بينفت ... حبيته من اول نظره

[لـيـالي]

سلام يااميرات

بدخل بالموضوع على طول ابي اسألكم عن ماركه بينفت
هل هي موجوده في كل من
المنشر . الكوت مول؟

لاني متحمسه حيل لهالماركه من كثر مدحكم لها
اتمنى تكون موجوده .... حدي الفحيحيل بما اني من السعوديه

على العموم شنو تنصحوني اشتريه من هالماركه
لاني حاطه عيني على البروفيشنال والبرايمر واضاءتهم هاي بيم
من غير زبده الجسم ...

بانتظاركم اميراتي

 

[A.Alajmi]

و عليكم السلاام
هلااا حبيبتي اتمنى لج اجازه سعيده:eh_s(7):
بما يخص بينفت موجود بالفحيحيل بالكوت محل وجوه انا شفته بمحل وجوه من قبل ان شاءالله تلقينه وبعد موجود بسيفورا الافنيوز و فافافوم
كل شي حلو بهالماركه انا شريت الاضاءه مو طبيعيه بصراحه انصحج فيها اسمها واتساب
و الماسكرا بعد بلاشرات و البروفشنال مادري اذا فيج مسام واضحه اخذيه ما نفع معاج عندهم برايمر ثاني
وفيه ماركه اكيد بتعجبج بما انه عاجبتج بينفت the balm حيييل حلو انصحج فيها
واتمنى اني فدتج

 

[لـيـالي]

هلا وعليكم السلام حبيبتي
حلووو طمنتيني يالغاليه

ايه محتاجه هالمنتج لان حيل مساماتي واضحه

بالنسبه لميك اب ذا بالم ايه لقيته بالبيرق حبيته هذا الثاني بعد

عجبتني بلشراتهم والاضاءه

فديتج ياعسل ومشكور ريحتيني حيييل عسى ربي يريحج

 

[A.Alajmi]

العفو ي حيااتي وتسلمين عل الدعوه
الله يحفظج

 

[كويتيه فرنسيه]

بنفت موجود بالكوت في وجوه

جربي ماسكرتهم رهيبه رهيبه رهيبه

 

[مفعمه بالحيويه]

حتى احنا استفدنا

 

[حنانو 89]

حبيبتي ماركه بينفيت عجيبه خذي كل شيء منهم الا مسكرتهم الجديده طيحتلي رموشي لا تشترينها نصيحه والله

 

[لـيـالي]

هلا بالاخوات =)

الماسكرا راح اضيفها لقائمتي =)
تسلمين ياحياتي ماقصرتي =)

ويلوموني فيكم يابنات الكويت اناقه ولباقه وماتقصرون ابد ♥

 

[لـيـالي]

هلا حنانو

غريبه الكل يمدحح مسكرتهم يمكن على حسب كل بنت :/

 

[انيقه الملامح]

اب اب

 

[ليدي بجد]

وليه ما تاخذين من السعوديه!!!!موجوده عندنا بمحلات وجوه فيسيس. بكل مكااان

 

[لـيـالي]

لاني بالخفجي حبيبتي =)
والكويت.بالتحديد الفحيحيل اقرب لي من الدمام والخبر =)

فديتج منوره =)

 

[حنانو 89]

ليالي والله والله انها طيحتلي رموشي شوفي المسكرة عجيبه وتخلي رموشج كانها تركيب ولين الحين مولاقيه نفس مستواها وخواتي قتلهم يجربونها وحتي اهم طيحت لهم رموشهم بس المسكرة عجيبه وكنت رافضه فكره انها تطيح الرموش وشريت وحده ثانيه لانها عجيبه بس ماكملت الثانيه باليوم تطيح 3 رموش فقطعت المسكرات فتره والحين استخدم لوريال عاديه مو نفس بينفت بس هذي نصيحتي لج اشتري كل شي منهم بس المسكرا لا وعلي راحتج حبي...

 

[ليدي بجد]

اهاااا بالخفجي. فديت الخفجي وأهلها