذهبه بس هم الأبو مو راضي و مايبي يفهم افففففف منه

 

[اميرة-الاحجار]

ابوها مو دايم لها
حرام عليه يحرم بنته من حقها بالدنيا
كل بنت تبي تتزوج وتكون اسره وتعيش حياتها حرام يحرمها من حقها
بس شتسوي ماتقدر تتزوج غصبن عن اهلها وباجر الريال اقشر ويطلقها وين بتروح حزتها؟؟
لازم اهلها يوافقون

 

[الغلا ذباح]

الريال بداله ريال وحتى لو مااتزوج والحب يبقى بالقلب وتتصبر ... بس لاتخسر ابوها على شاان حب او اي انساان !!!
الابوووووووووو مايتعوووووووض لو ان يكون قااسي بس صدقيني قلبه على عيااله حنون ويبي مصلحتهم

والله يصبرها

 

[عيبي طيبتي]

و الله رب ماراح يوفقها و اهلها و والدينها مو راضين
كلشي ولا رضا الوالدين

 

[فـدوه]

و الله رب ماراح يوفقها و اهلها و والدينها مو راضين
كلشي ولا رضا الوالدين

مايخالف بس الله ماقال حرموا بناتكم من حقهم الشرعي خصوصا إنه الريال ماينعاب, و مو زين يخلي البنت قاعدة جذي و ترى الأبوة تضحية!!!

 

[a7la_7b]

الله يحنن قلب ابوها عليها
واذا كان من نصيبها بتاخذه رغم كل الظروف
الله يوفقها ويهدي ابوها

 

[ღ♥ الحورღ♥]

الله يكتب لها اللي فيه الخير

 

[" أضـــــوى "]

خل يتقدم لها لو مليووووووون مره
واذا يبحبها راح يتمشك فيها
والابو مرده يطخ ويرضا
وخل تدعي ربها وتستغفر ..والله ماكو ارحم من رب العالمين
هو الي بيده الفرج
وخل تتفائل وتفرح وتستشعر انها تزوجته وخذته وتحمد ربها كل يوم
هالطريقه تسمى قانون الجذب وبالاسلام مبدا التفاؤل
والله يفرج همها ويسعدها