بنيتي وتسجيلها بالديوان الخدمة مو قادرة تسجل والحل !!؟؟

[falfola-falfola]

السلام خواتي بنتي توها تخرجت من إحدى الكليات صارلها شهر وأول أمس فتح تسجيل الديوان وكل ما تبي تسجل بالنت ما يصير تدخل رقمها يقول لها لازت طالبة مقيدة في الكلية والحل !!! شلون تسجل عيل جذي راح يطوف بنيتي التسجيل وللعلم هي لما اللحين ما استلمت شهادتها قالوا لها استلام الشهايد شهر 3 وأنا اللي أعرفه أنه حتا لو ما استلمت تقدر تسجل بلنت بس مو راضي يصير وياها فيدونا جزاكم الله خير قبل ما يطوفها التسجيل وياليت اللي بتروح الديوان خل تسأل لي على هالنقطة

 

[falfola-falfola]

وينكم ؟

 

[fatma A]

انا يوم كنت ادرس بتطبيقي ما قدرت اسجل بالديوان الا بعد ما عطوني الشهاده ويوم سجلت بالنت ورحت لهم قالو لي انه التطبيقي دزو اوراقي لهم

 

[noran89]

حبيبتي راجعيهم و خلي الموظفة تسلج بنفسها هناك
و لو قالتلج وين الشهادة قوليلها النتيجة طلعت بس جاري توثيقها و استلامها
راح تسجلج عادي
و لما تستلمون الشهادة تروحين تودينها في أي وقت
أنا صار معاي جذي سجلت بشهر تسعة و سلمت الشهادة في 11
انتي بس راجعي و حني على الموظفة , ترى بنات طيبات يخلصون اللي تبينه ان شاء الله

 

[falfola-falfola]

يعطيكم العافيةة خواتي بس أنا بنتي راجعت كليتها وقالت لهم الموظفة اللي في التسجيل إحنا راح ندز شهائدكم متأخر يعني لي متاا إذا جذي بنتي ما راح تقدر تسجل إلا شهر 6 !!!!! ليش ما يسجلونها اللحين الديوان على ما يصير جم شهر إلا دازين لهم الشهادة حتى بلنت مو مبطلين لهم التسجيل شنو هالفوضى ناس يسجلونهم ونااس لا ماهو كلاام صراحة

 

[أحلى قصة]

ااااب الله يكون بالعون

 

[noran89]

قتلج حبيبتي روحي كلمي الموظفة اللي بالديواااااااااان هناك بنفسج و قوليلها الشهادة قاعدة تنطبع
و راح تسجل بنتج عادي و يكتبون ملحوظة " باقي استيفاء المؤهل الدراسي "
و أول ما تستلمها تروح للموظفة مرة ثانية تحط شهادتها
هذا اللي صار معاي و ما عند واسطة و لا شي
انتي بس روحي و تكلمي معاهم , أما موظفات التطبيقي ما رح يفيدونج بشي