بيع وشراء سيارة.. ابي رايكم

[زهرات]

سلام عليكم
اشلونكم بنات
بغيت اخذ رايكم

انا عندي bmw 530i ومفكرة ابيعها واخذ انفنتي ex الجيب الصغير عاجبتني مواصفاتها وسياقتها

اشرايكم يسوى ابيع البي ام واشتري الانفنتي؟؟ محتارة شوي

اللي عندها الانفنتي ياريت تقوللي شنو مميزاتها وعيوبها عشان تساعدني باتخاذ القرار

 

[تنايفـ]

انا ماعندي لا انفنتي ولا بي ام بس بقولج تجارب اهلي مع البي ام
كلمن قالي البي ام شكل ومواصفات وهيبة وبس .. لكن خراباتها تقص الظهر وبيعتها قشرة مومرغوبة بالسوق مثل المرسيدس والتيوتا واللكزس
هذا الي سمعته عن البي ام .. والانفنتي للامانه ماشفت وحده اخذته واشتكت منه الاغلبية مرتاحين عليه هذا كلامي من واقع تجارب ناس حوالي .. تقصي اكثر عن الموضوع والله يوفقج ببيعة سيارتج وشراي السيارة اليديدة
​

 

[زهرات]

مشكورة حبيبتي على طرح رايج
وبانتظار اراء اكثر

 

[زهرات]

up up

 

[زهرات]

للرفع

 

[*beathana*]

ماعندي فكرة صراحه بس معروف البي ام خراباتها على قولة الاخت اللي فوق تقص الظهر قص

صلي استخاره

 

[ام حنونة]

للرفع

 

[اميره1980]

انا ما سقت و لا امتلكت بي ام بس يقولون خراباته جايدة
عموما الانفينيتي حلو كافي ان ياباني و يتحمل جو الكويت الحار
بس اذا البي ام حقج يديدة و ما فيها شي حرام تبيعينها
مبروك مقدما

 

[زهرات]

صج على قولتكم البي ام يطيح سعره بسرعة
سيارتي توها صارلها سنتين طاح من سعرها تقريبا 6000
حسافة
بس المشكلة اذا نطرت بعد راح يطيح سعرها اكثر
والسيايير اليديدة بيرتفع سعرها
فراح اخسر اكثر
والانفنتي كمواصفات وايد عاجبتني خصوصا الكاميرات اللي فيها
وحتى من داخل وايد شرحة اكثر من البي ام

 

[مهاوي2009]

حبيبتي انا اخوي باع سيارته عن طريق مكتب وايد شاطر مكتبه مؤيد لبيع وشراء السيارات هو معروف وقديم بالسوق وبسرعه لقالها شرايي


وربحه زين اخوي بالسياره


والمكتب على ما اظن بالسالميه رقم المحل 2571400


بس مو تنسين قوليله من طرف مها اسمه مؤيد ابو علي


الله يوفقج حبوبتي

 

[أم متيح]

البي ام مشكلتها قطع غيارها غاليه ماتسوى حبيبتي
والانفنتي الكل يمدحها
بس سامحيني مومجربه
جان زين البنات يفيدونج