بنهاية الثامن والراس فوق

[غلبانه]

السلام عليكم
كيفكم بنات
انا بكريه
وبالشهر الثامن باقي 4 ايام وادخل 9
والراس للحين فوق
قالوا حبي مثل الاطفال حبيت
قالوا اكثري من السجود سجدت
قالوا اركعي ركعت
قالوا هزي حوضك هزيت

طفشت موراضي ينزل متحجر فوق اوقات ينزل لعند السره وافرح واقول خلاص جا الفرج
شوي ويطلع

قالت لو مانزل قيصري
بيني وبينككم انا خايفه من الطبيعي من كثر مااسمع عن الامها
اقول قيصري احسن انسدح وابراه وشوي وماما مبروك جبتي ولد
منو عندها طريقه
تقول الدكتوره ممكن نلفه بيدنا وانا خايفه لانه سالتها في خطوره قالت بصراحه اي بس اكثر الطرق نجحت
وانا مابي اغامر واخسر ولدي

شسوي
منو مثلي وتعدل

 

[غلبانه]

اب
اب

 

[قلب مغليك]

في موضوع قريته عن وحدة قالها الدكتور لازم تجي بداية التاسع يلف البيبي بعده مايقدر
سوي سيرج وتلقين الموضوع

 

[غلبانه]

تسلمين يالغاليه


وانتظر بقية البنات

 

[محترفة خلطات]

لاتغامرين انتي توك باخر الثامن ،، حاولي تتمشي اكثر ومشي خفيف واكلي تمر واشربي عسل بماي زمزم زان مالقيتي ماي عادي ،، في اللي ماينزل لهم لين اخر لحظه ،، ولاتطلبي قيصري ترى مو بالشي الهين انا نفسك باول حملي كلت انسدح ويخدروني وما احس لين يقعدوني واشوف البيبي قدامي بس كثير طبيبات نصحوني قالوا توكلي على ربك ولاتطلبي قيصري وهذا اللي راح اسوي الخيره كاتبها لي رب العالمين ،، وانتي لاتستعجلي في رد كتبته بموضوع عن تسهيل الولاده باذن الله حاولي تطلعي عليه ممكن تستفيذين منه

 

[دآنة آلرشآيده]

حبيبتي انا بولدي نفسج كانو قايلين لي قيصريه
وراس فووق بس الحمدلله من اول اسبوع بالتاسع وانا امشي
واحبي واكثر سجووود ونزل ولدت طبيعي لاتحاتين ​

 

[المستغفرة 74]

عندج فرصة لحزة الولادة لا تخافين لان بحزة الولادة ممكن انة يغير وضعة وانا بنتي انزلت على رجولها كان راسها فوق
والله يسهل عليج

 

[@ام يوسف@]

الله يهون عليج وتولدين طبيعي

 

[برد فيمتو]

حبيبتي آنه نفسج الحين بأول الثامن وراس البيبي فوق
وقالتلي الدكتوره راح ننطر عليج لأول التاسع
والله اني قاعده أدعي والواحد مايدري الخيره وينها فيه وعسى أن تكرهوا شيئا وهو خير لكم
ماتدرين يمكن بالعمليه الله يبي يصرف عنج مكروه أكبر
أدري قرقت وايد بس والله لأني حاسه فيج ​

 

[GOLDEN_FISH]

عادي انا اعرف وحدة من ياها الطلق سبحان الله جان يلف البيبي لي تحت وصار راسه تحت

 

[كويتيه مذهله 87]

حبيبتي انا بالاسبوع 35 نزل بروحه بدون لف

نطري بعد شوي

 

[××بنت الشيوخ××]

ان شاء الله ينزل بروحه .. انا حماتي نفسج وعطتها الدكتورة تمارين وولدت طبيعي

وانا من السابع وضعية ولاده بسس البيبي كبير ولدت قيصرية

الخيرة من عند الله

 

[أأأميرة الورد]

عااادي ياقلبي تو الناس انا افتر الجنين قبل الولاده بيومين

 

[La t7atini]

ماعندي خبرة
بس الله يسهل ويسر عليج
وتولدين بصحة وعافية

 

[كل الحلا فحبيبي]

ان شاء الله تولدين وتقومين بالسلامه ياارب