بيبي اسبرين وابر السيوله

[glitter88-88]

السلام عليكم
انا عضوه جديده معاكم
خواتي عندي سؤال شنو فايدة بيبي اسبرين وابر السيوله ولاي الحالات تعطى ؟
وهل صحيح الحبوب المثبته تسوي تخثر بالدم ؟

يعطيكم العافيه​

 

[اشتاق الى الجنة]

هلا عزيزتي انتي شنو فيج بالضبط؟

فيج أجسام مضادة؟؟؟؟؟؟؟؟؟؟؟؟

 

[glitter88-88]

مشكوره على الرد
مادري ماسويت تحاليل دم بس مشكلتي البيبي يتوفى ببطني

 

[اشتاق الى الجنة]

خل يسوون لج تحليل ما اذا فيج أجسام مضادة والا لا

ثانيا: حماتي سقطت 3 مرات عقبها قالتلها الدكتورة بسويلج هالتحليل وطلع فيها اجسام مضادة تسبب تجلط بالدم وتمنعه من وصوله للجنين فيضعف ويموت ووصفتلها حبوب مسيلة وابر كل يوم ابرة من تحلل وتعرف انها حامل الابرة هذي تاخذها كل يوم لي يوم الولادة الله يعينها والحين ماشالله عندها بنتين الله يخليهم لها

وعلى فكرة ما تقدر بعدين تاخذ حبوب مانع كانت بتاخذها تعرفين مو سهلة ان الوحدة كا يوم تغز ابرة بفخذها فقالتلها الدكتورة ديري بالج تاخذيها لان بحالتج راح تسببلج جلطة

حللي وقوليلي وانشالله ما فيج الا العافية

 

[فوفو بالكويت]

حياتي انا اخذتها فترة الحمل هي للسيوله عشان الي معاهم اجسام مضاده وانتي مثل اختي يموت الجنين وهو عدم وصول الغذاء عن طريق الحبل السري او يكون قليل مايوصل فإما اذا ثبت الجنين يكون حجمه صغير واذا ماثبت معناته مايوصل له شي وهذا غالبا من تجلط الحبل السري بين الام والجنين وعشان جذي يعطونج هذي الابر علشان تسهل وصول الغذاء للجنين وهو عن طريق الدم بواسطة الحبل السري وهذي الابر راح تسبب لك علامات بالجسم وبنهاية الحمل اذا ما اكلتي كالسيوم تسبب لك هشاشه بالعظام والله عانيت على ما ولدت بالسلامه ماصدقت اولد وافتكت وبعدها تستمرين بس على مسلايات بالحبوب لحين مايتاكدون ان نسبه دمك صارت سيولتها اوكي وربي يشفيك بس لازم تلتزمي بالاوديه عشان يثبت بعون الله الجنين ويطلع سليم الله يعينك ادري طولت بس حبيت افيدك..

 

[نيبال الايمان]

ضى الايمان


اول شى يا عمرى عسى الله يرزقج بالذريه الصالحه اللى تفرح قلبج وتقر عينج فيها اللهم امين يارب

يا عمرى هذى الادوية يعطونها للى فيهم اجسام مضاده بالدم وهم يعطون معاهم المثبتات سواء حبوب ولا ابر

وتطمنى يا عمرى عمرة ما كانت المثبتات بانواعها تسبب تخثر بالدم والله يرزقج ان شاء الله

وعسى الله يرزقنى ويرزقج ويرزق كل محروم ومحرومه منهم اللهم امين يارب

 

[حبيبة زوجها2009]

انا اذكر الدكتور عطاني بيبي اسبرين عقب ماسحبو البويضات وكنت ابلع ومادري شسالفة