بنك برقان

[krkosha]

:ggdw:بنات منو دقو عليها حق المقابله هالاسبوووع ؟؟؟


وبليز بنات البنوووك نبي نعرف شنو الاسئله اللي ممكن يسالونا بالمقابله

وخصوصا اسئله الانجليزي ؟؟


الله يفتحها علينا يااارب:yaaaaaarb:

 

[krkosha]

موظفات البنووووووك وينكم

 

[برنسس أوراق]

وياج ياليت أعرف

 

[frawlah_83]

يعتمد مقابلتج مع اداره شؤون الموظفين ولا اداره معينه ؟

عموما اسالت المقابلات كلها وحده اخذي فكره شوي عن البنك دشي على السايت مالهم اكيد بقولون ليش اخترتي القطاع الخاص وبالذات ليش قدمتي على بنكنا واذا كانت مع اداره معينه احتمال يسالونج شوي عن الشغل وتخصصج

يمكن يسالونج شنو تسوين لي انحطيتي في موقف معين ؟ عندج مانع تشتغلين تحت ضغط شغل وايد اذا في اوفر تايم تيين اذا في شغل عادي تتاخرين بالدوام على ماتخلصينه

اذا بالمقابله في شخص اجنبي فالمقابله اميه بالاميه بالانجليزي واذا كان كلها عرب يمكن اقولوج في بدايه المقابله ان المقابله بتكون باالانجليزي

 

[dana1212]

بيسالونج ليش اخترتي هالمكان
واذا انقبلتي بمكان ثاني هل تتركين البنك
ويسالج عن مستواج بالانجليزي والبعض يقولج تكلمي عن نفسج بالانجليزي
ويسال اذا صار ضغط بالعمل واضطريتي تقعدين لي ساعات ورا الدوام الرسمي تقعدين ؟
وحسب المكان والادارة اللي تنحطين فيها بتكون الاسئلة
ويسال بعد عن دراستج وشنو وضعج الحالي طبعا هالاسئلة بيشوف منها قوة شخصيتج وقدرتج عللى الاجابة عليها

والله يوفقج ويسهل امورج

 

[krkosha]

حبايبي مشكورين عالرد :*****


بعد بنات اللي تعرف خل تفيدنا بليز

 

[krkosha]

وياج ياليت أعرف

حبيبتي الله يوفقج

متى مقابلتج انا يوم الثلاثه نشالله

 

[solbi]

مقدمه صارلي شهرين ولاحس ولا خبر

وعله مبرررررررررررررروك انشالله والله يوفقج
شنو تخصصج

 

[* Snow White *]

بوبيان والوطني يقبلون الحين بسرعه بسرعه ويبون موظفين
والاسآله سهله بتكون عن حياتج العامه وليش اخترتي القطاع الخاص او هالمكان

قولي اخترته لان احب اطور نفسي بهالمجال، والبنك سمعته زينه ومن
هالحجي ومدحي وانج حابه تكونين جزء من شركه كبيره مثل "تسمين اسم البنك"
وغيره وخلج واثقه من نفسج لاتتوترين جنج قاعده مع رفيجاتج وتسولفون عادي
يحبون اهما يكون الوضع طبيعي

وموفقه

 

[solbi]

سنو وايت شنو التخصصات اللي يبونها والوطني من البنوك الاسلاميه ؟

 

[krkosha]

مقدمه صارلي شهرين ولاحس ولا خبر

وعله مبرررررررررررررروك انشالله والله يوفقج
شنو تخصصج

حبيبتي انا مقدمه السي في من شهر 6

بس عيالج دقو علي بالساهل ؟ الله يسلمج كل شهر اروح ال HR واسالهم متى الامتحان متى المقابله شصار ماصار ليما دقو علي

واللي خلاني اسوي جذي لاني شفت الموظفه يحط السي في مالي بملف شكببرررررررره ومتروس يمكن امه محمد كلها مقدمه لوووووووووووول

حبيبتي شدي حيلج وراكضي لان مايدقون بالساهل نصيحه:eh_s(7): الله يوففقج يارب

 

[krkosha]

حبيبتي تخصصي قانون

 

[* Snow White *]

من صجج انتي يبون تخصصات البنوك؟
مايعترفوون بشي اسمه تخصصصص كللللششششش

انا تخصصي تامين وتوظفت ابنك بوبيان
وقدمت عالوطني واقبلوني وقدمت عالتمويل بعد واقبلوني بس بعدين رفضتهم ماحبيت اكمل بهالمجال

البنوك الاسلاميه
الاهلي المتحد "شرق اوسط سابقا"، بوبيان، التمويل، بنك الكويت الدولي والحين بيطلع بعد وربه

البنك الوطني فيه نسبه اكثر من 50٪ يتعامل اسلامي،
بس يعني للحين فيه شكوك، يعني اهوه من قبل ماكان اسلامي بس زادو نسبة تعامله بالاسلامي لي اكثر من 50٪
بس مازال يتعامل بالربا عرفتي؟

وكان بيتحول اسلامي، بس شافو انه بيخسر وايد .. جان يشتري بنك بوبيان الاسلامي
يعني بنك بوبيان جنه فرع من الوطني بس اسلامي
وصج كل شي كوبي بيست صاير من الوطني حتى موظفينه كلهم كانو بالوطني

القبول بالبنوك مو شي صعب مثل ماتتصورون ترا
ومايبيله واسطه

وعلى سالفة التخصصات عندنا بنات جرافيك ديزاين وهندسه ويشتغلون معاي ونفس البوزيشن ونفس الراتب بالافرع لول
مايعترفون بشي اسمه تخصصات .. يعترفون بس بالشهاده
دبلوم او جامعي

