بيت حمولتي

[مهره بدون خيال]

السلام عليكم ورحمة الله وبركاته

انا مستغربه من بيت حمولتي انا من جيتهم عرس وانا معهم ومحسستهم اني بنتهم واختهم

واحترمهم لو سمعت شي يزعل اطنش علشان زوجي وغير التحشر والكلام عني

فوق راس زوجي والكلام اللي وراي

ويجون قدامي انتي غاليه وعزيزه انتي مو مثل باقي حريم عيالنا

وبالمناسبات اكون اول وحده عندهم و اوقف معهم وحريم عيالهم يجون ويجلسون

زي الضيوف

ومع هذا مايحترموني ولا يطقون لي خبر

اسمع كلام بس انتي غير انتي غاليه انتي بنتنا

وحريم عيالهم الاحترام والتقدير لهن

لا ويعزمونهم علئ غداء او عشاء وانا ابد من جيتهم عروس ولي 9 سنوات ماقالوا تفضلي

او بكره غداك عندنا او عشاء

اول كل يوم عندهم اجلس ب 5 ساعات وحريم اعيالهم نص ساعه ويطلعون

ومناسبات مو كلها يحضرونها

انا قررت اصير ثقيله اخفغ زياراتي واذا جيت نص ساعه واطلع وبمناسباتهم ماراح اقوم

معهم زي قبل

 

[granted]

اوله خمس ساعات تقعدين عندهم
لاحبيبتي موجذي خففي عليهم فديتج

 

[فوفو22]

شوفي كل انسان له شخصيه مستقله

ومن الخطأ تقليد اي شخصيه

دايما الاعتدال في كل شي هو الصح

بمعنى

لا تعطي كثيرا حتى لا تندم كثيرا

انا وانتي نعامل الناس بسلوكنا واخلاقنا وتربيتنا

ما ننتظر رده فعل منهم

استمري على شخصيتك ،،،،،، لا تتغيري

عندي صديقات اكلمهم بالمناسبات

وهم. اغلى واعز

من صديقات اشوفهم بشكل اسبوعي

الحب والشوق والغلا والمعزه ما تترجم بعزيمه وروحه وجيه

فوفو

 

[كليـ دلعـ]

مهره بدون خيال

استسمحج يالغاليه

لاشفت ضيم الناس في كل ديره

اسسسجد لربي اللي خلقني

كووووًوووووووووووووووووويتي،،،،


الحقووق محفووظه والبيت هذا انقال بالكويت

 

[اميرة بكلامي]

حبيبتي اهم لانهم شايفينج قايمه بالواجب و زياده
و وايد تروحين لهم

بالعكس شي حلو منج و استمري بهالشي
لكن خفي عليهم يعني روحي لهم وقت المناسبات و وقت يمعتكم و لا تضلين وايد و لا تمشين بسرعه

اهم شبعو منج انتي حاولي تتجدين حياتج <<

اخذي لج فتره غيبي عنهم
و ردي لهم

 

[بيت التوت]

ماشاءالله عليج احب الجنه السعنه والذربه مع اهل زوجها

لاتتغيرين بس خففي روحات لهم

 

[Um Tuki]

وليش تتغيرين
وكلي امورج لوجه الله
اذا كنتي تسوين الشي من طيب خاطرج و مو ناطرة شي منهم
لا تتغيرين
كفاية تقدير ريلج لج

 

[~ بنت الهدى ~]

الوضع طبيعي عادي حبيبتي دام انج قايمه بالواجب و علاقتكم مو رسميه حسب كلامج
و على طول تزورينهم مو لازم يقولون لج حياج تفضلي يعتبرونج وحده منهم

 

[Zinab BH]

حبيبتي كل ماثقلت ريلج عن بيت الحمولة صرتي عزيزة و غالية

 

[مهره بدون خيال]

