بوفــيه لحفله صغيره

[غرومه عسوله]

السلام عليكم ورحمة الله وبركته

شلــونكم كويتيات شخبااركم

راح ادش بالموضوع على طوول...,,
ابي بوفيه لاربعين شخص ولحفله صغيره ملمومه .. وكل مااتصل على بوفيهات يقولون لي 150 او 140 محد عطاني اقل
وانا بالنسبه لي ماقدر عليه لان وايد عندي اللتزامات بهل حفله يعني يالله حد الحد بيكفي

ادري بتقولون زين اسعارهم بس شسوي هل مره البوك مصفر ووقت الحفله مو خوش وقت صار:eh_s(2):...×××

اتمنى انكم تساعدوني وتشوفولي بوفيه سعره ارخص

انا ادري ماتقصروون بصراحه وبتعلموني على بوفيه ارخص << مهي عارفه تعبر الموضوع لووولي

فديتكم والله

وكون شاكره لكم​

 

[Q8_QT]

شوفي التاجرات اللي ويانا بالمول يمكن تحصلين طلبج عندهم

 

[بسبوسه11]

اخذي من شذرة الكويت والله الاكل حلو وراهي ويسوون ديكورات تفتح النفس وصدقيني مايكلف 100

 

[بسبوسه11]

اذا تبين رقم مسؤل الطلبات عندي او دقي واسئلي عن محمود

 

[يّ ضميرِكّ]

اعرف حريــم يسون بوفيهـات

وشغلهـم تمام التمــام

اذا اربع سخانات وثلاث سلطات وطبق حلو بـ 30 او 35

عـاد انتي طلبي اللي بغيتيه وشوفي جم يطلع عليـج

او تقدريـن تطلبيـن منهم السخانات واطباق الحلو

والسلطـات انتي جيبيهـم من مطعــم بيطلع عليـج ارخص

وهاذي ارقامهـم

ام فهد 66261881

ام فهد ( وحده ثانيه ) 25446862

ام فيصل 97533022


( آي استفسآر عـ الخاص .. لاني مآرد للموضوع )

 

[غرومه عسوله]

تسلمووون حبايبي بتصل وشوف

وعفيه كويتيات اذا تقدرون سوو نفس ضمير حطو اسامي وارقام وانا اتصل وشوف

وبصراحه شاكره لكم فديت قلبكم ماقصرتو

 

[ام قدووور]

شوفي حبيبتي ماراح تحصلين شركات الا بحدود ١٥٠ هاذي اسعارهم

افضل شي تطلبين شغل بيت

بقولج تجربتي مع ام نواره كانت يوم اليمعه الي طاف عندنا حفله بالبيت واول مرا نطلب منها بس كل من يمدح فيها

توكلنا علا الله وطلبنا وبصراحه المرا كانت حبوبه والاكل يا بالوقت المحدد والصدمه لما شفنا الاكل بسخانات توقعنا بقصدير يعني حدا راهي

كنا تقريبا ٢٠ شخص

والاطباق كانت :

٣ انواع سلطه ( شمندر - لسان الغصفور - ناتشوز)

٧ اطباق رئيسيه ( ورق عنب - معكرونيا بشمل - برياني دياي - نودلز - دياي بالكريما - بطاط مع الذره - حمسه دياي مع خضار بالكريما)

وكانت يايبه صمون وخبز

اجمالي السعر تقريبا 60 دينار !

والاكل كان وااااايد لذيذ ونظيف حتا اخواني وابوي حسبالهم مطعم


وهذا موقعها وموجود المنيو دقي وطلبي لا تترددين
http://public.fotki.com/om-nawara/6fbcd/


وللعلم لا اعرفها ولا تعرفني وطلبت منها من كثر ما سمعتها طيبه والناس تمدحها

*

 

[مرايــــــــم]

ابببببببب

 

[جمال الجمال]

روعه مشكوره علي طرح انا مشتركه جديدة من السعودية

 

[حصووونه]

اب خوش موضوع

 

[" ام حمود "]

آب آب

 

[أنفاسي دخون]

جربي ام انور وادعي لي

 

[& ام خالد &]

شوفي انا ماجربت غير أم أنور وعلى مدح البنات بالنت وحضرت مره عند رفيجتي

وعجبني البوفيه وطلبتها ... لكن ما ادري ... أهو وصل بالوقت الي طلبت بس الله

لا يوريج الطبخ كله دهن وبرياني الدجاج كان خبيصه ولا عجبني كلش .. وحلفت ما أطلب

من مره لو شنو ... أطلب من شركه تجهيزات أضمن ولا أنحرج جدام الناس ...

وطلبت مره ثانيه من المملكه ...بصراحه الحريم ينكبونج ...أنتي حره...​

 

[ياربيه]

خوووش موضوع بوقته

عندي عشاا يوم الخميس بس لـ 15 شخص

وماني عارفه من وين اطلب

 

[قطوة@@]

فوووق

 

[beebeebb]

مرحبا ....عندج بوفيه الهولندي رووووعه وفخم بس غالي والموفمبيك هم حلو ولذيذ وديكوراته غريبه
اذا تبين من الحريم صراحه ما أعرفهم كلهم بس اذكر مره بالدوام جربنا من وحده شغلها كان راهي وحلو وأسعارها معقوله ومواعينها ذربه كلها طقم مو نفس بعض الحريم الي ينقص ويهج قدام ضيوفج تحط لج الاكل بقصدير
اذكر طلبنا منها المعكرونة البنيه وكرات البطاط وحمسه باذنجان بدبس الرمان وسلطه جرجير بالرمان وام علي وشغلات وايده نسيت وكلفنا بحدود ال٦٠
وهذا اللي اذكره بس

 

[beebeebb]

اي نسيت هذا رقمها مسجات بس ٦٦٩٨٣٢١٦

 

[Brounzi_girlly]

عندج بوفيهات ام يوسف تسوي سخانات نص بنص وعندها تختلف اسعار السخانات دقي عليها واستفسري وشوفي جم شخص هذا رقمها 66343107 انا مجربتها بمجابيس ولازنيا بالكريمة ودياي سويت ساور باجي الاشياء مادري بس اكلها روعه
مع التحية ..........

 

[الغلاااااااكله]

حبيبتي انا مسويه بوفيه رووعه من اختياري

طلع علي ب 70 دينار من شركة فتوش للتجهيزات الغذائيه

طبعا البوفيه كان بدون مشروبات انا جبتها ..وبدون خدمهـ لانه حق خواتي ..


عباره عن :

المقبلات:
سلطة مايونيز
فتوش
حمص
ورق عنب
/
/

الاطباق الرئيسيه :
بشاميل محاشي مشكله
كشري
كبب وسمبوسه
/
/

الحلويات:

كنافه صينيه كبيرهـ
ام علي .

من اروع مايمكن اذا يناسبج كلميهم
ولا تنسين تدعين لي بالولد الصالح

 

[الجويرية]

امبيه لاتطلبين من حريم ديري بالج والله سويتها مرة فشششششششششششششششله الاكل شويه ويفشل والسبب مدح الناس