بنوتات انا عروس اي لون اصبغ شعري،واي لون مكياجي؟

[7oor kuwait]

السلاااام عليكم شلونكم بناتاات؟؟


بسالكم حق عرسي اي لون اصبغ شعري،بشرتي حنطاوية ومع الاساس راح اصير بيضة،ولون نفنوفي سكري

والمكياج والحمرة شنو الالوان الدارجة حق العرايس لان مسكتي اوف وايت،وشرايكم متى اسوي كيراتين قبل العرس ولا بعده؟وراح يخرب الصبغ ولالا؟


وشكراااا:eh_s(22)::eh_s(22):

 

[!witcha!]

اب اب اب
الله يوفقج :*
سألي بقسم العروس انشاءالله يفيدونج العرايس :*

 

[الأميرة جوري]

صبغي بنى غامج حلوو ....

 

[نوف زينة الوصوف]

اول شي الف الف مبروك والله يتمم عليج بخير

حبيبتي انصحج تصبغين شعرج غامج عشان تطلعين بيضا

والكراتين اتسوينه قبل العرس لان مايصير تغسلين شعرج ثلاث ايام وما تحطين شباصه وعشان بس تقعدين الصبح الريال يشوف شعرج ناعم وحلو
اسفه قرقت عليج وااايد ☺

 

[7oor kuwait]

مشكووريين حباايبي وناطرة باجي الردود

 

[Laidy n3ooma]

اذا مصره تصبغينه قبل العرس سويه غامق درجات الجوكليت والدارك براون

والروج درجات الوررردي تحملييي تحطييين احمرررر كلش مو شي يكبرررر خليه الاحمر حق اوقات ثانيه

ومكياج العين سموكي درجات البني او الاسود

بس ابتعدي عن البنفسجي بالعيون او بالروج يعطي منظر باهت

 

[Laidy n3ooma]

اي والكراتييين يخرب الشعررر وينتتتتتفه اول فتره بتستانسين بعديييين حلميييييييي يررد مثل قبل

 

[lady angel]

مبروووووك
لا تصبغينه لون بني غامج حق العروس وااااااايد حلو
وعلى المكياج حطي لون الحمره مشمشي وااااااااااااااايد راقييي
روحي حق رشا شيك مكياجهم مو طبيعي اختي سوت عنهم
وكانت حاطه حمرتها لون مشمشي صج طلع شكلها راقي

والله يوفقج

 

[منو انت]

الكيراتين ضروري جم يوم ماتسبحين يعني ضروري قبل العرس


واذا على صبغ الشعر خليج على الغامج احسن لان الفواتح تعطي مع المكياج وجذي عمر اكبر وانتي تبين منظر ناعم


وعلى فكره ضروي تسالين شنو تسوين قبل الصبغ او الكيراتين

والمكياج حلو المشمشي مع عدسات بني والشدو اسود مع بني خفيف


مبروك ياعروسه

 

[ديمــــــــــه]

مبروك ان شاء الله والبنات كفوا ووفوا ماقصروا
وان شاء الله تطلعين احلى عروسه
موفقه يارب

 

[so cheek]

كلولوووش الله يتمم عليك ياارب
نصيحتي مافي زي الشعر الاسود يسطع الوجه ويبرز الملامح اتركي الصبغ بعدين لازهقتي وودك تغيرين والروج حطي حمره حمرا مايله على برتقالي في لون يجنن عند ماك بس ناسيه اسمه اذا تبيه دورتلك عليه