بودرة كانيبو

[خرافية الهوى]

مرحبا بنات ..
بصراحة آنا ماستخدم باودر حقي ويهي ماحبه بس اليوم جفت وحدة معانا في الدوام ويهها حلووو طبيعي حددده ومندمج مع بشرتها حتى اناا فكرته فاونديشن .. بس قالت لي انه بودرة كانيبووو ..
سؤال .. ينفع للبشرة المبقعة وسواد تحت العين احطها بدون كونسيلر .. يعني اكتفي بالبودرة ولا لازم كونسيلر لأنه انا حسيت كفرها حلووو ووسط ..
الشي الثاني هل فيه بديل أفضل ؟ وشكررررررن

 

[خرافية الهوى]

بنات محد جربها من قبل ؟ معقولة ؟

 

[منار البربرية]

هلا حبيبتي انا مجربتها وحلوه ويمكن اهي الوحيده اللي خلصتها لوول لانها يوميه عرفتي ماركة كانيبو طبيه يابانيه
انتي روحي دبنهامز وخلي الفلبينيه تحط لج البودره وحكمي
انا مع ان بشرتي جافه بس استخدمها حطيت مرطب و وبعدها بالاسفنج مالها توزعينها تعطي تغطيه بسيطه وحلوه

واذا شفتي سواد تحت العين ماراح اخذي كونسيلر خفيف من ماركه ثانيه

يمدحون كونسيلر ميك اب فور ايفر بس انا ماعندي هالات الحمدالله

فاستخدم اي ماركه عادي

اتمنى فدتج

 

[منار البربرية]

سعرها ١٣ دينار و تشترين علبتها اللي تحطين البودره منهم لووول حتي العلبه يبيعونها بروح علشان كل مره بس لما تخلص بس تاخذين البودره

و البلاشر الواحد مالهم حلو بس غالي شدعوه ١٤ ؟!!

انا اخر مره خدت االبيس والفاونديشن السايل و بودرته

 

[منار البربرية]

اب
اب

 

[خرافية الهوى]

مشكورييين بنات اللي ردوا علي .. انا بعد بشرتي جااافة بس وايد تتأثر في الشمس يعني لما احط لي فاونديشن واطلع في الشمس يقلب لون ويهي حتى بالفاونديشن ..فأبي شي صج يعني يغطي تقلبات بشرتي الهائلة .. ويتحمل الحر والشمس .. إن شاء الله بجربها وبشوف

 

[OM_SANFOR]

شوفي حبيبتي بودرة كانيبو في نوعين
الاول نوع العاديه بس تغطيه سعر العلبه غير عن سعر البودرة

النوع الثاني اسمها سنساي هالنوع احلى من الاولى لأن فيها فيتامينات للبشرة وحمايه من الشمس

انا عن نفسي استخدم النوع الثاني صج انها اعلى بالسعر بس رووووعة شوي عليها

وصج جنها فاونديشن

 

[^^ROSE^^]

مو طبيه بس حلوة انا استخدم سنساي الحين و وايد حلو

 

[krkooora]

كفرها عالي مو وسط و حلوه اشوف وايد يستخدمونها
و في بديل لها بودره كريولان بالنسبه لي احلى منها و اثبت

 

[aloooya]

ماعندي فكرة

 

[غلويه الخالدي]

السلام عليكم انا الصراحه صارلي استخدمها اكثر من 4 سنوات الصج الصج .................................شويه عليها روعه روعه روعه بس اهم شي درجه اللون اللي اتناسب وجهج لان صارت فيني كذا مره ...اقولهم ابي هالرقم مثلا 101تعطين شي ثاني لانهم غيرو الارقام فصارت 101=110اتوقع لان انا نسايييييييه >>> الذاكره منخفضه <<<<<<<< حييييييييييييييل المهم كل شي عنهم روعه انصحج بكونسلير مالهم عجيب وطبعا الكريم والبودر اللي فيهم حمايه افضل بس اللي بدون حمايه هم حلوووين الصراحه ينفع بكل المناسبات انا حمولتي كلهم غيروا كريماتهم والبودر والسبب انا كل مره يسالوني وبعدين راحو غيروااااا والله من غير مبالغه

 

[أماني عمري]

ما عندي فكرة عنها بس نصيحة حطي المرطب و نطري شوي يتشرب و عقب حطي الحماية، ترى الحماية تسوي شغل و تحمي البشرة بجونا اللي يا حار يا مغبر

 

[خرافية الهوى]

ههههه واي بنااات مششكورين كلكم شكثر حمستوني عليييها مع انه انا صايرة ماحب كومباكت باودر .. بس اللي شفتها على وييها كانت حلوووو ة لدرجة فظييييييعة .. يعني شكلي بطييح بعلاقة حب مع هالبودرة ..

 

[][ sarah ][]

بودره كانيبو تهبببببببببببببببببببببببببببببببببببببببببببببببببببببببببببببل
وتغطيتها عاليه مو وسط حتى سمعت ان في بنات يستعملونها حق العروس
انا انصحج فيها بس سعرها غالي الله يقطع ابليسهم كل جم شهر يزيدون بهالسعر ان شاءالله يثبتوت

 

[cuta_saroona]

حبيبتي ان طول عمري بودرة كانيبوو

خيال شوي

اهيه عباره عن بودره مضغوطه يعني تعوضج عن كريم الاساس البايخ والكونسيلر وتحطينها على ويهج كلها تسويلج مثل تغطيه كامله وتصفي الوي وتوخر السواداللي تحت العين وعلى فكره ترا الكونسيلر اهو اللي يزيد السواد وهالشي معروف من كل الدكاتره

انصحج فيها روعه والله

وفي منها درجات روحي واختاري وراح تدعيلي