بنـات تكفوون ادخلو كلكم والله لادعيلكم بالقيام

[شموووخ الكويت]

بنـات والله تعبت امانه لحد يضحك
انا ريحة الابط عندي حيل خايسه عانيت منها وايد لدرجة زوجي قام يكرهني

ع فكره انا مو شموخ الكويت انا رفيجتها بس عادي ادش وهي ترضى
امااانه لاقولي حل

 

[كويتيه فزاعه]

شدعوا بنات 6 مشاهدات وولا رد

 

[كويتيه فزاعه]

بنات شدعوا 6 مشاهدات ولا وحده ردت

 

[كويتيه فزاعه]

حرام عليكم انا ماعرف شي احد يفيدها

 

[عالمي انا غير]

اختي معقولة ماتعرفين شل الحل؟ معقولة ماتعرفين في اختراع اسمه مزيل العرق يعني بعد السبحوح تحطينة وهم في اختراع اسمه لوشن للجسم

واذا هل امور ماانفعت معاج روحي للجلديه يمكن عندج مشكلة

استغفر العظيم ماادري ليش احس الموضوع مو صج

 

[بـربـوشـآ]

حيآتـي في مزيل للعررقـ في لوشنآت للجسسسم

وممكن يكون عندج مرض أو شيء لا سمح الله روحي راجعي الجلديـه إذا كنتي تستخدمين مزيلآت ولوشنآت ..

 

[شموووخ الكويت]

انا استعمل لوشنات وكريم مزيل العرق بس كله ماينفعع

 

[رحيق الحياة]

1- لازم نزع الشعر
2- الاستحمام يوميا
3-استخدام مزيل عرق طبي (مايكون فيه مواد عطريه)

 

[cba girl : )]

روحي العطار اخذي شبه تبيض وتمنع الريحه خصوصا الحين صيف بعدين اختي حبيبتي منو كويتيه وتشتكي من الريحه مافي ..!

 

[المرتاحة]

اي لازم تشيلين شعر الابط بالشيره او اي طريقة ثانيه بس يكون نتف الشعره من جذورها ..و تسبحي يوميا

واتسبحي بصابون ضد البكتيريا لان البكتيريا تسوي ريحه عندج جل الاستحمام لايف بوي

و ديتول

وعقب ما تخلصين من السبوح وقبل ما اطلعين من الدوش ييبي بيدج حفنة سدر مطحون و فركيه بالابط 3 دقايق و عقب غسليه لانه السدر يقتل البكتيريا و مطهر



و مزيل العرق استعملي الشب.. اشتري من الحواي شب و طحنيه و خلطيه مع كريم مرطب بس لازم تكون كمية الشب اكثر واشوية بيكاربونات الصوديوم تلاقينه بالجمعيات (ممكن تستغين عنه) من الكريم و استعمليه كمزيل للعرق



واستبدلي الجاي اللي تشربينه بمرميه او زعتر او زنجبيل ترى وايد يطيبون ريحة العرق ولا تاكلين معلبات وايد او مثلجات خلي اكلج كثر ما تقدرين طازج و فريش


ان مشيتي على طريقتي ان شا الله ما تشمين ريحة العرق

مابي منج الا الدعاء

 

[golnaz]

حبيبتي اول شي لازم تشيلين الشعر لانه الشعر اهو الاساس الي يسبب الريحة و لا تشيلينه بشي غير الشيرة ثانيا الاستحمام كل ما تعرقين و عندج مزيل العرق بعد الاستحمام وانا عن نفسي استخدم هذا وااايد زين و مايخلي يصير بالابط ريحة :

 

[شموووخ الكويت]

المرتاحه جزاج الله خير ان شاء الله راح اسوي الي قلتيه وراح اقولكم النتايج
ولج مني احسن دعااء

 

[شموووخ الكويت]

مشكوره حبيبتي جزاج عن ربي

 

[موج-البحر]

البنات ماقصروا وفي بالجمعيات شغلة مثل الكريم حجمها مثل اصبع الايد

تمنع الريحة اسبوع بعدها تخف الريحة

وفي بالصيدليات بعد كريم اسمه فيبكس يزيل نفس النظام يمنع الريحة اسبوع وتخف تدريجيا

وموفقة

 

[الهامه2]

حبايبي لاتقومون علي البنت تري في جذي
وهذا المساله ماتكون متعلقه بالنظافه بالعكس تكون متعلقه بالهرمونات
انصحج تروحين لطبيب جلديه وتقوليله الحاله يمكن الموضوع معاج متعلق بالهرمونات
يعني ماينفعه مزيل العرق

 

[دلال.]

في عند الشايع كريم أعشاب لمن تخلصين من السباحة تقدرين تدهنين فيه المنطقة عشان ما يطلع ريحه ..

 

[شندوخه]

السبوح كل يوم وبعد السبوح حطي ديودرنت
ولا استخدمي شبه مطحونه وااايد حلوه

 

[حبي أبوي]

.. والله ما أعرف بس روحي مركز جلدية وسوي جلسة ليزر .. كأني سمعت إنها تنفع وأنا تابعت هذا الكلام في برنامج صباخ الخير ياعرب بس قبل سنتين بس والله الحين ناسية ومو متذكرة زين .. ​

 

[لحن التياعي]

حبيبتي شموخ نصيحة لاتشيلينه بالموس انتفيه بالحلاوة (الشيره)
واستخدمي مزيلات عرق طبيه وماركه زي بودي شوب عندهم مزيل عرق بالصبار للابط الحساس مره حلو ومن دون عطر
وب 37 ريال

 

[أم توتو]

روحي دكتور جلديه احسن وفي علاج بالليزر بعد والاكل ابعدي عن الثوم والبصل والبهارات اللي تحتوي على الكاري والفلفل الحار هذا اساس الريحه لا تاكالينه ماتشوفين الخدم كل ريحتهم مو زينه من الفلفل الاخضر الحار