- إنضم
- 29 سبتمبر 2004
- المشاركات
- 16,616
- مستوى التفاعل
- 1
- النقاط
- 38
السلام عليكم شلونكم كويتيات ؟؟؟
&& مبارك عليكم الشهر &&
البيتزا برمضان غير تصير احلى واحلى حبيت اوريكم البيتزات اللي سويتها
من اول يوم رمضان لي اليوم وانا كليوم اسوي ببيتزا
اول يوم رمضان كنت معزومة عند حماتي الكبيرة سويت ميني بيتزا بحشوات متنوعة
بيتزا سبانخ - بيتزا خضار - بيتزا لبنة -بيتزا بديان -بيتزا بطاط
المقادير :
الحشوات :
بطاط وبديان مقصص مكعبات صغيرة ومقلي
زيتون ومشروم وفلفل اخضر مقصص صغار
سبانخ ومشروم طريقته احمس بصل مفروم وبعد ما يشقر احط مكعب ماجي واشويه فلفل اسود وبعدها اضيف المشروم واحمس واضيف السبانخ واحمس عدل واخر شي اضيف عصير ليمون وسماق .
لبنة
زيت وزعتر
صلصة البيتزا وطريقتها: احمس بصل مفروم واضيف ثوم ومكعب ماجي وما يشقر اضيف معجون الطماط وحمسه عدل وعقبها اضيف ماي واخليه على نار هاديه ولما تثقل الصلصة اضيف كاتشب اوريغانو (بهارات البيتزا) .
جبنتي المفضلة
عجينتي المفضلة (عجينة العشر دقايق )
انا اسوي نص المقدار لانه كميتها وايد
راح اعطيكم طريقة النص مقدار تسويلكم صينية متروسة معجنات ميني واذا كبار صينيتين .
المقادير: قفشة كبيرة سكر+قفشة خميرة فورية+1قفشة متوسطة ملح+ كوب ماي دافي (مهم جداً يكون دافي عشان تنجح معاج العجينة )+ 1 كوب طحين ابيض.
نخلط هالمقادير عدل ونغلف الماعون بنايلون ونخليه 10 دقايق وعقبها نضيف كوب ونص طحين وثلث كوب زين ونعجن عدل وانا بعد اخليها ترتاح بعد اشوي وبعدين اشتغل فيها .
ملاحظة : بالطريقة الأصلية ذرة ملح بس انا احط قفشة وسط لانه تصير ماصخة .
الطريقة :
نفرد العجينة ونقطعها بالقطاعه مثل الصورة
نحط قطع العجين بصينية مدهونه ومرشوشه بطحين ونحط من صلصة البيتزا
نحط من حشواتنا شي نحط فيها بديان وشي بطاط وشي مشروم وفلفل اخضر وزيتون
وحشوة السبانخ واللبنة والزعتر بدون صلصة بيتزا
نحط الجبن المبشور
ندخلها الصواني الفرن وطبعا ما ننسى نكون مبطلين الفرن من قبل ويكون حار حيل ...
نبدي نصفها بالطبق ........
وهذا الشكل النهائي ....
يتبع...
&& مبارك عليكم الشهر &&
البيتزا برمضان غير تصير احلى واحلى حبيت اوريكم البيتزات اللي سويتها
من اول يوم رمضان لي اليوم وانا كليوم اسوي ببيتزا
اول يوم رمضان كنت معزومة عند حماتي الكبيرة سويت ميني بيتزا بحشوات متنوعة
بيتزا سبانخ - بيتزا خضار - بيتزا لبنة -بيتزا بديان -بيتزا بطاط
المقادير :
الحشوات :
بطاط وبديان مقصص مكعبات صغيرة ومقلي
زيتون ومشروم وفلفل اخضر مقصص صغار
سبانخ ومشروم طريقته احمس بصل مفروم وبعد ما يشقر احط مكعب ماجي واشويه فلفل اسود وبعدها اضيف المشروم واحمس واضيف السبانخ واحمس عدل واخر شي اضيف عصير ليمون وسماق .
لبنة
زيت وزعتر
صلصة البيتزا وطريقتها: احمس بصل مفروم واضيف ثوم ومكعب ماجي وما يشقر اضيف معجون الطماط وحمسه عدل وعقبها اضيف ماي واخليه على نار هاديه ولما تثقل الصلصة اضيف كاتشب اوريغانو (بهارات البيتزا) .
جبنتي المفضلة
عجينتي المفضلة (عجينة العشر دقايق )
انا اسوي نص المقدار لانه كميتها وايد
راح اعطيكم طريقة النص مقدار تسويلكم صينية متروسة معجنات ميني واذا كبار صينيتين .
المقادير: قفشة كبيرة سكر+قفشة خميرة فورية+1قفشة متوسطة ملح+ كوب ماي دافي (مهم جداً يكون دافي عشان تنجح معاج العجينة )+ 1 كوب طحين ابيض.
نخلط هالمقادير عدل ونغلف الماعون بنايلون ونخليه 10 دقايق وعقبها نضيف كوب ونص طحين وثلث كوب زين ونعجن عدل وانا بعد اخليها ترتاح بعد اشوي وبعدين اشتغل فيها .
ملاحظة : بالطريقة الأصلية ذرة ملح بس انا احط قفشة وسط لانه تصير ماصخة .
الطريقة :
نفرد العجينة ونقطعها بالقطاعه مثل الصورة
نحط قطع العجين بصينية مدهونه ومرشوشه بطحين ونحط من صلصة البيتزا
نحط من حشواتنا شي نحط فيها بديان وشي بطاط وشي مشروم وفلفل اخضر وزيتون
وحشوة السبانخ واللبنة والزعتر بدون صلصة بيتزا
نحط الجبن المبشور
ندخلها الصواني الفرن وطبعا ما ننسى نكون مبطلين الفرن من قبل ويكون حار حيل ...
نبدي نصفها بالطبق ........
وهذا الشكل النهائي ....
يتبع...
