بنوتي حبيبتي بطعمها تطعيم بو شهرين

[أحلى عروس 2012]

قوة بنات شخباركم عساكم طيبين
انا بطعم بنتي تطعيم عمر شهرين
وصراحة وايد احاتي
هو التطعيم هذا حق شنو
وشنو لازم اسوي علشان أخفف عليها
سمعت ودورت بالنت
بس باستفاد اكثر

 

[حرم راشد الماجد]

الله يعينج

انا كنت مثلج جذي احاتي

شوفي عطيها ادول قبل لا تطعمينها بنص ساعه

وعقب التطعيم على طووووووووووووووول تحطين لها ريباريل جل الاخضر رووووووووووعه

وكل اربع ساعات ادول



التطعيم هذا كريه 3 أبر بالفخذ وممكن الياهل يسخن بعد بس انتي خليج عالادول وداريها بهاليوم

 

[أحلى عروس 2012]

هلا اختي حرم
انا سمعت ان الدكتورة لازم تقيس درجة حرارة الطفل قبل التطعيم
فأخاف أعطيها تنزل حرارة جسمها
وجذي تخربط الأمور

 

[مشتطـه]

عادي لا تكبرين الموضوع

كلنا مثلج

وكل شي طبيعي وعادي

صج يعوره المكان شوي ويتيبّس


بس عادي انا خليتها على الله

والحمدلله ما مرض بفضل الله

انا افضل الادول بعد التطعيم مو قبله

 

[ام الحلوااات]

لا تــحــاتــيــن ان شــــآء اللــــه ســهـــالاااات
بـــس انــتــي عــطــيــهــا ادوول بــعـــد الـتــطــعــيــم مــبــاااشـــره
كــل اربــع ســاعــات يــخــفــض حــرااتــهــا ويــســكــن عـلــيــهــا الااام الابــــره
وكــمــدي مــكــان الـتـطـعـيـمــه بــكــمــااادات مــااي دافــي
كـلـهـا يـــومــيــن ويــرجــع الــوضــع طــبــيــعــي​

 

[أحلى عروس 2012]

الله يسمع منكم التطعيم يوم الاثنين
ان شا الله

 

[طيبة83]

لا تحاتين خلي احد ايروح معاج عشان يدخل معاها الغرفة انا بنتي ما استحمل اسمعها اتصييح

ولا تحطين اي شي مكان الابره لا فكس ولا غيره ترا مب زين

بس حطي كمادات انا استعمل كمادات باارده

 

[أحلى عروس 2012]

طيبة حبيبتي ابوها بروح معاي
ان شا الله
بس كمادات باردة ولا دافئة

 

[M!SS.LOBY]

قبل التطعيمة عطيها ادول عشان لا تتعب من الابرة

 

[ألماس الغلا]

لا بلييييييز لاتعطينها أدول ولاشي روحي هناك بيقيسون حرارتها وكل شي وعقب بيطعمونها وبعدها طبيب الأطفال بيعطيش الأدول ومايحتاج شي ثاني وسهاااااالات

 

[ريتااجي]

حبيبتي نصييييحة لاتعطينها ادول

يمكن تكون فيها حرارة واذا

عطيتيها ادول تنزل حرارتها

فالدكتورة تطعمها عاادي

وهيه ماتدري ان فيها حرارة

وهالشي يأثر عليها اسم الله عليها

اذا نظام تطعيمكم مثلنا السعودية

فراح تكون تطعيمتين كل تطعيمة

في رجل فالافضل تسوي

لها في البداية كمادات باردة

لمدة يوم. واليوم الثاني

كمادات دافية واذا ارتفعت

حرارتها عطيها ادول

وان شاء الله تكون خفيفة عليها

 

[ريتاج_90]

ماااقصروا البناااات

وعطيها الادول اول ماتطعمينها على طول
واذا رجعتي البيت سوي لها كمادات ماي دافي
بمكان الابرهـ وكل مابدلتي لها الباميرز سوي كمادات
لمدة ٣ ايام
وومثل ماقالوا البنات كل ٤ ساعات عطيها ادول
وان ششاءالله ماتصير فيها حرارة

 

[q8 knosha]

بعد التطعيم عطيها ادول

واول يوم كمادات دافيه

بس بعدها كمادات بارده

واهيا السستر بتقولكم على هل سوالف

الله يعينج انا هم بعد عنده تطعيم بعد 3 اسابيع حق عمر شهرين

 

[جذابه بنت ذيابه]

لا تحاتين

وشربيا ادول قبل التطعيم بنص ساعه