بنات اذا جلست 5 ساعات مو بكيفي من رجلي كل ماقلت يالله ابي ارجع البيت يقول شوي

شوي لا وينزلني ويروح لمجلس الرجاجيل وانا اكون معطته خبر نص ساعه بس وارجع

بس هو يقول شوي 5 دقائق جاي

لا ويدرون عن كل شي زوجي مايخبي عنهم شي وشو سوينا وين رحنا وشو قلنا احس

حياتي كتاب مفتوح ماعندي خصوصي

وخواته من اعرست وهن معي بكل مكان يتصل عليهم ويقول بنطلع بنسافر يالله امشوا

وهن مابصدقون خبر طيب عندهم اخوان ليه مايركبون ويروحون معهم يقولون مانبي

نضيق علئ حريمهم

انا ابي خصوصيه ابي احترام وتقدير مثل حريم اخوانهم اتحداء بيت حمولتي يقولون

لحريم عيالهم لو شي بسيط

وغير هذا اهتمامي بعيالي وخوفي عليهم مو عاجبهم انا مااخلي عيالي عند الشغاله معي

بكل مكان عندهم بالسوق طلعاتي ينقدوني وقدام زوجي خليهم مع الشغاله انتي خربتيهم

بدلعك وعيال عيالهم الباقين مدلعين اكثر من عيالي بس مايقدرون يقولون خايفين علئ

زعلهم واذا وحده ماتخلي عيالها عند الشغاله قالوا هذه الحرمه السنعه ياناس متناقضين

اخر شي قلت عيالي معي اللي بيرحب فيني وفي عيالي علئ العين والراس واللي راح

يتضايق اجلس في بيتي انا وعيالي لا نزعح احد ولا شي

انا اذا ولدت مايجوني بالمستشفئ مثل حريم عيالهم يروحون لهم مع باقة ورد وسلة

الشوكلاته وانا والله ابد 4 ايام بالمستشفئ مايعبروني

واذا طلعت تلفون بس اذا حريم عيالهم غريبات من عائله ثانيه

انا بعد من عائله ثانيه

ترا انا جالسه افضفض لكم لاني اذا فضفضت للقريب في هذا الزمن راح يمشي ويتكلم

فلانه تتكلم عن اهل رجلها مو صح

 

[M!SS.LOBY]

لا حول ولا قوة الا بالله

 

[M!SS.LOBY]

الله يثبتج بعقلج تصرفاتج وايد حلوه اكيد راح ييي اليوم اللي يميزونج عن الباقي

 

[طيشن على جديه]

حبيبتي انتي شايفه كلام ينقط وحجي ماسخ وغير النغزات ...
ليش تجابيلنهم على طووول خفي شووي مانقول قطعي فيهم ولا غيري معاملتج لاا بسسس خفي ..

ترى الغاليه اللي يتشفقووون عليها ..​

 

[انصاريه قمره]

بسيطه خلج رسميه معاهم مو ضروري تروحين وتقعدين بالساعات عندهم وحتى لو ريلج قالج شوي ومادري ايش قوليله ما عليه حبيبي انا تعبت قطني البيت وارجع اقعد على راحتك

 

[popa]

انتي شكلج ناسيه انج غريبه عنهم لاهم خواتج ولا خالتج امج
هالخبه واللويه والمجابل شماله؟
لازم ماتزورين الا من فتره لي فتره
ولازم كلامج يقل
ولازم مايعرفون خيرج من شرج وتصيرين غامضه
ولازم مايشوفونج الا بابها صوره كاشخه ولابسه
ولاتطيحين الميانه معاهم عشان لايحوشج كلام مايعجبج

 

[مهره بدون خيال]

والله صدقتوا كل ما تغلئ الانسان وابتعد صار عزيز وغالي

 

[أأأميرة الورد]

حبيبتي مالج حل الا تخففين روحاتك عندهم

واذا رحتي لاتطولين حدج بالكثير ٣ ثلاث ساعات

 

[امـ خــزامـى]

الله يسخرررلك حبيبتي