بنوتات عندى سؤال

[درابيل وحليب]

يا ليت اللي عندهم خبرة بالموضوع ما يبخلون بالاجابة :

بعد كم عملية تلقيح صناعي حملتي ؟
كيف كانت دورتج بعد الابر المنشطة نفس كل مرة ولا على غير عادتها ؟
و كم ابرة تنشيط احتجتي ؟
وكم دقيقة نمتى بعد التلقيح الناجح
و سوري علي الاطالة:

 

[bnt_kwt]

للاسف مو كل الاجابات عندي

بالنسبه للابر والله ما اتذكر بس اللي اتذكره انهم كانوا ابرتين باليوم من ثاني يوم الدوره

وسويت تلقيح مره وحده وفشل

ودورتي كانت عاديه طبيعيه ما تغير فيها

وخلوني يوم التلقيح ساعه تقريبا عندهم

 

[ام فوفو]

للاسف ماعندي فكره

 

[Swan]

انا سويت عمليه تلقيح مرتين وحملت بالثانيه بس بسرعه طيحت
وكانت الدورة تتأخر معاي اسبوع مع اي حبوب وابر تنشيط
وحتى لما حملت طيحت عقب ما كملت اسبوع من تأخر الدورة
وبالنسبه للأبر عطتني الدكتورة 4 ابر كل يوم وترك ابره
وفي كل مرات التلقيح قعدت نص ساعه وبعدين رديت البيت
بس في المره اللي حملت فيها ريحت نفسي وايد يعني بأغلب الوقت
كنت منسدحه واصلا بعد التلقيح باسبوع ماكان فيني حيل اتحرك
كنت حزتها وايد احس بتعب مع اي حركه وان تحركت افتر راسي
بس مادري من هل كان التعب من الحمل والا من الحبوب والابر

 

[درابيل وحليب]

شكرا للي ردوا
واللي مرت و ما ردت هم شكرا

 

[كندوش]

يا ليت اللي عندهم خبرة بالموضوع ما يبخلون بالاجابة :

بعد كم عملية تلقيح صناعي حملتي ؟
كيف كانت دورتج بعد الابر المنشطة نفس كل مرة ولا على غير عادتها ؟
و كم ابرة تنشيط احتجتي ؟
وكم دقيقة نمتى بعد التلقيح الناجح
و سوري علي الاطالة:

الله يرزقج انشالله انا سويت حقن مجهري 4 مرات والحمدالله على كل حال مانجحت ولا عمليه
والدوره بعد الابر تكون عاديه وطبيعيه
وبالنسبه للابر كل جسم غير وكل مره اسوي فيها العمليه تكون استجابه المبيض للمنشطات غير ممكن يكون اسبوع وممكن اسبوعين على حسب كل وحده ومدى استجابتها للمنشطات
وتنامين تقريبا ساعه
وانشالله اكون وفيت بالاجابه

 

[قمر ضاوي33]

يا ليت اللي عندهم خبرة بالموضوع ما يبخلون بالاجابة :

بعد كم عملية تلقيح صناعي حملتي ؟

من ثاني تلقيح صناعي
كيف كانت دورتج بعد الابر المنشطة نفس كل مرة ولا على غير عادتها ؟

بعد الأبر المنشطة تكون الدورو اكثر وايد من الدورة الطبيعية من ناحية كمية الدم
و كم ابرة تنشيط احتجتي ؟

ابرتين باليوم
وكم دقيقة نمتى بعد التلقيح الناجح

نص ساعة
و سوري علي الاطالة:


حياك الله ان شاء الله اكون فدتك

 

[بنت الحزن]

للاسف ماعندي فكره