بس التخصصات ياخذونها اذا قدمتي عالاداره مالتهم عرفتي؟ اهني الاداره صعبه شوي
بس الافرع وشغل المصارف سهل وااايد ورواتبهم واايد زييينه يعني دبلوم يوصل 1000 وشي عادي
بس تعب نفسي فيه صراحه .. خاصتن من سالفه تارقت وماتارقت وييبي عملاء وايد ولا بيصير عليج وورنينق ومن هالحجي

اول ماتتوظفين كـ دبلوم يحطون بمكان الصرافين اسمه "تيلير"
تودعين فلوس وتسحبين فلوس وشيكات واي غلطه يما بتحوشج جلطه مؤقته وتدفعين
واكبر غلطه تخرع غلطات الشيكات لان بعضهم يروحون مخافر ويحققون بصرف الشيك اذا اصرفه للشخص الغلط
واذا اللي معطي الشيك للمستفيد طالب انه هالشيك ينحط بالحساب وانتي تصرفين له كاش وتختمين عليه اسمج
بيبااي .. بس طبعا يدخلونج دوره، اقوى دوره .. دورة الوطني 6 اشهر وانتي بتكونين تحت التجربه يعني لو غلطتي عادي
بس بعدين بعد ماتخلصين الدوره تتثبتين وتتحاسبين

الجامعيين يحطونهم كأول تعيين مسؤول علاقات عامه اللي يكونون داخل المكاتب
يفتحون حسابات وقروض وغيره وهذا تارقتهم قوييييييي واهوا اللي لازم اييب العملا، يعني مايتعامل مع فلوس
بس يقدر الجامعي يختار بين ار او "مسؤول العلاقات العامه" او تيلير "صراف"

بس اذا ثبتي نفسج بالصراف ويبتي عملا "مع انه مو مطلوب عليج" وشافو شغلج صح وممتاز
راح يرقونج حق مسؤول الخدمات، الي اهوه بالاستقبال وهذا احلى واريح مكان

وتقدرين تفتحين حسابات وهم تقدرين ترقين نفسج لي فوق من خلال شغلج

انا اشتغلت بالوطني شهرين ميداني وشفت الفرق بين البنوك الاسلاميه وخاصه الوطني
بشكل عام .. الوطني احسن بنك بالكويت من ناحية خدمة موظفينه ووايد مريح
موظفيينه وااااااايد بس شغل شغل وكل شي فيه بروفيشونال

بنك بوبيان يمكن لان توا يديد وماصلح اخطائه والوطني قاعد يسنعه
بس ويع شفت الضيم موظفين شوي وتندبسين باي مكان عادي

بس الحلو فيه اذا طحتي بفرع مو مختلط .. شغل البنات بالبنوك الاسلاميه راااااااااااحه
العميلات شوي .. وترتاحين تاخذين وقتج

واخيس شي بالبنوك .. سالفة الشفتين بو دوامين الروحه والرده .. اخيس شي
والدوامين ماتصير الا بالافرع التجاريه، وبتاخذج من حياتج

انشالله اني قدرت افيدج واي سؤال انا حاضره

 

[krkosha]

حبيبتي سنو وايت من صجج انا رحت الوطني بقدم السي في قالولي مايبون قانون يبون محاسبه واداره وتسويق

المهم اقولج حبيبتي انا اللي اعرفه دعم العماله مع الراتب الاساسي 700 وشي بس التيلر له بدل ؟ وشنو البدلات وتقريبا جم يوصل المعاش

ومشكووووووووره عالمعلومات المفيده حبيبتي

 

[* Snow White *]

شلون جذي قالولج؟! =/ غريبه!!!
والله اقولج بنات جرافيك ديزاين وتخصصات هندسيه من تكنولوجيا وانا تخصصي "تأمين" اللي كلش مال امه داعي

يمكن عشان عبالهم انتي يعني بتقدمين حق ادارة القانون اللي عندهم؟
ماعبالهم دائرة المصارف ..

شوفي الدبلوم بوبيان كان 460 ودعم العماله حق الدبلوم 389 هاذي صارت 849
اذا داومتي عصر ، دوام العصر عليها باليوم 8 دنانير ابوبيان "بس بدون يوم الخميس" يعني بالشهر 128
صارت 977

بدل تذكرة سفر 100 دينار
وبدلات ثانيه 69

كلهم صارو 1146

انا نزلولي البدلات 69 لما قدمت استقالتي .. يحليلهم حقانيين d:

البكالريوس نفسهم بس تفرق بينهم 100 دينار وشي
يعني الاساسي 560 ودعم العماله مال البكالريوس 410 اعتقد

الوطني نفس بوبيان بالظبط بس شيلي ال60 دينار من الراتب الاساسي ودوام العصر حق الوطني 12 دينار بدال 8 دنانير باليوم

 

[baby qa6wa]

upup

 

[krkosha]

مشكؤووووره عالاقاده عسئ ربي يوفقج وين مارحتي
مشالله حلو راتب بوبيان نشالله بأجر عقب المقابله بقط السي في على بوبيان دأم على طريجي :* *

 

[krkosha]

عالافاده * سوري عالبدليات شابكه من فوني

 

[آنـوش ••||]

دوآم العصر من جم لي جم

 

[JaMoOoNa]

عندي مقابله فالبنك و حدي خايفه​