بنــات منو اشترت جلكسي اس3 الجديد؟؟

[عذوب الورد]

السلام عليكم
قبل اسبووع نزل جلكسي الجديد اس3
رحت محل هاتف2000 قالي خلص من السووق
ولازم اللحين تحجزينه على ماتوصل الدفعه الجديده
اختي احجزته من المحل وقال يوصل خلال هاليوومين


بنات الي شرته ياليت تقول لنا من اي محل؟؟

 

[قصه حزينه]

احنا في السعوديه توه نزل من يومين وصي احد يشتريه لك احسن

 

[bsmaaa 2011]

انا بعد رحت مالكيت كالو نضام طلب عاد زوجي سافر امس للاردن وشراه لي من هناك بس للحين ما وصل باجر انشالله يوصلي

 

[ملاك الأمل]

انا من السعودية ..
شريته من كم يوم ..
حلو حيللللللل ..

زوجي جابه لي وما في الا عن طريق الحجز ^_^ ..

 

[بنوتة حساسة]

انا اليوم حجزت من فيفا قالولي يوم الاحد تنزل دفعة

 

[بنوتة حساسة]

لوووول سوري قصدي من الوطنية ,,,,,,,,,,,, شسوي فيفا عقدوني

 

[✿¸3ώẪṧĤ»]

مآيمدحوونه كـ شكل ,،

عآد صج شكله مو حلو s|| أحلى بوآجد ,،
​

 

[*شمعة وفا*]

طيب بكم سعره؟

 

[بنت النوخذا]

الوكيل له شركه وهران

اهم اول شئ يخلون شركات الاتصالات تقدم عروضها
بعين يطيح بالاسواق و المحلات

يعني بعد رمضان بتلاقونه طاااايح
بكل مكان


بس الجلاكسي اوووووكي حيل روعه

بنات منو جربت كلاكسي تاب اليديد

 

[بنت النوخذا]

 

[جـــواهر]

خذيته من جمعيتنا ب 210
اول مره استعمل الجلكسي
من بعد الاي فون والبلاك بيري
عجبني غير تقليدي بكل شي
والله يكفيني شره وعساني اكسره بالعافيه


لوووووول

ماجربت الجلكسيات بس هذا عجبني

 

[بنوتة حساسة]

أنا أخيرا صار عندي الصراحة عجييب بس الأبيض مايمدحون فيه وعند الوطنية واايد بس الون الثاني قليل عشان جذي خذيته

 

[عذوب الورد]

مشكورين بنات وماقصرتووو
الحمدلله شريت جلكسي اس3